Bib sou entènèt

Rŏma 5:1 - Geba Roman New Testament

¹ Gōnu akhoacè̆, khŏnujo wè b́è lè̄gè adî̄ahma wè dèb́u akhoacè̆ d́ŏ B́ĭcè Jezŭ Krĭstu abu, wò òmòòmab́ègè d́ŏ Kib́ĭcè ahlò̆mò̄ nu.

Gade chapit la Kopi

tounen moute ⬆

Rŏma 5:1
53 Referans Kwoze

Rŏma 15:13

Dèsascĭi Ab́ĭcè gē lei d́ò̆è thĭ dèthaganāi kî dècodèmò d́ŏ thĭ dèb́u abu cab́ô̆htè Spirito Tcahtĭ gî̄ phîkè̆ b́è dè acŏglo thĭ dèsascĭi tòcò nu.

Zowănnī 16:33

Jò d́ò̆sa thĭ dè ajo tòcò nu cab́ô̆htè thĭ gī nib́èbò̄ dècodèkhli d́ŏ thĭ ò Ju bu acè̆ nu. Thĭ gā khab́èkò̆ dèbadèsè̆ d́ŏ Lākho akho jo. Barasă, khŭhè̆bò̄. Jo no Jè b́è htŏ Lākho,” Cò d́ò lōwa tòcò do.

Kòlò̆ssia 1:20

kî d́ŏ Zo Pho acè̆, Kib́ĭcè gō joge Mò̄kho kî Lākho dèlŏcăcè d́ŏ Cò ò, kî d́ŏ Zo Pho adèkhathĭ ane d́ŏ Krusu alò akhoacè̆, Zè mèjīmèd́wăge dè htè aò Mò̄kho kî Lākho lŏcăcè kî joge cè tòcò d́ŏ Cè thè̆ne aò nu.

Rŏma 6:23

Dèkhòwè asôahlè̆ ḿî dèthĭ, Kib́ĭcè adèi ḿî dèò alahtŭlablo d́ŏ wî B́ĭcè Jezŭ Krĭstu abu nu.

Rŏma 14:17

Manè̄ kò̄ d́òdo d́ō, Kib́ĭcè Htĭge tè b́è dèadèò̆ ńò, ḿî dèdî̄dèhma kî dèjīdèd́wă, dèthakhŭthaganāi htè Spirito Tcahtĭ ilagè wa nu.

2 Thèssalò̆nika 3:16

B́ĭcè ai kè dècodèkhli dèbwè ki ilani d́ò̆è thĭ dècodèkhli, dèmòdèma d́ŏ thĭ dèòthôḿô̆ aklè gŏ ab́ò̆ abu thèjô̆ nu. Kib́ĭcè kò òkô d́ò̆è thĭ lŏcăcè akă nu.

Zowănnī 14:27

“Jè lè̄ladani thĭ dèjīdèd́wă, Jè dèjīdèd́wă Ji ila thĭ lò. Ji i thĭ tè b́è acab́ô̆ Lākho ila nu ńò. B́èhjŏb́èmabò̄ mè, scisăbò̄ ḿè ḿè.

Rŏma 4:5

Ad́ògodòi ane dèb́u, tè b́è dèmè ńò, kî ab́u Kib́ĭcè htè ab́ăplè bija adèkèḿè nu, dèb́u ajo ḿî ajāthô dèdî̄dèhma lò.

Kòlò̆ssia 3:15

Dècodèkhli htè Krĭstu i thĭ ḿî dè ahtôimāi thĭ dèmèlagla anikhĭ, manè̄, Kib́ĭcè jogè thĭ acab́ô̆ thĭ kî ḿîbò̄ dèneb́î̆cè dèbwè lò anikhĭ nu. Mègōnu d́ō, thîhè̆htagebò̄ B́ĭcè.

Rŏma 15:33

Kib́ĭcè adècodèmò kò òkô d́ò̆è thĭ kă! Amèn.

Thodŏpho 10:36

Zè dèjî̄b́èla d́ŏ Israè̆lpho tòcò ò, Zô thôithò̆i dècodèkhli d́ŏ Jezŭ Krĭstu, htè aḿî bija lŏcăcè Ab́ĭcè dèbwè alòmò bu nu.

Philippiăno 3:9

kî òpĕòzòbò̄ d́ŏ Zu bu anikhĭ nu. Je neb́î̆cè thè̆ne nu, jè dèdî̄dèhma tò ò be ńò, htè dèsòkhĕne dèthôdèthò̆ adèdî̄dèhma nu. Khŏnujo jò òkîgè dèdî̄dèhma htè ji nib́è d́ŏ dèb́u Krĭstu abu, dèdî̄dèhma htè aò d́ŏ Kib́ĭcè ò alăkî ad́ògòdòi dèb́udènè nu.

1 Thèssalò̆nika 5:23

Kib́ĭcè htè ai kè dècodèmò dèbwè gè̄ mè tcahtĭbò̄ thĭ lŏcăcè kî ihlô̆htabò̄ thĭ tha, thathôḿô̆ kî neb́î̆cè thèd́è̆bwè d́ŏ dèkèḿè gŏmihtĭda, b́ĕ B́ĭcè Jezŭ Krĭstu lela nu.

Rŏma 5:18

Megōnu d́ō, bija dèbwè adèlakhu gè̄ mèni ma bija lŏcăcè anikhĭ dècirra d́ō, bija dèbwè adèphîdèmè aè gè̄ mèni d́okhlŏ we bija lŏcăcè anikhĭ dèò kî dèmèwîmètcă dòkhò̆.

Lŭka 19:42

Kî Cò d́ò, “Nî gî̄ thîhè̆ ma khŏdini dècodèkhli anikhĭ aloba ḿî danè̄ d́ō, akè èkò̆ pwedè̄ lò! Barasă dè mèb́igè na gādŭ.

Rŏma 1:7

D́ŏ dèjo akhoacè̆ je hweni thĭ aò d́ŏ Rŏma u bu lŏcăcè htè B́ĭcè b́èlò̄ kî jogè acab́ô̆ Zi bija tcahtĭ tòcò nu. Wa Pa Kib́ĭcè kî wî B́ĭcè Jezŭ Krĭstu kî ila d́ò̆è thĭ adèhludètă kî dècodèmò.

Lŭka 19:38

Cè tòcò kèwohta kî d́ò, “Ab́èhôwî ḿî Saphrado ale d́ŏ B́ĭcè ami abu nu. Dèmòdèma d́ŏ Mò̄kho kî dèdòdèthe d́ŏ Ahtajî gudu nu.”

Galatiăno 2:16

Ḿîwî thîhè̆ tèpwè bija dèbwè b́è bè̄dî̄bè̄hma d́ŏ Kib́ĭcè ahlò̆mò̄ ḿî d́ŏ zè dèb́u Jezŭ Krĭstu, kî tè b́è zè dè mèkô dèhmèla akă nu ńò. Wa ḿî ḿî wu b́u Jezŭ Krĭstu cab́ô̆htè wè kè̄ b́è bè̄dî̄bè̄hmabò̄ d́ŏ Kib́ĭcè ahlò̆mò̄ anikhĭ nu, kî tè b́è d́ŏ wè mèkô dèhmèla akă nu ńò. Manè̄ d́ō, wu b́ugè htè bija tè b́è bè̄dî̄bè̄hmakîgè Dèhmèla dèbwè̆ ńò nu.

Zowănnī 20:31

Dè aò hwela jo tòcò ḿî cab́ô̆htè thĭ gū b́ubò̄ htè Jezŭ ḿî Krĭstu, Kib́ĭcè Apho d́ō thĭ gī nib́è dèòthôḿô̆ d́ŏ Zi mi abu nu.

Rŏma 10:10

Manè̄ kòd́òdo d́ō, wè dèb́u d́ŏ wa thabu acè̆ wè b́è lè̄dî̄lè̄hma kî Kib́ĭcè, wò d́òphlò̆hta d́ŏ wò lòmò bu acè̆ wi nib́è dèhlô̆htage lò.

Rŏma 3:30

Zî ḿî hnèhnè bwèthŭkupho tòcò Ab́ĭcè hŏ, manè̄ d́ō, Kib́ĭcè ò dèbwè lò kî Zî ḿî amè tcahtĭ ab́èhô̆rîkî̆ tòcò d́ŏ zè dèb́u acè̆ nu, kî adi nib́è dèhô̆rîkî̆ ńò tòcò d́ŏ zè dèb́u acè̆ nu nu.

Rŏma 1:17

Manè̄ d́ō, zî ḿî ad́è̆lî̄ wa Kib́ĭcè adèdî̄dèhma, htè aḿî akăhtî do d́ŏ akŭdu nu. Acab́ô̆ Cè Tcahtĭ d́ò, “Bija adî̄ahma kò òthôḿô̆kò̆ d́ŏ dèb́u abu nu.”

Hebrè̆u 13:20

Kib́ĭcè b́awè̄htogegè B́ĭcè Jezŭ d́ŏ dèthĭklè̆, Cè htè aḿî Atcai thŏ Adogudŭ d́ŏ Zè dèthĭ abu nu, htè aḿî dèlagla alahtŭlablo b́è zwî̄laglogè nu. Kib́ĭcè adèjīdèd́wă gè̄ mèni d́ò̆è thĭ gajă dè aè htè thĭ mò nib́è tòcò nu, cab́ô̆htè thĭ gè̄ mè kèhtabò̄ Zè dèthaèni d́ŏ Jezŭ Krĭstu abu nu. Krĭstu kè̄ b́è bè̄dòbè̄the d́ò̆è thèjô̆ lahtŭlablo! Amèn.

Ephè̆sus 2:7

Kib́ĭcè mè dè gōjo ḿî cab́ô̆htè Cè kè̄ d́è̆lî̄hta zô alekă bija lŏcăcè Zu hlu Ca tă htè kô d́ôca do lō za ńò, Zè dèb́èlò̄ adoamu d́ŏ Jezŭ Krĭstu abu nu.

Galatiăno 3:25

Khŏnujo akhîb́è htŏ dèb́u anikhĭ d́ō, wò tò ò be dètcaiŭi akălè̄ dimĭ ńò.

Rŏma 10:15

Ab́èthodŏ kò tò ò ma ńò d́ō, ad́ò̆htô ni cè tòcò Kib́ĭcè Alēahwè tò ò tèpwè ńò. Cè Tcahtĭ d́ò, “Bija alei Vanzĕlō dèbwè akhad́ĕthè ḿî amòzî̄gè lò.”

Rŏma 9:30

Ajo ḿî ad́è̆lî̄ bwèthŭkupho ada wāhlè dèdî̄dèhma ńò tòcò hnò̆nu, pahtî tèpwè dèb́u dèdî̄dèhma tòcò nu;

Lŭka 2:14

“Dèdòdèthe keb́èd́ò̆bò̄è Kib́ĭcè d́ŏ ahtajîgudŭ nu, kî d́ŏ Lākho jo dècodèmò kè̄ b́è d́ò̆è bija athowîthamò tòcò nu.”

Rŏma 3:22

Manè̄, Kib́ĭcè adèdî̄dèhma lab́ègè bija gŏ abwè d́ŏ dèb́u Jezŭ Krĭstu abu nu. Kib́ĭcè mè dè ajo lŏ d́ŏ bija ab́u Krĭstu gŏ abwè anikhĭ, dèbēpha tò ò d́ŏ Jŭdapho kî bwèthŭkupho amēzo dimĭ ńò.

Zowănnī 5:24

“Jò d́ò̆sa thĭ adî̄ahma, bija htè asòkhĕńe Je lē kî ab́u Cè htè athodŏle Jè dèbwè nu, nib́è dèò alahtŭlablo, da khab́è dècirra ńò, ḿî hlô̆hta hwă dèthĭ nib́è tèpwè dèò alahtŭlablo.

Rŏma 5:11

Tè b́è htĕ wa laglage Kib́ĭcè lò ńò, ḿî wò ò pĕhtakîgè dèthaganāi d́ŏ Kib́ĭcè abu d́ŏ B́ĭcè Jezŭ Krĭstu, htè wi nib́è htŏ dèmèthòge dèbwè ò akhoacè̆ nu.

Galatiăno 5:22

Spirito Tcahtĭ adèila ḿî acòklîlasă; dèb́èlò̄, dèmòdèma, dècodèkhli, dèkhòthad́ò̆wî̄thazô, dèthowîthamò, dè è dè ò̆, dèdî̄dèhma,

Swiv nou:

Lyen patwone

Piblisite

Piblisite