Bib sou entènèt

Thodŏpho 2:24 - Geba Roman New Testament

²⁴ Barasă Kib́ĭcè b́awè̄htogegè Cè, Kib́ĭcè b́ăplè gòthògè Larrā adèothootha, manè̄ Cè tè b́è cŏglo hme Larrā acukhòbu ńò akhoacè̆ nu.

Gade chapit la Kopi

tounen moute ⬆

Thodŏpho 2:24
45 Referans Kwoze

1 Kòrĭn 6:14

Kib́ĭcè htè ab́awè̄htoge B́ĭcè d́ŏ dèthĭklè̆ dèbwè nu, d́ŏ Zè dècô̆thèlè̆ abu kā b́awè̄htogekò̆ wa wa.

1 Petru 1:21

Zo kho cè cè̆ lò, thĭ b́ugè Kib́ĭcè htè ab́awè̄htoge Krĭstu d́ŏ dèthĭ aklè̆, kî igè Cè dèdòdèthe ajo akhoacè̆. Cab́ô̆htè thĭ ku b́u kî gā sascĭibò̄ Kib́ĭcè nu.

Kòlò̆ssia 2:12

Manè̄ d́ō, b́ĕ thĭ ŭsab́ă htĭ akhè̆ nu, thĭ b́è b́ŭlă ploplogè Krĭstu kî thĭ b́è b́awè̄htoge ploplo kî Krĭstu d́ŏ dèthĭ aklè̆ d́ŏ thĭ dèb́u Kib́ĭcè acô̆thèlè̆ htè ab́awè̄htoge Krĭstu d́ŏ dèthĭ aklè̆ acè̆ nu.

Thodŏpho 2:32

Jezŭ ajo dèbwè nu Kib́ĭcè b́awè̄htoge Cè kî wî ḿî lŏ akhathè̆thî tòcò nu.

Ephè̆sus 1:20

htè ajāthôkî Zè dècô̆thèlè̆ htè ab́awè̄htoge Krĭstu d́ŏ dèthĭ kî Ci i lōwa sańăò d́ŏ Zu cudèhtwè d́ŏ Mò̄kho Ahtĭage abu nu.

Zowănnī 10:18

Bija dî phîkè̆ thĭwī za Ja thathôḿô̆ dèbwè̆ ńò. Jò ò kî dèkhwèdèja d́ŏ Jî gī ilakè̆, kî Ji gī phîge Jè è̆ lò. Dè ajo ḿî Ja Pa hmèlagè Jè d́ŏ agè̄ mèb́è dèdè̆ nu.”

2 Kòrĭn 4:14

Wî thîhè̆ htè ab́awè̄htoge B́ĭcè Jezŭ dèbwè nu ka b́awè̄htogekò̆ wa ploplo kî Jezŭ, kî Cè kè b́è̆lă thò̆gròkò̆ thĭ kî wa d́ŏ wè klè̆ nu.

Rŏma 8:11

Kib́ĭcè aSpirito, htè amè htaboge Jezŭ Krĭstu d́ŏ dèthĭ nu ḿî ò ma thĭ bu d́ō, thĭ tha ḿî aòthôḿô̆ d́ŏ thĭ b́è mètcahtĭge akhoacè̆ nu.

Rŏma 6:4

Mègōnu d́ō, b́ĕ wi nib́è dèŭsab́ăhtĭ nu, wè b́è b́ŭlăplogè kî wi thĭplogè Cè. Gōnu akhoacè̆, acab́ô̆ Krĭstu htaboge d́ŏ dèthĭ aklè̆ d́ŏ Ca Pa adòathe abu nu, wa ḿî ḿî wò kò òb́èbò̄ d́ŏ dèthôḿô̆ athè̆ abu nu.

Hebrè̆u 13:20

Kib́ĭcè b́awè̄htogegè B́ĭcè Jezŭ d́ŏ dèthĭklè̆, Cè htè aḿî Atcai thŏ Adogudŭ d́ŏ Zè dèthĭ abu nu, htè aḿî dèlagla alahtŭlablo b́è zwî̄laglogè nu. Kib́ĭcè adèjīdèd́wă gè̄ mèni d́ò̆è thĭ gajă dè aè htè thĭ mò nib́è tòcò nu, cab́ô̆htè thĭ gè̄ mè kèhtabò̄ Zè dèthaèni d́ŏ Jezŭ Krĭstu abu nu. Krĭstu kè̄ b́è bè̄dòbè̄the d́ò̆è thèjô̆ lahtŭlablo! Amèn.

1 Thèssalò̆nika 1:10

kî thĭ dôi Zo Pho ò d́ŏ Mò̄kho adèlela, Zo Pho Jezŭ htè Zè mèhtaboge d́ŏ dèthĭ kî amèhlô̆htage wa d́ŏ B́ĭcè adèthèhtè abu htè agā lab́è nu.

Rŏma 10:9

Thĭ kò d́òphlò̆hta ma d́ŏ thĭ lòmò bu htè Jezŭ ḿî B́ĭcè nu kî thĭ ku b́u ma d́ŏ thĭ thabu htè Kib́ĭcè b́awè̄htoge Cè d́ŏ dèthĭklè̆ nu d́ō, thĭ gô̄ hlô̆htage tèpwè.

Rŏma 4:24

Ḿî ad́ò wa nikhĭ papa. Manè̄ d́ō, d́ŏ wu b́u Cè htè ab́awè̄htoge B́ĭcè Jezŭ d́ŏ dèthĭklè̆ dèbwè nu akhoacè̆ lò.

Thodŏpho 17:31

Manè̄, ze bè̄la htŏ munimuthè̆ agī cirra Lākho d́ŏ dèdî̄dèhma abu nu. D́okhlŏ ḿî Zè lè̄hta htŏ bija agī cirradè dèbwè nu. Kib́ĭcè d́è̆lî̄phlò̆hta htŏ d́ŏ Ca b́awè̄htogegè lōwa d́ŏ dèthĭ aklè̆ nu.”

Thodŏpho 13:30

Barasă Kib́ĭcè b́awè̄htoge Cè d́ŏ dèthĭklè̆ nu.

Thodŏpho 3:15

mèhwă thĭ mèthĭgè Dèò Ab́ĭcè, ḿî Kib́ĭcè b́awè̄htogegè Cè dèthĭ aklè̆ kî wa thè̆ne khagè thè̆thî.

Galatiăno 1:1

Jè Păulu, bija ab́èjo d́ŏ agè̄ kèhta Thodŏpho htè atè b́è d́ŏ bija kî alekô d́ŏ bija è̆ ńò, ḿî d́ŏ Jezŭ Krĭstu kî Kib́ĭcè Pa, ab́awè̄htoge gè Cè dèthĭklè̆ dèbwè, kî thè̆buwe aòkô ja kă b́ĕjo lŏcăcè hwe d́ò̆sa thĭ Dèòplopho aò d́ŏ Galătiage bu lŏcăcè lò.

Thodŏpho 3:26

Kib́ĭcè lè̄htani ŭsu thĭ Zôpho, Zo thodŏle lōwa agô̄ hôwî thĭ cab́ô̆htè bija gŏ abwè gā bāphlòḿĭbò̄ adèkî̆kkèmèhlò̆ nu,” cò d́ògè lōwa tòcò do.

1 Kòrĭn 15:15

D́olĭ kî anu, akè d́è̆lî̄hta d́ŏ wî ḿî bija aplèahlŭdè, manè̄ wò d́ò̆htôlagè Kib́ĭcè mèhtaboge Krĭstu awîakè̆ akhoacè̆ nu. Athĭ tòcò da htaboge za dèthĭklè̆ ńò gî̄ ḿî ma adî̄ahma d́ō, Kib́ĭcè ti i mè Krĭstu htaboge dèthĭklè̆ ńò.

Thodŏpho 13:37

Barasă d́ŏ Kib́ĭcè b́awè̄htoge dèbwè nu, to thŏ tô ô̆gè ńò.

Thodŏpho 4:10

thĭ lŏcăcè kî Israè̆lpho lŏcăcè thîhè̆bò̄ zè dèhmage ajo nu ḿî d́ŏ Jezŭ Krĭstu, Nazarè̆thpho ami abu, Cè htè thĭ htalaglothĭgè dèbwè nu, htè d́ŏ Kib́ĭcè b́awè̄htoge htŏ Cè dèthĭ aklè̆ dèbwè ami abu bija ajo dèbwè sò̆hto ò thĭ hlò̆mò̄ jo nu òhma thoŏthèè tèpwè jo.

Zowănnī 20:9

(Ḿî cè tòcò dî thîhè̆ Cè Tcahtĭ adèjî̄b́è htè Za gā htabogeb́è dèthĭ aklè̆ nu hnî̆ńò.)

Dèd́è̆lî̄ 1:18

Jî ḿî aòthôḿô̆ dèbwè. Ji thĭgè kî khŏnujo jò kò̄ ò thèjô̆ kî lahtŭlablokò̆, kîd́ò̆ jô ò kî dècô̆dèthèlè̆ d́ŏ dèthĭ kî halè̄ akho lò.

1 Kòrĭn 15:12

Khŏnujo, wè dèd́ò̆sa thĭ ḿî Krĭstu htaboge dèthĭklè̆ awîakè̆ akhoacè̆, bija tòcò d́ò d́ŏ athĭ tòcò da htaboge za ńò ḿî d́ò̆ cadè̄?

Rŏma 14:9

Ajo ḿî ad́è̆lî̄ Krĭstu thĭ kî Za htaboge cab́ô̆htè Zî gî̄ ḿîbò̄ bija athĭ kî aò tòcò Ab́ĭcè nu.

Rŏma 8:34

Bija cirra za wa dèbwèbwè ā? Ńò! Tè b́è Jezŭ Krĭstu htè athĭ hwă ab́è mèthôḿô̆htage Ci thĭ nikhĭ wa, da hwă hnî̆ńò, Za htaboge dèthĭ aklè̆, Hwă d́ō Cò ò d́ŏ Kib́ĭcè acudèhtwè nu kî Cò d́ònikhĭsanikhĭ we wa dòkhò̆.

Zowănnī 12:39

Gōnu akhoacè̆ cè tòcò tu b́u za tèpwè ńò. Mèhwă d́ō, Izaĭah d́òwe;

Hebrè̆u 2:14

Pholi tòcò nib́è thwihtĭ domo lò akhoacè̆, cab́ô̆htè Cè htè aphlŭathere ò Mod́èlî akho d́ŏ Zè dèthĭ acè̆, Zî gî̄ phîkè̆bò̄ Mod́èlî aphlŭathere,

Mattĕo 27:63

kî cò d́ògè lōwa, “B́ĭcè, wa gomohtani tèpwè htè, bija ahlòplè dè ajo dèbwè nu, hlĕ Cò thôḿô̆we akhè̆ nu, cò d́ò, ‘Thŏni thŏthè̆ hwă nu Ja gā htabogekò̆.’

Zowănnī 10:35

Kib́ĭcè Alēahwè ḿî ab́è thèjô̆ lò akhoacè̆, Zo gō jo b́eḿĕ bija htè anib́è Kib́ĭcè Alēahwè tòcò Kib́ĭcè d́ō,

Thodŏpho 1:16

“Thè̆buthè̆we tòcò, Cè Tcahtĭ kè̄ b́è pĕhtazòhtab́è acab́ô̆ Spirito Tcahtĭ jî̄b́ègè d́ŏ Dăvid alòmò bu ab́èkja Jŭdas, aleihŭgè bija agò̄ phò Jezŭ tòcò klè nu.

Thodŏpho 5:30

Wi phĭ wu phŭ tòcò Ab́ĭcè b́awè̄htogè Jezŭ, htè thĭ htalaglothĭgè Krusu alò dèbwè nu.

1 Kòrĭn 15:4

htè Cè b́è b́ŭlăgè kî acab́ô̆ Cè Tcahtĭ abu òhwelagè nu thŏthè̆ b́ahta d́ō Za htaboge dèthĭklè̆,

1 Kòrĭn 15:20

Barasă adî̄ahma ḿî Krĭstu htabogegè d́ŏ dèthĭklè̆, anu ḿî thè̆thî htè bija asòḿĭ dèthĭ abu tòcò kè̄ b́è b́awè̄htogekò̆ nu.

Swiv nou:

Lyen patwone

Piblisite

Piblisite