Bib sou entènèt

Rŏma 3:5 - Geba Roman New Testament

⁵ Barasă d́ō, wè dèkî̆kkèmèhlò̆ tòcò kè d́è̆lî̄hta d́olĭ ma Kib́ĭcè adèdî̄dèhma d́ō, wò kò d́ò za d́ò̆ cadè̄? Kib́ĭcè adècirra wa nu atè b́èklè ńò, wò kò d́ò zabò̄ do cadè̄? Acab́ô̆ bija adèjî̄b́è nu, “Cè thèhtègè wa alī,” wo kò d́ò za do cadè̄?

Gade chapit la Kopi

tounen moute ⬆

Rŏma 3:5
32 Referans Kwoze

Rŏma 6:19

(Thĭ gî̄ thîhè̆htôbò̄ anikhĭ, jò d́ò dèjî̄b́è aphlò̆ thĭ nigu nu.) Jò d́ò̆sa thĭ hlĕ athè̆lè̄kho nu, thĭ mèigè thĭ neb́î̆cè dèkî̆kkèmèhlò̆ kî dèkorokhara azôabwè, ḿî khŏnujo, mèibò̄ cè dèdî̄dèhma azôabwè pĕhtazòhta d́ŏ dèwîdètcă anikhĭ dòkhò̆.

Galatiăno 3:15

Thè̆buwe tòcò; ji i thĭ dè ad́ô̆ dèdè̆ htè dèphî̆hta wè dèò dini dini nu. Htô̆ḿî bija gībwè adèŏlăphlala lōwa dèwîdèkè̆ dimimi kî selagè ami nu, bija ta tcatôĺô za ńò ńò, tò plòhtŭ za ńò ńò.

1 Kòrĭn 9:8

Dè ajo tòcò ḿî bija adèd́ôthò̆drò lò, barasă Dèhmèla tò d́ògè gōnu ńò ā?

Rŏma 7:7

Mègōnu d́ō, wò d́ò d́ò̆ cadè̄? Dèhmèla ḿî dèkhòwè ā? Di ḿî d́o ńò. Tè b́è ja thaè d́ò htè agî̄ ḿî ma Dèhmèla acè̆ d́ō, ji di thîhè̆ mè dèkhòwè ńò nu ńò. “Thaèni ḿè bija adèhtò̆dèla ḿè,” Dèhmèla kò tò ò ma do ńò d́ō, jò dòbò̆ thîhè̆ mè dèthaèni bija adèhtò̆dèla hnò̆nu ńò ńò.

Rŏma 4:1

D́ôthò̆dròtcabò̄ Abraham htè wi khwĭ wè thèlè̆ akhahtîkhab́ò̆ dèbwè nu. Zè dè kèhtîb́è ḿî danè̄?

Rŏma 2:5

D́ŏ na tha sa agā bajalage ane nu ḿî amè dohta Kib́ĭcè adèthèhtè no kho d́ŏ zè dècirra muni dini nu dòkhò̆ htè Kib́ĭcè adècirra muni gî̄ hlî̆htaphlò̆htakò̆ nu.

Dèd́è̆lî̄ 18:20

Ŏ Mò̄kho kî thĭ bija tcahtĭ lŏcăcè, Thodŏpho tòcò kî prò̆fèt tòcò khapwè̆khalabò̄; Kib́ĭcè cirra htŏ cè alī d́ŏ zè mègè thĭ cadè̄ nu.

Dèd́è̆lî̄ 15:3

kî thăbô̄gè Mŏzè, Kib́ĭcè azôpho adèthăbô̄ kî Thŏpho adèthăbô̄: “Ŏ B́ĭcè Dèado Amèzadè lŏcăcè, Nè dèphîdèmè ḿî adoamu kî acòklîcòhjè̆kò̆ pwedè̄ lò! Nî ḿî bijakhwĭpho lŏcăcè Asaphra, Nè klèthòò̆ ḿî ab́è kî adî̄ahmakò̆ pwedè̄ lò!

1 Kòrĭn 15:32

Acab́ô̆ dè mè ane akhò̆, jî ḿî htadohtara “dèphodèwe akhŭahè̆,” htè aò Ephè̆sus abu b́ĕjo tòcò d́ō, d́ŏ bija adètcahtî abu ji nikhĭ ahluată kò òbò̄ ā? Ḿî bija athĭ tòcò gī di nib́è dèhtaboge ńò d́ō, acab́ô̆ dèd́ò ò, “A kha, ò̆ kha. Manè̄ mòbĕ dini wi gī thĭ b́ègè lò.”

Rŏma 12:19

Mègebò̄ ḿè dèkholī taplă ḿè, ŏ athò, lè̄labò̄ d́ŏ Kib́ĭcè acukhòbu nu lò. Acab́ô̆ Cè Tcahtĭ d́ò nu, “Dè mège akhoalī ḿî Jè è̆, Ji ki igekò̆ cè tòcò,” Kib́ĭcè aḿăkhai do.

Rŏma 6:1

Mègōnu, wò kò òwe dèkhòwè abu cab́ô̆htè wi gī nib́èdosè Kib́ĭcè ahluată nu ā?

Rŏma 3:19

Wî thîhè̆ tèpwè htè Dèhmèla adèd́ò̆sa tòcò ḿî lŏ bija aò Dèhmèla akălè̄ tòcò anikhĭ, d́okhlŏ ḿî akò b́ò̆b́i bija gŏ abwè alòmò, kî akè b́è̆lă Lākho thèd́è̆b́è d́ŏ Kib́ĭcè adècirra akălè̄ nu.

Rŏma 3:7

Thĭ kò d́ò za tèpwè d́ŏ jî dîdî̄dahma ńò acè̆ Kib́ĭcè d́è̆lî̄htakò̆ Zè dèdî̄dèhma kî kī ikò̆ Zè dèdòdèthe, jò dò mò b́è cirra acab́ô̆ dèkhòwèpho dèbwè nu ńò.

Rŏma 5:8

Ḿî d́ŏ Kib́ĭcè nu Cè d́è̆lî̄hta Zè dèb́èlò̄ wo kho d́ŏ Krĭstu thĭgè wi nikhĭ b́ĕ wî ḿîwe dèkhòwèpho tòcò anikhĭ nu.

Rŏma 8:31

Dè ajo tòcò hwă amò d́ò khlŏ ḿî danè̄? Kib́ĭcè kò ò ma d́ŏ wò ò dòkhò̆b́è d́ō, bò̄bwè gā htakhokă za wa bwè?

Rŏma 9:30

Ajo ḿî ad́è̆lî̄ bwèthŭkupho ada wāhlè dèdî̄dèhma ńò tòcò hnò̆nu, pahtî tèpwè dèb́u dèdî̄dèhma tòcò nu;

2 Kòrĭn 6:4

Dòkhò̆b́è ḿî b́ĕ wè kèhtî dèssègnè̆bòdò, dèkî̆dīî̆ô, dèbadèsè̆ akhî nu, wè d́è̆lî̄htagè wî ḿî Kib́ĭcè azôabwè d́ŏ dèkhòthad́ò̆wî̄thazô abu lò.

2 Kòrĭn 7:11

Tcabò̄, Kib́ĭcè mèphî̆htagè thĭ dèothootha danè̄ nu. Thĭ thosôthasôgè pwedè̄? Thĭ b́è sathakă akè d́è̆lî̄ thĭ ḿî aòhlô̆gè dèkèḿè pwedè̄? Thĭ b́è mèkhethagè pwedè̄? Thĭ thaphuthaganāgè pwedè̄? Thĭ thaè nib́ègè pwedè̄? Thĭ ilagè thĭ ne pwedè̄? Thĭ thaèni dè gī cirra bija amèkèḿèdè tòcò pwedè̄? D́ŏ dè gŏmimi abu thĭ d́è̆lî̄gè htè thĭ mò b́èd́òb́èsa dimĭ tò ò ńò nu.

Galatiăno 2:18

Jî ḿî b́òhtaprahtage dè htè ja bāphlòmĭ hwă nu d́ō, ḿî jè d́è̆lî̄hta je ne d́ŏ jî ḿî bija amèkèḿèdè Dèthôdèthò̆ lò.

Swiv nou:

Lyen patwone

Piblisite

Piblisite