Bib sou entènèt

Paj dakèy
Bib sou entènèt
Thodŏpho 13:43

Thodŏpho 13:43 - Geba Roman New Testament

⁴³ B́ĕ dèladēplo hwă nu, Jŭdapho òèòò kî ab́udè aòi Jŭdapho adèthèb́è̆ tòcò lenīkôgè Păulu kî Barnăbas akă kî d́ŏ zè dèdòdò̄maja aklè̆ Păulu kî Barnăbas ikhoiă cè tòcò akò ò hmehmecece d́ŏ dèd́ògòdòi ane Kib́ĭcè ahluată anikhĭ nu.

Gade chapit la Kopi

tounen moute ⬆

Thodŏpho 13:43
39 Referans Kwoze

Thodŏpho 11:23

B́ĕ ze le kî tcahtîb́ègè Kib́ĭcè adèhôwî lab́è cè tòcò nu, ca thaganāiscô tèpwègè kî ikhoiăgè lōwa tòcò akò òibò̄ dèb́uhme d́ŏ B́ĭcè abu nu.

Thodŏpho 14:22

Zè mèthè̆htage hwă ab́udè tòcò atha, ci ikhoiă lōwa akò òhmeòglo dèb́udènè abu. “Wa gā pahtîb́è dèbadèsè̆ pwĕdimi dukhlŭkî we gē lenī Mò̄kho ahtĭage hnî̆ńò nu,” cò d́ò̆sa lōwa tòcò do.

2 Zowănnī 1:9

Bija dèbwèbwè kò tò òi Krĭstu adèthôdèthò̆ ńò, ḿî hèhta akhlŏ d́ō, cò tò òi za Kib́ĭcè ńò; ḿî d́ŏ bija alôkô Zè dèthôdèthò̆ tòcò nu, zi nib́èkò̆ Pa kî Pho òkô ca kă.

Hebrè̆u 13:9

Ibò̄ ḿè dèthôdèthò̆ acòklîlasă amŏamo tòcò hèphròihŭ ḿè thĭ ḿè. Gi nib́è thotha khoă d́ŏ Kib́ĭcè adèhludètă abu ḿî dè aè domo, kî tè b́è d́ŏ dèsòkhĕne dèhmèla ab́èkja dèadèò̆ tòcò nu ńò. Bija asòkhĕńe dèhmèla jo tòcò anikhĭ ado khlŏhtamamegè ńò.

Hebrè̆u 12:15

Thidĭibò̄ cab́ô̆htè thĭ gū du su ta pabò̄ Kib́ĭcè ahluată dèbwè̆ ńò nu, kî dèthèhtèd́òd́è̆ akhawi tò d́òlabò̄ d́ŏ thĭ thabu ńò nu; htè akèhta bija thèd́è̆gumu anikhĭ aciabè nu.

Kòlò̆ssia 1:28

Mègōnu d́ō, wò d́ò̆htôlani bija gŏ abwè Krĭstu awîakè̆ lò. Bija gŏ abwè gē ledobò̄ d́ŏ Kib́ĭcè ahlò̆mò̄, d́ŏ dèdohtabwehta d́ŏ Krĭstu abu anikhĭ nu, acab́ô̆ wè dèhtî̆nigô̄ni ò atherĕ nu, wi ithidĭ kî thèhlô̆ cè tòcò lò.

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

Philippiăno 4:1

Mègōnu d́ō, jò thò tòcò, jè b́èlò̄ thĭ kî hmòb́èzî thĭ lò. Thĭ ḿî amèmòthomòtha sô zî̄ jè, kî jè bè̄dobè̄mu thĕbwe je ne d́ŏ thĭ kho thĭ cè̆ lò. B́èlò̄ thĭ jò thò tòcò, ajo ḿî klè d́ŏ thĭ gò̄ sò̆hto òhmeòglo d́ŏ B́ĭcè abu nu.

Philippiăno 3:16

Cadè̄ cadè̄ hwahwă, we gē le ahlò̆mò̄ acab́ô̆ we lenènògè htô̆ khŏdini jo nu.

Ephè̆sus 2:8

Manè̄, Kib́ĭcè ahluată acè̆, thĭ nib́è dèhlô̆htage d́ŏ dèb́u abu, tè b́è d́ŏ thĭ dèmè acè̆ ńò, ḿî Kib́ĭcè adèila lò. Mègōnu d́ō, bija amò bè̄dobè̄mu ane tò ò dèbwè̆ ńò.

Galatiăno 5:1

B́ĕ Krĭstu b́ahlô̆ wa nu, Zè dèthaèni ḿî wò kò̄ òhlô̆òla thèjô̆ lò. Òhmeòglobò̄ acab́ô̆ bija aòhlô̆òla akhò̆ nu, kî ibe ḿè bija hna zô thĭ dèbwè̆ be ḿè.

2 Kòrĭn 6:1

Acab́ô̆ Kib́ĭcè adèmèpho tòcò akhò̆, wa damò thĭ akā ta tcatôĺôbò̄ Zu hlu za tă thĭ nib́è tòcò ńò nu.

2 Kòrĭn 5:11

Dèscisă ni Dèado ḿî danè̄ nu wi thîhè̆, mègōnu wi cwinī bija tòcò d́ŏ Kib́ĭcè ò nu. Kib́ĭcè thîhè̆ lŏklikli tèpwè wî ḿî bija danè̄ nu, ki ja sascĭ tèpwè d́ŏ thĭ olāthabu nu thĭ thîhè̆ tèpwè wa wa lò.

Rŏma 11:6

Thĭ tcahtî tèpwè htè aḿî ahluată, tè b́è dèmè awîaè ńò, dî ḿî ńò d́ō, ahluată dî ḿî tèpwè ahluată ahnèhnè ńò.

Rŏma 5:21

Gōnu akhoacè̆, acab́ô̆ dèthĭ ŭi dèkhòwè akhò̆ nu, Kib́ĭcè adèhludètă ŭi dèdî̄dèhma cab́ô̆htè gī nib́è dèò lahtŭlablo d́ŏ B́ĭcè Jezŭ Krĭstu abu nu.

Rŏma 5:2

D́ŏ wè dèb́u akhoacè̆, wi nib́è Kib́ĭcè adèhludètă lò. Wè bè̄htahtô̆ za htŏ we ne d́ŏ dèsascĭi agī nib́è Kib́ĭcè adòathe nu.

Rŏma 3:24

barasă wè b́è mèhlô̆htage d́ŏ Jezŭ Krĭstu adèhludètă,

Thodŏpho 17:34

Barasă bija ò tòcò lè̄la atha akò òkô ca kă kî phî̆htagè ab́udè tòcò, htè d́ŏ cè klè̆ nu Dionĭsio Areopăgo kî amihmu ami ḿî Damărîs kî alewe tòcò be nu.

Thodŏpho 17:4

D́ŏ cè tòcò aklè̆ tòcò cò ḿî adòniphîni hwă amèkôgè Păulu kî Cĭlas akă, kî d́ŏ Grĭspho ascisăni Kib́ĭcè ale tòcò kî amihmu aniò̆jòa òèòò d́o.

Thodŏpho 16:14

D́ŏ amihmu tòcò nu aklè̆ ami ḿî Lî̆dia ògè dèbwè, zî ḿî amihmu aòi dèthub́uthèb́è̆ kî abwîasè̆i dihwihtĭ alîhlo d́ŏ Thiatĭra u bu dèbwè nu. Zò sòkhĕńe wè dèd́ò̆htô kî Kib́ĭcè b́ahlî̆hta ca tha agî̄ phîni Păulu adèd́ò tòcò nu.

Thodŏpho 14:3

Păulu kî Barnăbas òwe tod́odasa, cò d́ò̆htôd́ò̆dèlè khŭthakla Kib́ĭcè anikhĭ; kîd́ò̆ B́ĭcè thô̆htô tèpwè cè tòcò kî Zu hlu Za tă, agè̄ mè dèbòdèba acòklîcòhjè̆ amŏamo nu.

2 Petru 3:14

Mègōnu d́ō, b́èlò̄ athò tòcò, b́ĕ thĭ wāhlè dè ajo tòcò asŏakhè̆ nu, htukhohtuăbò̄ cab́ô̆htè Kib́ĭcè gā pahtîbò̄ thĭ d́ŏ dèplî̆dètcă aklè̆, dèjīdèd́wă abu nu.

1 Petru 5:12

Je hweni thĭ cè kî thè̆lekôgè Cĭlas, jè thè̆buwe Krĭstupho adî̄ahma d́ŏ dèhtônāi kî dèkhathè̆thî aglobu htè ajo ḿî Kib́ĭcè adèhludètă athĕbwe nu. Sò̆htohmebò̄ d́ŏ abu nu.

Galatiăno 5:4

Barasă thĭ htè awuthè̆dèba agè̄ mèwîmètcă ane d́ŏ Kib́ĭcè anikhĭ kî sòkhĕńe Dèhmèla d́ō, ḿî thĭ htobā thĭ ne Krĭstu lò. Thĭ supalō htŏ Kib́ĭcè ahluată.

Thodŏpho 28:23

Bija tòcò ja la hwă muni dini, bija aboahò lehtîgè Păulu d́ŏ cò ò sò̆dūsòd́è̆ alle nu. Păulu d́ò̆htôla dè d́ŏ lumuwò do d́ŏ dèkhi nu, cò d́ò̆sagè lōwa tòcò dè awîakè̆, kha thè̆thî Kib́ĭcè Ahtĭage anikhĭ, cwinī cè tòcò d́ŏ Jezŭ Krĭstu aò, phîb́age d́ŏ Mŏzè Adèhmèla kî Prò̆fèt tòcò adèhwela abu nu.

Thodŏpho 17:17

Gōnu akhoacè̆, d́ŏ sinagŏgā abu za daragè Jŭdapho tòcò kî Grĭspho ascisăni Kib́ĭcè ale tòcò kîd́ò̆ d́ŏ bija bwîsè̆dè alle nu bò̄bwè̆ athaè d́òb́èsab́è cè tòcò nu gŏ lumu ani lò.

Thodŏpho 13:50

Barasă Jŭdapho tòcò thakăhta hwă anedothabwe, aphoahmè̆ kî bija akhoane aò d́ŏ u bu tòcò gā htakhokă Păulu kî Barnăbas kî agā hna hèhtakè̆ cè tòcò d́ŏ zi htĭlegebu nu.

Thodŏpho 6:5

Dèkŏdèkja ajo ab́èthob́èthagè bija lŏcăcè kî bija rôhtagè Stè̆phano, bija aòpĕhta dèb́u kî Spirito Tcahtĭ nu, kî Philĭpo, Prokŏrus, Nikănòr, Tĭmon, Parminus, kî Nikolas htè Antiò̆ka upho adî ḿî Jŭdapho ńò, ḿî ab́udè aòi Jŭdapho adèthèb́è̆ abu dèbwè nu.

Thodŏpho 2:10

Phrĭgiapho, Pamphĭliapho, Izî̆tpho kî Libĕapho, htè aòb́ôhtî Cerenĕopho nu. Kî wa aò d́ŏ Rŏma u we le

Mattĕo 23:15

“B́èkî thĭ, Skrĭbāpho kî Pharizè̆pho awî tòpòkho tòcò. Manè̄ kòd́òdo dō, thĭ hè khwè̆b́a pèllè kî khò̆kho cab́ô̆htè thĭ ge mèni bōhmubicè dèbwè nu; kîd́ò̆ ani Hwă d́ō, thĭ mèphî̆htagè cè Larrā apho azî̄ d́olĭ thĭ gīplabu dòkhò̆.

1 Zowănnī 2:28

Kîd́ò̆ khŏnujo, pholi tòcò, òbò̄ Zu bu cab́ô̆htè b́ĕ Cè d́è̆lî̄hta Ze ne akhî nu, wa tha gū khŭhta kî we gè̄ dè sèò̆hubò̄ d́ŏ Zò hlò̆mò̄ d́ŏ dèthăwā aklè̆ ńò nu.

Tĭto 2:11

Manè̄ d́ō, Kib́ĭcè d́è̆lî̄hta adèhludètă d́ŏ bija Lākhopho lŏcăcè gī nib́è dèhlô̆htage anikhĭ nu.

Thodŏpho 18:7

Mèhwă zè hèhtagè sinagŏgā akhlŏ kî legè d́ŏ ab́u Kib́ĭcè ami ḿî Tĭto Jŭstus ahi nu. Zi hi òb́ôhtî sinagŏgā lò.

Swiv nou:

Lyen patwone

Piblisite

Piblisite