Bib sou entènèt

Mattĕo 5:16 - Geba Roman New Testament

¹⁶ Mègōnu d́ō, thĭ dèhlî̆ gî̄ hlî̆ d́ò̆è bija ahlò̆mò̄, cab́ô̆htè bija gā tcahtî thĭ dèphîdèmè awîaè, kî bija gè̄ bè̄dòbè̄thebò̄ thĭ Pa aò d́ŏ Mò̄kho dèbwè nu.

Gade chapit la Kopi

tounen moute ⬆

Mattĕo 5:16
42 Referans Kwoze

1 Petru 2:12

Ò thăbrābò̄ d́ŏ bwèthŭkupho tòcò aklè̆ nu, cab́ô̆htè ca ka tcahtî thĕne thĭ dèphîdèmè awîaè tòcò kî d́ŏ dèigetcage amunimuthè̆ kè̄ b́è nu, thîhè̆htagebò̄ B́ĭcè d́ŏ bija tòcò cirrathĭ acab́ô̆ bija adèkèḿè do tòcò akhè̆ nu.

Tĭto 2:7

D́ŏ dèlŏcăcè abu nu, ne neb́î̆cè thè̆ne nè kèb́è kèhta dètcahlô̆tcad́ò̆i anikhĭ. Òibò̄ dèdî̄dèhma kî dèbè̄thobè̄tha d́ŏ nè dèthèhlô̆ abu nu.

Zowănnī 15:8

Ja Pa ahĭahtè̆ kè̄ b́è d́è̆lî̄htakò̆ d́ŏ thĭ thèhtaphò̆hta òèòò acè̆, kî dèjo akhoacè̆, thĭ gî̄ phî̆takò̆ jo bōhmubicè tòcò nu.

Ephè̆sus 5:8

Hlĕ aŭsu nu thĭ thè̆ne ḿîgè bija aò dèkhiklè̆, barasă tcahta b́ĕ thĭ ḿî Kib́ĭcè abijakhwĭpho nu, thĭ ḿîgè bija aò dèhlî̆klè̆. Mègōnu d́ō, òbò̄ acab́ô̆ bija ab́èkja dèhlî̆pho akhò̆ nu.

1 Petru 3:16

Mè nòthò̆ do hnò̆nu, mèbò̄ d́ŏ dèthob́îthajū kî dèscisă abu nu, htè d́ŏ dèthohlî̆thahlî̆ abu nu, cab́ô̆htè b́ĕ bija ad́òkè̆d́òô thĭ kî adòbijīla thĭ htè abò̄kô Krĭstu akă tòcò nu, kè̄ b́è thăwākò̆ nu.

1 Petru 4:14

Thĭ kè̄ b́è gòsè̆lèwè̄ b́eḿĕ d́ŏ thĭ ḿî Krĭstu akhî̆abwè acè̆ nu d́ō, thĭ kè b́èhôwî dòkhò̆, manè̄ d́ō, Kib́ĭcè kî Zî Spirito Tcahtĭ ahĭahtè̆, adèdòdèthe kî adèkhodèă gō sò̆lăkò̆ thĭ kho akhoacè̆ nu.

1 Petru 2:9

Thĭ ḿî ab́èrô dikhwĭ, saphra aphŭgi akhwĭ, bijakhwĭpho tcahtĭ, bwè ab́è b́è̆lăbā agā htăhtai Kib́ĭcè ajohtaphlòḿĭ d́ŏ dèkhiklè̆ d́ŏ Zè dèhlî̆ amòama dèbwè abu nu.

Tĭto 3:14

Wa bija tòcò b́è mèhlô̆ni agè̄ mèi adèsŏdèkhè̆ d́ŏ dè awîaè, cab́ô̆htè ci ki ila mèzobò̄ dèloba hnèhnè tòcò anikhĭ nu. Cè tòcò tè b́è ò hnahnă ńò.

1 Timò̆theo 6:18

Hmèla cè tòcò agè̄ mèwî dè, agō dohtamuhtai dè mè awîab́è tòcò nu, akî ibò̄ dè d́ŏ dèthathòhlò̆ abu nu.

2 Kòrĭn 9:13

D́ŏ dèphîdèmè jo abu thĭ d́è̆lî̄htagè thĭ ḿî bija danè̄ nu, kî thĭ mènigè bija tòcò gè bè̄dòbè̄the Kib́ĭcè d́ŏ thĭ phînigè kî mèigè Krĭstu aVanzĕlo nu, kî thĭ thohlò̆thahlò̆ kî khòwèhmòb́ègè bija lŏcăcè nu.

Ephè̆sus 2:10

Manè̄ kò̄ d́òdo dō, wî ḿî Kib́ĭcè adèb́òla acukhwa, Cò b́òlagè wa cab́ô̆htè wò kò ò d́ŏ Krĭstu Jezŭ abu thôḿô̆ d́ŏ dèmè awîaè, htè Ca prahnèdòlògè wi nikhĭ wè gè̄ mèb́è tòcò nu.

Hebrè̆u 10:24

Wi ikhoiă hlè d́ò̆è lōwa d́ŏ dèphîdèmè awîaè abu nu.

1 Petru 4:11

Agî̄ jî̄b́èhta dèbwèbwè d́ō, zè dèjî̄b́è gî̄ ḿî d́ò̆è Kib́ĭcè alēahwè. Agī igetcage dè dèbwèbwè, zè dèmèzo gî̄ ḿî d́ò̆è Kib́ĭcè adèikhoiă; cab́ô̆htè d́ŏ dè gŏmimi aklè̆, Kib́ĭcè kè̄ b́è kòihtăibò̄ d́ŏ Jezŭ Krĭstu htè dèdòdèthe kî htĭge ḿî dèthôḿô̆ lahtŭlablo Cè è̆ dèbwè nu ami abu nu. Amèn.

1 Thèssalò̆nika 2:12

Wi isôhta thĭ kho thĭ ă, wò d́òkhŭd́òmò thĭ, wa thakăhta thĭ dèjwèjwè, cab́ô̆htè thĭ kò ò thôḿô̆bò̄ dè b́è B́ĭcè atha, B́ĭcè htè ajo thĭ cab́ô̆ thĭ gī nib́èplo Zi htĭ Ze ge kî Zò dò Ce the nu.

1 Petru 3:1

Acab́ô̆ gōnu akhò̆ ahmè̆ tòcò kò ò d́ò̆è za wa adèŭi alè̄, cab́ô̆htè atu b́u Kib́ĭcè alēahwè ńò hnò̆nu gī nib́è d́ò̆è dèb́u d́ŏ zè hmè̆ adègemeelô akhoacè̆ nu. Agò̄ do loba thāgò̆ thĭ jî̄b́è dôhmô̆ ńò nu.

Thodŏpho 9:36

Hlĕnu d́ŏ Jŏppa abu nu, bōhmubicè aklè̆ amihmu ami ḿî Tab́ĭtha ògè dèbwè; (Zi mi d́ŏ Grĭspho alē ḿî “Dò̆rkas,” ahtabohtab́ă ḿî “Jokhĭ.”) Amihmu ajo dèbwè ila lŏtholŏtha ane d́ŏ dèphîdèmè awîab́è kî dèkhòwèhmòb́è adèmè abu nu.

1 Timò̆theo 5:25

Cab́ô̆ gōnu akhò̆, bija dèmèwî tòcò nu lî̄htaphlò̆hta tèpwè. Kî adî lî̄hta hnî̆ńò tòcò ḿî ḿî tè b́è lè̄hu za ńò ńò.

Mattĕo 5:45

Cab́ô̆htè thĭ gî̄ ḿîbò̄ thĭ Pa aò d́ŏ Mò̄kho htè ahna lumuhta bija awî kî akî̆kkè tòcò akho, kî ai hwè zula ni bija adî̄ahma kî adîdî̄dahma ńò tòcò akho dèbwè aphoali nu.

Tĭto 2:14

Ci ilagè Ze neb́î̆cè d́ŏ wi nikhĭ cab́ô̆htè Zè gè̄ mèhlô̆htage wa d́ŏ dèkî̆kkèmèhlò̆ lŏcăcè, kî Za gā hna kèhta wa bija dikhwĭ htè aòwîòtcă kî ab́èkja htĕ Cè dèbwè lò, kî athasô d́ŏ dèmè awîaè tòcò nu.

1 Timò̆theo 5:10

D́ŏnu agò̄hta, cè b́è ò kî zi mi zè khè̆ awî, bija ab́oi dohta aphoali thuŭthèè, amèi tî̆dotî̆tèḿè̆, aŭsab́ă Kib́ĭcè abija Tcahtĭ tòcò akhakhò, amèzo bija òbaòsè̆, aila ane d́ŏ dèmè awîab́è lŏcăcè tòcò nu.

1 Timò̆theo 2:10

Ḿî òibò̄ dèmèwîmèb́è, kî d́è̆lî̄htabò̄ thĭ ne aè dèthub́uthèb́è̆ tòcò dòkhò̆.

Galatiăno 1:24

Kî cè tòcò bè̄dòbè̄thegè Kib́ĭcè jo kholè̄kălè̄.

Tĭto 3:4

Htô̆ ḿîgè Kib́ĭcè amèhlô̆htage wa adèthakhòwè kî adèb́èlò̄ b́è d́è̆lî̄htagè nu,

1 Kòrĭn 14:25

zè dègomo ahuazò gè̄ d́è̆lî̄htakò̆, kî cè tòcò kè d́èla ane thèb́è̆hta Kib́ĭcè kî ŏlăphlala d́òkò̆, “Kib́ĭcè ò hnèhnè b́ĕ thĭ klè̆ jo hŏ!”

Lŭka 11:2

Jezŭ d́òge cè tòcò, “B́ĕ thĭ thèb́è̆ nu d́òbò̄; ‘Ŏ Apa, Ni mi kè̄ b́è d́ò̆è Atcahtĭ tîkî. Ni htĭ Ne ge gō do d́ò̆bò̄è tîkî.

Mattĕo 9:8

Bija aboahò kèhtî dè ajo d́ō, zi scisăgè, kî htăigè Kib́ĭcè adòathe, htè aila bija dècô̆dèthèlè̆ ado pwĕ gōnu dèbwè nu.

Mattĕo 23:5

Kîd́ò̆ zè mègè dèphîdèmè lŏcăcè nu, ḿî cab́ô̆htè bija gā tcahtîb́è anikhĭ nu lò; Manè̄ kòd́òdo dō, zè mè do akŏpho htè cè b́è̆nī Cè Tcahtĭ aglapho tòcò abu kî cŏwè̄glo d́ŏ ze mēbòlò, cu cu d́u lò kî zè mèzô zi scid́ŏ akăwī tòcò nu.

Mattĕo 6:16

“Kîd́ò̆ b́ĕ nu d́u dèadèò̆ nu, tcalathôj́ô mè acab́ô̆ bija atòpòkho tòcò mè nu ḿè; manè̄ kò̄ d́òdo dō, zè mè thĭwi zu mūkă bu cab́ô̆htè bija gā tcahtî cu d́u dèadèò̆ nu. Jò d́ò̆sa thĕbwe thĭ, zi nib́è htŏ zô sô zè hlè̆.

Mattĕo 23:9

Kîd́ò̆ d́ŏ Lākho jo, jo ḿè bija thĭ pa dèbwè̆ ḿè; Manè̄ kòd́òdo dō, thĭ Pa ò dèbwè lò, htè aò d́ŏ Mò̄kho dèbwè nu.

Mattĕo 6:9

Mègōnu d́ō, thĭ nu, thèb́è̆htabò̄ gōjo; Ŏ wa Pa, aò d́ŏ Mò̄kho nu, Ni mi kèb́è d́ò̆bò̄è atcahtĭ tîkî.

Swiv nou:

Lyen patwone

Piblisite

Piblisite