Bib sou entènèt

Paj dakèy
Bib sou entènèt
Philippiăno 1:10

Philippiăno 1:10 - Geba Roman New Testament

¹⁰ kî thĭ gô̄ rô zabò̄ dè aègudŭ nu. Anu d́ō, thĭ gô̄ hlô̆ gā la kîkò̆ dè ta tcă di htĭ ńò lŏcăcè kî dèd́òdèsa b́ĕ Krĭstu Amuni dini nu.

Gade chapit la Kopi

tounen moute ⬆

Philippiăno 1:10
43 Referans Kwoze

Rŏma 12:2

Dòniphînibò̄ ḿè bija Lākhopho aò khwè̆b́a thĭ tòcò adèphîdèmè ḿè. Ḿî b́ăkhlèbò̄ thĭ dègemeelô d́ŏ dègomogamā athè̆ abu nu. Ajo ḿî klèthòò̆ ad́è̆lî̄ wa Kib́ĭcè adèthaèni kî amèthîhè̆ wa dèzwî̄dèè htè Kib́ĭcè thaèni kî dè apĕhtazòhta amò mè tòcò nu.

1 Thèssalò̆nika 3:13

D́ŏ dèjo abu, ci ki isôhta thĭ kho thĭ ă, thĭ gē pĕhtazòhta kî Spirito Tcahtĭ d́ŏ Pa B́ĭcè ahlò̆mò̄ b́ĕ B́ĭcè Jezŭ lela ploplo kî bija lŏcăcè htè ab́èkja Cè tòcò nu.

1 Thèssalò̆nika 5:23

Kib́ĭcè htè ai kè dècodèmò dèbwè gè̄ mè tcahtĭbò̄ thĭ lŏcăcè kî ihlô̆htabò̄ thĭ tha, thathôḿô̆ kî neb́î̆cè thèd́è̆bwè d́ŏ dèkèḿè gŏmihtĭda, b́ĕ B́ĭcè Jezŭ Krĭstu lela nu.

Rŏma 2:18

nî thîhè̆ tèpwè Kib́ĭcè adèthaèni, kî acab́ô̆ Dèhmèla ò adĕ nu, rô d́ò̆è dè ab́è lò.

Ephè̆sus 5:10

Wuthè̆dèba mèbò̄ dèmè htè ab́è Kib́ĭcè atha.

1 Zowănnī 4:1

Jè b́èlò̄ athò tòcò, b́u lŏbò̄ ḿè Spirito tòcò nu ḿè, ḿî dî̄tcabò̄ Spirito htè aḿî Kib́ĭcè è̆ ā, ńò ā? nu; manè̄ d́ō, prò̆fèt aplè hèhta òèòò d́ŏ lākho nu.

Philippiăno 1:6

Mègōnu d́ō, ju b́u thĕbwe d́ŏ Kib́ĭcè, htè atcahta adèmè awîaè d́ŏ thĭ bu nu, Zè gè̄ mèwe ahlò̆mò̄ htô̆do d́ŏ dèpĕhtazòhta b́ĕ Jezŭ Krĭstu Amuni nu.

1 Thèssalò̆nika 5:21

Dî̄tcabò̄ dèlŏcăcè, kî phînibò̄ dè aè.

1 Kòrĭn 1:8

Kib́ĭcè gè̄ mèhmemèglokò̆ thĭ cab́ô̆htè thĭ gè̄ tè b́èbò̄ dèhtèkè̆ ńò htô̆ agudulă dini, htè wî B́ĭcè Jezŭ Krĭstu d́ŏ Zè dèlè̄plogè Kib́ĭcè d́ŏ Zî ḿî lōwa apho akhoacè̆ nu.

Dèd́è̆lî̄ 2:2

Jî thîhè̆ lŏ thĭ wî thĭ kè̆; thĭ mègè dèphîdèmè pwedè̄ kî thĭ sòwè̆b́è̆thagè pwedè̄ nu jî thîhè̆ tèpwè, Thĭ khasò̆hto b́ugè bija akî̆kkè tòcò kî thĭ b́othagè bija ad́òla ane Thod̆pho tòcò, mèhwă thĭ d́è̆lî̄htagè zî ḿî bwè aplèahlŭdè tòcò nu.

Ephè̆sus 5:27

cab́ô̆htè Zi gī nib́è Zi nikhĭ dèòplo htè awîamò, adè pèèpaa cî̆wî̄căwā ńò, adî tîdrutîphî̆ ńò, aplî̆atcă lŏcăcè, kî ab́èd́òb́èsa ale tò ò ńò nu.

Zowănnī 1:47

Jezŭ kèhtî Nathaniĕlè le d́ŏ Cò ò d́ō, Cò d́ò̆sa bija, “Tcabò̄, Israè̆lpho akhwĭ atcă, htè adèkèḿè tò ò ńò dèbwè nu,” Cò d́ò do.

Mattĕo 16:23

Ḿî Jezŭ tcab́a Petru kî Cò d́ò lōwa, “Geb́a Je lekă, Sătana! Nè hèphròihŭ Jè; manè̄ kò̄ d́òdo dō, dègomo ajo tòcò tè b́è Kib́ĭcè è̆ ńò, ḿî bija è̆ lò.”

2 Kòrĭn 1:12

Wî phîdophîmu dè ò domo, htè wa tha d́ò̆sa wa ab́è nu, we lè̄d́ŏlè̄j́a bija gŏ abwè, d́okhlŏ thĭ nu d́ŏ Kib́ĭcè ilani wa dèthodanāthadanā abu nu, ḿî d́ŏ Kib́ĭcè ahluată acè̆ wè dè mè tòpòkhogè dè dimĭ ńò nu.

Rŏma 12:9

Thĭ dèb́èlò̄ gî̄ dî ḿî d́ò̆bò̄è abarasa ńò. Ḿî dèthaèni dè è d́olĭ kî atè è ńò.

Rŏma 8:7

Manè̄ kòd́òdo dō, bija dèbwèbwè gè̄ mè ma htĕ phehî anikhĭ lò d́ō, mè cab́ô̆ zè mè ze ne Kib́ĭcè athè̆d́ĕd́ò akhò̆ nu, ḿî acab́ô̆ za htad́ĕd́ò Kib́ĭcè Adèhmèla akhoacè̆ nu.

Mattĕo 26:33

Petru d́ògè Cè, “Bija alewe gē hèthĭwī lŏ nòthò̆ Nè hnò̆nu, jè nu tè b́è ja bāladē pĭpi Nè ńò.”

Philippiăno 1:16

Cè tòcò thîhè̆ htè Kib́ĭcè ila jè agō woikhai Vanzĕlō akhoacè̆, cè tòcò d́ò̆htôla tèpwè d́ŏ dèb́èlò̄ abu nu.

Ephè̆sus 6:24

Kib́ĭcè adèhludètă gā lab́è d́ò̆è bija htè ab́èlò̄ wi B́ĭcè Jezŭ Krĭstu d́ŏ dèb́èlò̄ thèjô̆ lahtŭlablo tòcò nu.

Ephè̆sus 4:15

Ḿî d́ŏ dèjî̄b́è adî̄ahma kî dèb́èlò̄ abu, wè kè̄ b́è dohta d́ŏ klè kô̆ ab́ò̆ d́ŏ aḿî dè akho, Krĭstu abu nu.

Galatiăno 5:11

Ḿî jè nu, thè̆buwe tòcò, jô kô thôithò̆i ma dèhô̆rîkî̆ aphekhĭ d́ō, jè kè̄ b́è lô mèssègnè̆ we manè̄? Khŏnujo je gè̄ mèwe gōnu d́ō, dèhtad́ĕd́ò Krĭstu aKrusu kò òwe tèpwè ā?

2 Kòrĭn 8:8

Ajo tè b́è ju htulahmèla thĭ ńò; ḿî jô d́ôthò̆dròtca thĭ dèb́èlò̄ kî bija alewe tòcò è̆ lò.

2 Kòrĭn 6:3

Cab́ô̆htè bija dèbwè̆ gè̄ tè kèhtîbò̄ wè dèmè agumukèḿè ńò nu, dè amèthakă bija klè nu wa dè mègè dimĭ ńò.

2 Kòrĭn 2:17

Wi dî ḿî acab́ô̆ bija alewe òèòò, htè ahè sè̆lă Kib́ĭcè Alēahwè acab́ô̆ dè alīabwî tò ò ńò akhò̆ nu ńò. Ḿî Kib́ĭcè thè̆le wa akhoacè̆, wi jî̄b́è d́ŏ Zò hlò̆mò̄, òkî thotha adèhlî̆dèpla, acab́ô̆ Krĭstu akhî̆abwè tòcò nu.

1 Kòrĭn 10:32

Ò thôḿô̆bò̄ cab́ô̆ thĭ gè̄ dè mè b́èhtîb́èd́ô̆bò̄ Jŭdapho ḿîwî, bwèthŭkupho ḿîwî kîd́ò̆ Kib́ĭcè adèòplo ḿîwî dimĭ dimi ḿè.

1 Kòrĭn 8:13

Sèasèò̆ gî̄ ḿî za ma jè thè̆buwe adèladēlahlô d́ō, alekholekă ja ta a pĭpi be dèhîdèb́a gōnu dèzè̄ ńò.

Rŏma 16:17

Ja damò thĭ, thè̆buthè̆we tòcò. Woibò̄ thĭ ne d́ŏ agè̄ mè gòthò̆gòrò dè, amèbamèsè̆ thĭ d́ŏ thĭ dèthôdèthò̆ tòcò ò nu. Sòkhĕńebò̄ ze lē.

Rŏma 7:22

D́ŏ ja thaobu nu jè b́èlò̄ thĕbwethîlî̆ Kib́ĭcè Adèhmèla,

Rŏma 7:16

Ki jè mènigè dè htè ja da thaè mè ńò tòcò nu d́ō, ḿî ad́è̆lî̄ Dèhmèla ḿî dè aè lò.

Thodŏpho 24:16

Mègōnu d́ō, ju htukhohtuă òi lŏ tèpwè dèthohlî̆thahlî̆ ajo thèjô̆ d́ŏ Kib́ĭcè kî bija ahlò̆mò̄ nu.

Zowănnī 3:20

Manè̄ d́ō, bija amèdè akî̆kkè gŏ abwè nu dè wè̄ dèhlî̆ ńò kî ze de le tèpwè dèhlî̆ aklè̆ ńò, cab́ô̆htè ze dèphîdèmè tòcò dî hlî̆htaphlò̆htabò̄ ńò nu.

Philippiăno 2:16

b́ĕ thĭ d́ò̆sa cè tòcò dèthôḿô̆ awîakè̆ nu. Thĭ gè̄ mègōnu kò̄ d́òdo dō, b́ĕ Krĭstu Amuni nu, jò kò̄ òkî dè awîakè̆ d́ŏ dèbè̄htajî i je ne thĭ kho thĭ cè̆, ḿî thĭ mèdè tòcò nu kè d́è̆lî̄ Cè d́ŏ jè dèwuthè̆dèba kî jè dèmè tòcò tè kèhta tèpwè dè ahnahnă ńò nu.

Swiv nou:

Lyen patwone

Piblisite

Piblisite