Bib sou entènèt

Mattĕo 5:11 - Geba Roman New Testament

¹¹ “Thĭ b́èhôwî b́ĕ jo kho jè cè̆ bija kò d́òkè̆d́òô thĭ, bija gô̄ lô mèssègnè̆ thĭ, kî bija gā bāwè̄phrò thĭ lò dèkèḿè arră nu.

Gade chapit la Kopi

tounen moute ⬆

Mattĕo 5:11
32 Referans Kwoze

1 Petru 4:14

Thĭ kè̄ b́è gòsè̆lèwè̄ b́eḿĕ d́ŏ thĭ ḿî Krĭstu akhî̆abwè acè̆ nu d́ō, thĭ kè b́èhôwî dòkhò̆, manè̄ d́ō, Kib́ĭcè kî Zî Spirito Tcahtĭ ahĭahtè̆, adèdòdèthe kî adèkhodèă gō sò̆lăkò̆ thĭ kho akhoacè̆ nu.

Lŭka 21:17

Jo kho jè cè̆, bija gè̄ dèwè̄dèsè̆kò̆ thĭ ńò.

Mărko 13:13

Jo kho Jè cè̆ lò, Bija gè̄ dèwè̄dèsè̆kò̆ thĭ ńò. Barasă bija akŏikhòi htô̆ agudugîdî̄ nu, gī nib́è dèhlô̆htage lò.

Mattĕo 24:9

“B́ĕnu bija ki ila phlòḿî̆kò̆ thĭ cab́ô̆htè thĭ kè̄ b́è mèssègnè̆ nu, kî bija gè̄ mèthĭkò̆ thĭ, kîd́ò̆ Ji mi akhoacè̆ bija akhwĭ lŏcăcè gè̄ dèwè̄dèsè̆kò̆ thĭ ńò.

Lŭka 6:22

“Ab́èhôwî ḿî thĭ htè bija dè wè̄ dè sè̆ ńò, bija lè̄dakè̆, hô hò̆, kî d́òkè̆d́òô thĭ d́ŏ Bija Apho akhoacè̆ nu.

1 Petru 2:23

Cè b́è hô b́è hò̆, ḿî Cò tò d́òscĭge dè alī dôhmô̆ ńò. B́ĕ Cè b́èdeb́èbo nu, Za da htadohtaragè ńò, ḿî sascĭi acirradè adî̄ahma abu dèbwè lò.

Zowănnī 15:21

Barasă cè tòcò gè̄ mèkò̆ gōjo d́ŏ Ji mi acè̆ nu, manè̄, cè tòcò dî thîhè̆gè htè athodŏle Jè ḿî bò̄bwè nu akhoacè̆ lò.

Mattĕo 10:22

Kîd́ò̆ Ji mi akhoacè̆ bija lŏcăcè gè̄ dè wè̄kò̆ thĭ ńò. Barasă bija htè akhòthad́ò̆ htô̆ agudulă dèbwè gô̄ hlô̆htakò̆.

Mattĕo 10:39

Bija htè anib́è athathôḿô̆ dèbwè gū sub́èkò̆ aè̆, kîd́ò̆ bija asub́è athathôḿô̆ dèbwè nu gī nib́èkò̆ aè̆.

Dèd́è̆lî̄ 2:3

Thĭ thîhè̆ tèpwè pwĕ htè thĭ khòthad́ò̆wî̄thazô, khabèjab́ègè Ji Mi anikhĭ pwedè̄ nu.

Mattĕo 19:29

Kîd́ò̆ bija arră alè̄dakè̆ ahiaphă ḿîwî, abuawe ḿîwî, amo apa ḿîwî, aphoahmè̆ ḿîwî, lākhod́oklè̆ ḿîwî, Ji mi akhoacè̆ dèbwè, gī nib́ègekò̆ alī apla dègèjè, kî zi gi nib́èkò̆ dèòthôḿô̆ lahtŭlablo.

2 Kòrĭn 4:11

Hmahŏ, b́ĕ wò òwe bija asŏakhè̆ nu, wa khab́è dèthĭ gŏ amuni Jezŭ anikhĭ, cab́ô̆htè Krĭstu adèòthôḿô̆ aò d́ŏ we phe wî hî athĭ za aò jo kè̄ b́è d́è̆lî̄htabò̄ nu.

1 Kòrĭn 4:10

Krĭstu anikhĭ wi ḿî ablu tòcò lò, ḿî thĭ nu d́ŏ thĭ ḿî bija azaabla d́ŏ Krĭstu ami abu tòcò dòkhò̆. Wô cô̆ wè thèlè̆ tò ò ńò, thĭ ḿî ahĭahtè̆ ò tòcò dòkhò̆. Thĭ mi hŏhtathèla, ḿî wî ḿî bija ahnahnă.

Rŏma 8:36

Acab́ô̆ Cè Tcahtĭ aḿăkhaigè nu; “No kho Nè cè̆, wè b́è mèthĭ gŏ ani lò; Bija htegè wa cab́ô̆htè thŏ akè b́è mèthĭ tòcò nu.”

Lŭka 21:12

Barasă d́ō, dè ajo tòcò dè sè̆ phî̆hta ńò nu, bija kô phò gō cŏ thĭ, mèssègnè̆ thĭ, kî dè gè̄ sè̆lă thĭ, gô̄ htô gè̄ d́è̆kò̆ thĭ d́ŏ sinagŏgā Hwă d́ō gî̄ htînī thĭ d́ŏ dèkî̆dî̄ bu nu. D́ŏ Ji mi akhoacè̆, thĭ kè̄ b́è jolekò̆ d́ŏ sophrŏsaphra tòcò kî aŭidè tòcò ahlò̆mò̄ nu

Lŭka 9:24

Manè̄ d́ō bija athaè mèhlô̆hta atha dèbwè gū sub́èkò̆ aè̆. Barasă bija asuapa atha Ji nikhĭ dèbwè nu gè̄ mèhlô̆htakò̆ aè̆.

Mărko 8:35

Manè̄, bija athamèhlô̆hta atha dèbwè nu gū sub́èkò̆ aè̆. Bija htè asuapa athathôḿô̆ Jo kho Jè cè̆ kî Vanzĕlō akhoacè̆ dèbwè nu gè̄ mèhlô̆htagekò̆ aè̆.

Mattĕo 10:25

Akhò̆bĭsèpho gî̄ ḿî ma acab́ô̆ za sara nu, kîd́ò̆ zôpho gî̄ ḿî ma acab́ô̆ ci b́icè nu d́ō, ab́èni htŏ tèpwè. Bija jogè hib́icè Bilzabŭba d́ō, zo gō jo d́okhlŏkò̆ ahiphophăpho tòcò nu.

Thodŏpho 9:16

Manè̄ Jè kè d́è̆lî̄kò̆ cè htè za gā khab́èkò̆ Ji mi tcahtĭ akholè̄kălè̄ pwedè̄ nu,” Dèado d́ògè do.

Mărko 13:9

“Kasèwāsèbò̄ thĭ ne. Bija tòcò gi cwilekò̆ thĭ d́ŏ dèladēplo abu. Thĭ kè̄ b́è de b́è bokò̆ d́ŏ Sinagŏgā bu, thĭ gò̄ sò̆htoòb́èkò̆ d́ŏ htĭge akhoane tòcò kî Sophrŏsaphra tòcò ahlò̆mò̄ agā kha Ji nikhĭ thè̆thî nu.

Mattĕo 27:39

Bija leb́ôhtî Cè tòcò htodijī ako kî htèkè̆htèô Cè,

Mărko 4:17

Barasă akhawi da lajò̄ halè̄ ńò akhoacè̆, tò òjî̄ ńò athĭ tèpwè. B́ĕ dèbadèsè̆ kî dèlômèssègnè̆ b́ègè cè d́ŏ Kib́ĭcè alēahwè acè̆ nu, ca thahèkè̆danā taplakhă lò.

Mattĕo 10:18

Kîd́ò̆ Jo kho Jè cè̆ thĭ kèb́è cwilekò̆ u acomā tòcò kî Saphra tòcò ahlò̆mò̄ cab́ô̆htè thĭ gā kha thè̆thî jò hlò̆mò̄ kî bwèthŭkupho tòcò ahlò̆mò̄ nu.

Zowănnī 9:28

Cè tòcò hô hò̆ hwă cè d́ō, cò d́ò, “Nè nu ḿî Zo bōhmubicè, wî ḿî Mŏzè abōhmubicè dòkhò̆.

Philippiăno 1:29

Thĭ nib́è dè akhwèaj́a agè̄ mèdè d́ŏ Krĭstu anikhĭ, tè b́è htĕ thĭ b́u Cè lò ńò, ḿî thĭ gū dub́èkhab́è d́ŏ zi nikhĭ khĭ.

Swiv nou:

Lyen patwone

Piblisite

Piblisite