Bib sou entènèt

Paj dakèy
Bib sou entènèt
Thodŏpho 13:10

Thodŏpho 13:10 - Geba Roman New Testament

¹⁰ “Nè, bwè ahlòhlî̆hlòplè dè, alîḿakakwè̆, Mod́èlî apho, dèdî̄dèhma ad́ĕd́òròkhè, na b́adègwe ma Kib́ĭcè aklè nè?

Gade chapit la Kopi

tounen moute ⬆

Thodŏpho 13:10
23 Referans Kwoze

Zowănnī 8:44

Mod́èlî ḿîgè thĭ Pa htè thĭ ògè d́ŏ cò ò dèbwè nu, kîd́ò̆ thĭ mè tèpwè zè dèthaèni. Hlĕ mocè̆kho nu zî ḿî amèthĭ bija kî cò tò òi dèdî̄dèhma ńò. Manè̄ d́ō, d́ŏ cò ò nu dèdî̄dèhma tò ò ńò. B́ĕ cò d́òplèdè nu, cò d́ò acab́ô̆ cò d́ò nènò, manè̄ d́ō zî ḿî aplèahlŭdè kî zî ḿî dèplè apa lò.

Galatiăno 1:7

Atè b́è d́ŏ Vanzĕlō adèthôdèthò̆ alewesòsŭ acè̆ ńò; ḿî bija athaè mèba thĭ tòcò thaè mèdôbô̄debe Krĭstu aVanzĕlo akhoacè̆ nu.

2 Kòrĭn 11:3

Ḿî wu nu, d́ŏ zè dèlîḿakakwè̆ abu hlòplènigè Ĕva akhò̆, jè b́èhjŏ ḿî thĭ ḿî ḿî thĭ dègomo gè̄ kè̆ kî thĭ kè b́è̆lădēda thĭ dèb́èlò̄ atcahtĭ lŏthlŏtha Krĭstu, kî d́ab́a thĭ khlŏ d́ŏ Cò ò nu lò.

Mattĕo 13:38

Huklè̆ ḿî Lākho jo; dèkhwĭ awî ḿî htĭge aphoali; mihnè akhwĭ ḿî akî̆kkè dèbwè aphoali.

1 Zowănnī 3:8

Bija amè dèkhòwè dèbwè ḿî dèscidèhnè apho, manè̄ d́ō, dèscidèhnè mègè dèkhòwè hlĕ akăhtî nu. Dè ajo akhoacè̆ Kib́ĭcè Apho b́è d́è̆lî̄htakò̆ cab́ô̆htè Zè gè̄ mèkè̆bò̄ Mod́èlî adèmè nu.

Lŭka 11:52

“Dèba gā lab́èkò̆ thĭ pwedè̄ lò, Skrĭbāpho tòcò! Manè̄ thĭ phîglo hwă dèzadèbla akhaglè̄ ahnèwî̄kă, thĭ thè̆ne thĭ de lenī ńò kî thĭ mèd́îd́ăgè bija athaè lenī tòcò aklè acè̆ nu,” Cò d́ògè lōwa tòcò d́o.

2 Petru 2:15

Za bāphlòmĭ klèdanā kî zè hèphrògè klè; zô lôkôgè Balaăm, Bò̆sòr apho ale, htè ab́èlò̄ dèhmô̆dèhmă asôahlè̆ dèbwè nu.

Thodŏpho 20:30

D́ŏ thĭ klè̆ hnò̆nu ahlòhlî̆hlòplè hwă dè agī cwinīkò̆ bōhmubicè tòcò cò cab́ô̆htè zô gô̄ lôkôbò̄ lōwa alle nu.

Mattĕo 23:13

“Ḿî b́èkî thĭ, Skrĭbāpho kî Pharizè̆pho awî tòpòkho tòcò. Manè̄ kòd́òdo dō, thĭ glè̄b́i thĭwī bija Mò̄kho Ahtĭage akhaglè̄; thĭ thè̆ne thĭ dèlenī ńò kî thĭ ti i bija lenī ńò ńò.

Mattĕo 15:19

Manè̄ kò̄ d́òdo dō, dègomo akî̆kkè, dèmèthĭ bija, dèlathulakèḿè, dè ahuatoklŏ, dèkhathè̆thî adîdî̄dahma ńò, dèd́òkè̆d́òô bija, ajo tòcò ḿî ahèhta d́ŏ bija tha abu nu.

Mattĕo 3:7

Barasă b́ĕ za tcahtî Pharizè̆pho kî Saducè̆pho tòcò òè̆bwè le ŭsab́ă ane htĭ zu cukhò bu d́ō, cò d́ò lōwa tòcò, “Thĭ galapumo akhwĭ, bò̄bwè d́è̆lî̄ thĭ agèhèkô̆ ni Kib́ĭcè adèthèhtè agō dokò̆ dèdè̆ ale bwè?

Zowănnī 1:23

Cò d́ò lōwa tòcò; “Jî ḿî dèlē athèhta d́ŏ hmîlè̄klè̆, mèdanāgebò̄ B́ĭcè aklè, acab́ô̆ Prò̆fèt Izaĭah d́ògè nu,” cò d́ò̆sagè lōwa tòcò do.

Lŭka 11:39

Gōnu acè̆ B́ĭcè d́ò cè, “Thĭ Pharizè̆pho tòcò nu mèb́ăthab́ă còkhlecòlò akhlŏathăba, barasă thĭ thabu ḿî aòpĕhtakî dèăwūăthèphlè kî dèkî̆kkèmèhlò̆.

Ephè̆sus 4:14

Anu tapla, wî dî ḿîbe abĭsèpho htè ab́ècwidewewā kî hmò dîwî̄dewei wa d́ŏ ahlòplè dè tòcò agīlliklè̆, htè athè̆ bija d́ŏ dèkè̆dèô tòcò adèhlòdèplè be ńò.

Swiv nou:

Lyen patwone

Piblisite

Piblisite