Bib sou entènèt

Paj dakèy
Bib sou entènèt
Thodŏpho 13:46

Thodŏpho 13:46 - Geba Roman New Testament

⁴⁶ B́ĕnu Păulu kî Barnăbas jî̄b́èhta khŭthaklagè, “Wò d́ò̆sab́è ŭsugè thĭ Kib́ĭcè Alēahwè, barasă thĭ bāphlòḿĭgè cè. Thĭ gomo ḿî thĭ da tani dèòthôḿô̆ alahtŭlablo ńò acè̆, we gē lehtîb́ègè bwèthŭkupho tòcò nu.

Gade chapit la Kopi

tounen moute ⬆

Thodŏpho 13:46
37 Referans Kwoze

Thodŏpho 28:28

Thîhè̆bò̄ kha, htè Kib́ĭcè adèhlô̆htage b́è thè̆le htŏ d́ŏ bwèthŭkupho tòcò ò kî cè tòcò gō sòkhĕńekò̆.

Thodŏpho 26:20

Ḿî jò d́ò̆htôd́ò̆dèlègè dòkhò̆, aŭsu ḿî bija aò d́ŏ Damăskus u bu tòcò nu, alekă bija aò d́ŏ Jerŭsalèm u bu kî bija aò d́ŏ Judĕage bu tòcò nu kî d́ŏ bwèthŭkupho tòcò papa, ja hna cè tòcò gā salage atha kî geb́ahtî Kib́ĭcè, d́è̆lî̄hta d́ŏ dèb́ăkhlètha kî dèphîdèmè abu nu.

Mattĕo 21:43

“Mègōnu d́ō, Jò d́ò̆sa thĭ, Kib́ĭcè Ahtĭage kèb́è phîthĭwīkò̆ thĭ ò, kî akè b́è ilakò̆ bija da thara, htè aige dèathwè̆ tòcò nu.

Thodŏpho 3:26

Kib́ĭcè lè̄htani ŭsu thĭ Zôpho, Zo thodŏle lōwa agô̄ hôwî thĭ cab́ô̆htè bija gŏ abwè gā bāphlòḿĭbò̄ adèkî̆kkèmèhlò̆ nu,” cò d́ògè lōwa tòcò do.

Rŏma 2:10

Barasă Kib́ĭcè ki ilakò̆ dèdòdèthe, dèd́ŏdèj́a kî dècodèkhli d́ŏ bija gŏ abwè htè amèdè awîaè tòcò nu, Jŭdapho aŭsu, alekă Grĭspho tòcò nu.

Rŏma 1:16

Ja da thăwāi tèpwè Vanzĕlō ńò; zî ḿî Kib́ĭcè acô̆thèlè̆ amèhlô̆htage lŏ bija adèb́u ò tòcò nu. Jŭdapho tòcò ḿî aŭsu kî Grĭspho tòcò papa.

Thodŏpho 22:21

Alekă Cò d́ò jè, ‘Lebò̄! Jo thodŏ nè d́ŏ bwèthŭkupho htè aòjîòzo tòcò nu dòkhò̆,’ Cò d́ò jè do.”

Thodŏpho 13:26

“Jè thè̆buthè̆we Abraham aphoali tòcò, kî lŏ thĭ ascisăni Kib́ĭcè ale tòcò, dèhlô̆htage awîakè̆ ajo ḿî thĭ nikhĭ.

Zowănnī 1:11

Ze lelagè d́ŏ Zi htĭ Ze ge abu, barasă Zi khwĭpho dî phînigè Cè ńò.

Thodŏpho 7:51

“Thĭ agò̄ hma kî athasa akhwĭ, Thĭ htakhokă nènògè Spirito Tcahtĭ acab́ô̆ thĭ phĭ thĭ phŭ mègè nu.

Lŭka 24:47

kî dèbajalage ane, kî dèkhòwè adèb́ahlô̆ awîakè̆ nu kè̄ b́è d́ò̆htôib́è d́ŏ Zi mi abu d́ŏ htĭge lŏcăcè ò nu, gohta d́ŏ Jerŭsalèm u bu nu.

Philippiăno 1:14

D́ŏ jò ògè dèkî̆dî̄ bu gōjo acè̆, amèòèhta thè̆buwe tòcò adèb́u d́ŏ Kib́ĭcè abu, kî ca tha khŭhtagè gŏ asŏakhè̆ d́ŏ akò d́ò̆htôla dèthalōthala awîakè̆ d́ŏ dèkhŭdèhè̆ abu nu.

Thodŏpho 13:14

Alewe tòcò ò d́ŏ Pèrga u kî legè ahlò̆mò̄ htô̆do d́ŏ Pisĭdiage, Antiò̆ka u nu. D́ŏnu b́ĕ Munisòd́è̆ nu, za htanī Sinagŏgā abu kî sańălagè b́ĕnu.

Thodŏpho 13:5

Zè khè̆ladē hwă d́ŏ Salămis u kî d́òŭd́ò̆sagè Kib́ĭcè Alēahwè d́ŏ Jŭdapho tòcò asinagŏgā abu; Zowănnī Mărko mègè acab́ô̆ amèzo cè tòcò nu.

Thodŏpho 4:13

B́ĕ htĭge akhoane tòcò tcahtîgè Petru kî Zowănnī adèkhŭdèhè̆ kî thîhè̆gè zî ḿî bija adî thîôthîcè ńò, bija atèpwèpho tòcò lò d́ō zè htèdômô̄dahmăgè. Zo gomohtanige cè tòcò òkô nènògè Jezŭ akă nu.

Zowănnī 4:22

Thĭ Samarĭapho tòcò thĭ thèb́è̆htagè htè thĭ dî thîhè̆ ńò, ḿî wa Jŭdapho tòcò nu wè thèb́è̆htagè wî thîhè̆ nu, manè̄ d́ō, dèhlô̆htage ò d́ŏ Jŭdapho tòcò ò nu.

Mattĕo 10:6

Ḿî lehtîbò̄ thŏ ahlè̆mè̄, htè aḿî Israè̆l ahiaphă tòcò nu dòkhò̆.

Hebrè̆u 11:34

mèlabî̄ hmî ablî kî tè b́èhtîb́èd́ô̆ b́è d́ŏ dèd́odèphja aklè̆ ńò. Zî ḿî bija akhoaă tò ò ńò, ḿî anib́è dèkhodèă tòcò htè akhŭahè̆ pwĕ ahmò phlòḿĭ kèhta d́ĕd́òròkhè alenī tòcò nu.

Mattĕo 21:41

Cè tòcò d́ò lōwa, “Zè gè̄ mèthĭmèhlè̆mè̄kò̆ bija akî̆kkè anu tòcò, kî ci ki ilakò̆ bija alewe tòcò mèa i thobiscige, htè b́ĕ akhîagla b́è, aki ikò̆ cè dèthè athwè̆ tòcò nu.”

Mattĕo 25:46

Kîd́ò̆ bija ajo tòcò gē lenīkò̆ dèssègnè̆ lahtŭlablo abu; barasă bija adî̄ahma tòcò ge lenīkò̆ dèthôḿô̆ lahtŭlablo abu.”

Thodŏpho 9:20

Kî ze le d́ò̆htôla danā d́ŏ Sinagŏgā abu htè Jezŭ ḿî B́ĭcè Apho nu.

Thodŏpho 19:9

Barasă tòcò cò ḿî akosanidagè d́ŏ atu b́u dè ńò nu. D́ŏ Bija aboahò thèd́è̆bo ahlò̆mò̄, Cè tòcò d́òkè̆d́òôgè B́ĭcè Aklè nu. Mègōnu d́ō, zo htobā hwă ze ne, zo jo ladēplo zo bōhmubicè tòcò kî d́òb́èsab́è lōwa gŏ ani lò d́ŏ Tĭrannus ahiò̆bu nu.

Swiv nou:

Lyen patwone

Piblisite

Piblisite