Bib sou entènèt

Rŏma 5:5 - Geba Roman New Testament

⁵ Dèsascĭi dè mèscilazela za wa tha ńò, manè̄ Kib́ĭcè hlòla Zè dèb́èlò̄ d́ŏ wa thabu, d́ŏ Ci ilani wa Spirito Tcahtĭ abu nu.

Gade chapit la Kopi

tounen moute ⬆

Rŏma 5:5
35 Referans Kwoze

Galatiăno 4:6

Thĭ ḿî Kib́ĭcè aphoali nu hlî̆htaphlò̆hta d́ŏ Zè dèthodŏle Zo Pho aSpirito Tcahtĭ d́ŏ wa thabu nu, Spirito Tcahtĭ htè ajohta “Abba, Apa,” kî ajo ḿî amèphî̆hta thĭ dèpho.

Philippiăno 1:20

Jè dèthaganāi kî jè dèmulè̄sascĭ adogudŭ ḿî jè gè̄ dè bè̄ladēda b́èbò̄ dèphîdèmè alab́è jè dimĭ ńò, ḿî gŏ asŏakhè̆ nu, lasăd́è̆è khŏnujo, tha adèkhŭdèhè̆ gē pĕhtazòhtabò̄ ju bu, thĭ ḿîwî, thôḿô̆ ḿîwî, Krĭstu kè̄ b́è dèmèhĭmèhtè̆ d́ŏ je neb́î̆cè thèd́è̆bwè nu.

2 Timò̆theo 1:12

gōnu akhoacè̆ ja khab́èkò̆ dè ajo tòcò lò. Barasă d́ō, ada thăwā tèpwè jè ńò. Manè̄ kò̄ d́òdo dō, bija htè ju b́u b́è dèbwè ḿî bò̄bwè kî dè ab́èila ju cukhò bu nu Zè gè lè̄dîhtî̆ ni jè htô̆do d́ŏ muni dini nu jî thîhè̆ lò.

2 Kòrĭn 1:22

Kib́ĭcè dòla hmăi wa kî ila wa Spirito Tcahtĭ d́ŏ wu bu cab́ô̆ dèŏlăphlala ab́èkja dèlŏcăcè htè aòpranè dòlò wa nikhĭ nu.

1 Zowănnī 4:19

Kib́ĭcè b́èlò̄ ŭsu wa akhoacè̆ wè b́èlò̄gè Cè.

Ephè̆sus 1:13

Thĭ htè athîhè̆b́ègè dèdî̄dèhma alēahwè, Vanzĕlō htè alei thĭ dèhlô̆htage tòcò nu ḿîgè Kib́ĭcè abija. Thĭ ab́ugè Krĭstu tòcò, thĭ b́è dòlahnè̆i kî Spirito Tcahtĭ htè Co ŏlăphlalahnè htŏ nu.

Thodŏpho 2:33

Cè b́è bè̄htajîgè d́ŏ Ca Pa Kib́ĭcè acudèhtwè dòkhò̆ kîd́ò̆ Zi nib́è Kib́ĭcè adèaḿăkhai agī nib́è Spirito Tcahtĭ akhoacè̆, Zò hlòlagè Spirito Tcahtĭ htè thĭ tcahtî kî thîhè̆ htŏ nu.

Ephè̆sus 4:30

Mè tha dò mòbò̄ ḿè Kib́ĭcè Aspirito Tcahtĭ ḿè, manè̄ Kib́ĭcè Aspirito Tcahtĭ ḿî dèdòhmăi thĭ d́ŏ dèhlô̆htage amu dini anikhĭ nu.

Galatiăno 5:22

Spirito Tcahtĭ adèila ḿî acòklîlasă; dèb́èlò̄, dèmòdèma, dècodèkhli, dèkhòthad́ò̆wî̄thazô, dèthowîthamò, dè è dè ò̆, dèdî̄dèhma,

Thodŏpho 2:17

B́ĭcè d́ò, ‘D́ŏ muni agudulă dini nu, Jò gò̄ hlòlakò̆ Jî Spirito Tcahtĭ d́ŏ bija lŏcăcè akho, kî thĭ phomu phokhŏ tòcò kò d́ò̆sa dòlòkò̆ dè, kî thĭ pho ab́òĺò tòcò gā tcahtîkò̆ dètcahtî, kî athobwethabwe tòcò gò̄ sòḿĭb́akò̆ dè.

2 Thèssalò̆nika 2:16

B́ĭcè Jezŭ Krĭstu kî Pa B́ĭcè htè ab́èlò̄ kè adèhludètă acè̆, thĭ gī nib́è d́ò̆è tha adèkhŭdèhè̆ pĕhtazòhta kî dèmulè̄sascĭ ahmeaglo,

2 Kòrĭn 4:6

Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

Rŏma 8:28

Wî thîhè̆ htè d́ŏ dèlŏcăcè abu, Kib́ĭcè mègè dè awîaè, ploplo kî bija htè ab́èlò̄ Cè tòcò nu, d́ŏ Zo jogè lōwa acab́ô̆ Zè dèthaèni ò adĕ nu.

1 Kòrĭn 8:3

Barasă bija ab́èlò̄ Kib́ĭcè dèbwè nu, Kib́ĭcè thîhè̆ cè.

2 Kòrĭn 3:18

Kîd́ò̆ wa lŏcăcè hlî̆b́agei Dèado adèhlî̆segòdrò kîd́ò̆ wu mūkă ò atab́ăgè. Kî dèhlî̆segòdrò dò mŏ lò̆ ajo, htè Spirito Tcahtĭ nu, b́ăkhlège wa agā lă kî Cè htè aòi dèhlî̆segòdrò d́okhlŏ dèbwè nu.

Thodŏpho 10:45

Bwèthŭkupho tòcò nu ḿî ḿî Spirito Tcahtĭ b́è hlòlagè zo kho tòcò akhoacè̆, Jŭdapho ab́udè htè aò d́ŏ Jò̆ppa alekô Petru akă tòcò htèdômô̄dahmă lōgè.

Rŏma 1:7

D́ŏ dèjo akhoacè̆ je hweni thĭ aò d́ŏ Rŏma u bu lŏcăcè htè B́ĭcè b́èlò̄ kî jogè acab́ô̆ Zi bija tcahtĭ tòcò nu. Wa Pa Kib́ĭcè kî wî B́ĭcè Jezŭ Krĭstu kî ila d́ò̆è thĭ adèhludètă kî dècodèmò.

Rŏma 9:33

Ḿî acab́ô̆ Cè Tcahtĭ d́ò; “Cè tòcò htè̆thukŭ losò, kî tcabò̄, Jò d́ò̆lă lo d́ŏ Zion cab́ô̆htè bija gè htè̆thukŭ nu, Jò d́ò̆lă sò cab́ô̆htè bija gè htè̆thukŭ ladēbla anikhĭ nu, bija ab́u Cè tòcò anikhĭ amò thăwā acè̆ kò tò òkò̆ ńò,” nu.

2 Kòrĭn 13:14

B́ĭcè Jezŭ Krĭstu adèhludètă kî B́ĭcè Pa adèb́èlò̄ kî Spirito Tcahtĭ adèlè̄plo kò̄ òkô d́ò̆è thĭ lŏcăcè akă.

1 Thèssalò̆nika 4:8

Mègōnu d́ō, bija adî phîni dèthèhlô̆ ajo ńò dèbwè nu, tè b́è zî dî phîni bija aè̆ ńò, ḿî zî dî phîni Kib́ĭcè htè ai thĭ aSpirito Tcahtĭ dèbwè aè̆ ńò nu.

Swiv nou:

Lyen patwone

Piblisite

Piblisite