Bib sou entènèt

Mattĕo 13:11 - Geba Roman New Testament

¹¹ Cò d́òge lōwa alī gōjo, “Dèila tepwè thĭ agī thîhè̆b́è Mò̄kho ahtĭage adèòhu, barasă dè ti ilani cè tòcò ńò.

Gade chapit la Kopi

tounen moute ⬆

Mattĕo 13:11
40 Referans Kwoze

1 Kòrĭn 2:14

Bija atò òi ab́èkja thotha ńò dèbwè nu, dî phîni tèpwè dè ab́èkja Kib́ĭcè aSpirito Tcahtĭ ńò; za tcahtî tèpwè lōwa acab́ô̆ dè ahnahnă lò, zi di thîhè̆ za ńò, gî thîhè̆ za cè d́ŏ Spirito Tcahtĭ abu lò acè̆ nu.

Mattĕo 19:11

Cò d́òge lōwa tòcò, “Bija dî phîkèhta dèjî̄b́è ajo gŏ abwè ńò; aphî kèhta ḿî dèila tòcò lò.

Zăkomo 1:5

Barasă d́ŏ thĭ klè̆ nu adèzadèbla kò tò ò ma ńò dèbwèbwè d́ō, hnabò̄ za da Kib́ĭcè htè aila bija gŏ abwè d́ŏ dèthohlò̆thahlò̆ abu kî dèthowîthamò abu dèbwè ki ilani tèpwè lōwa.

1 Zowănnī 2:27

Ḿî thĭ nu, Krĭstu htôrôgè thĭ kî Spirito Tcahtĭ nu. Kib́ĭcè aSpirito Tcahtĭ kò̄ òkô thĭ kă athŭtherĕ, ado loba mè bija gô̄ thôithò̆i thĭ dèbwè̆ ńò. Spirito Tcahtĭ thèhlô̆ i thi dègŏmihtĭda ḿî lŏ dè ab́è lò, tè b́è aplè ńò. Mègōnu d́ō, mèkôbò̄ acab́ô̆ Spirito Tcahtĭ adèthèihŭ thĭ kî òbò̄ d́ŏ Krĭstu abu nu.

1 Zowănnī 2:20

Ḿî thĭ nu, Atcahtĭ dèbwè htôrôgè thĭ kî Si tcahtĭ kî thĭ nib́ègè dèdî̄dèhma.

Mattĕo 16:17

Kîd́ò̆ Jezŭ d́òge cè, “Nè b́è dèhôwî Simŏnè Zŏnah apho, manè̄ kòd́òdo dō, ad́ò̆sa nè tî ḿî nî hî ni thwi ńò, ḿî Ja Pa aò Mò̄kho dèbwè nu.

Ephè̆sus 1:9

D́ŏ Zè dèthîhè̆ kî dètcahtî lŏcăcè abu, Kib́ĭcè mègè acab́ô̆ Zè dèprahnè ò adĕ nu, kî b́è d́è̆lî̄ pĕhtazòhta ni kè d́ŏ Krĭstu nu.

Ephè̆sus 5:32

Jò d́ò za tèpwè d́ŏ dèdî̄dèhma aòhuòb́i b́è d́è̆lî̄hta d́ŏ dèhwela jo ḿî ab́èkja Krĭstu adèòplo nu.

Rŏma 16:25

Dèdòdèthe kè̄ b́è d́ò̆è Kib́ĭcè! Zî ḿî ai kèhta thĭ agò̄ sò̆hto ò d́ŏ dèb́udènè ahmeaglo abu, acab́ô̆ jò d́ò̆htôd́ò̆dèlè nigè thĭ Jezŭ Krĭstu a Vanzĕlō kî acab́ô̆ dèd́è̆lî̄hta dèòhu aòhugè hlĕ azôakhè̆ pwĕdimi dèdè̆ nu.

Lŭka 8:10

Cò d́ò̆sa lōwa tòcò, “Mò̄kho Ahtĭage adèòhu nu thĭ thîhè̆b́è tèpwè. Barasă bija alewe tòcò anikhĭ nu ḿîgè acab́ô̆ dèd́ò ò adĕ nu lò. ‘Ca tca nòthò̆ cè tè kèhtî ńò, zò sòkhĕńe nòthò̆ zî dî thîhè̆ ńò,’ Cò d́ògè lōwa tòcò do.

1 Kòrĭn 15:51

Sòkhĕńebò̄ dèdî̄dèhma adèòhuòb́i ajo; wi di thĭ b́è gŏ abwè ńò, barasă b́ĕ khaja alē thèhta alekăgudŭ nu, wè kè̄ b́è dèd́ò̆khlè wa taplakhă d́ŏ tod́opho adābu, plăhlèkwè acab́ô̆ bija phlasci agādŭ akhò̆ nu lò. Manè̄ d́o, b́ĕ khaja alē thèhta nu bija athĭgè tòcò kè̄ b́è dèb́awè̄htoge, di thĭ b́è be takhă ńò, kî wa kè̄ b́è dèb́ăkhlèkè̆ gŏ abwè lò.

1 Kòrĭn 2:7

Kib́ĭcè adèzadèbla aòhu htè wô thôithò̆i d́ŏ wè dèòhu bu tòcò ḿî Kib́ĭcè Ja lagè wè dèdòdèthe nikhĭ hlĕ Lākho tò òhta hnî̆ńò nu.

Zowănnī 6:65

Kîd́ò̆ Jezŭ d́ò, “Mègōnu akhoacè̆ Jò d́ò̆sa thĭ htè Apa gè̄ dè mèzo ma thĭ ńò nu, bija de lehtî za Jè dèbwè̆ ńò.”

1 Timò̆theo 3:9

Cè tòcò kè̄ b́è ḿî bija apôglohme dèb́udènè adî̄ahma d́ŏ dèthohlî̆thahlî̆ abu nu.

1 Kòrĭn 13:2

Jò kò d́ò̆sadòlò za dè acab́ô̆ Prò̆fèt nu, jî gî̄ thîhè̆ lŏ dèòhu tòcò ahtabohtab́ă kî thîhè̆ dè gŏmihtĭda; kî jè dèb́u gē pĕhta pwĕ ja hna hè kèhta khò̆mukhòlò̆ tòcò hnò̆nu, jè dèb́èlò̄ kò tò ò ma ńò d́ō, jî dî ḿî da dimĭ ńò.

Mărko 4:11

Kî Cò d́ògè lōwa tòcò, “Dèilani tèpwè thĭ akî thîhè̆b́è Kib́ĭcè Ahtĭage adèòhu; barasă bija aò akhlŏathăba tòcò, kò d́ò̆sab́è cè kî dègèlè.

Kòlò̆ssia 2:2

Jè mè dè ajo ḿî acab́ô̆ cè tòcò kò ò pĕhtazòhta kî dèthakhŭthahè̆, kò òbò̄ dèthalajīplo d́ŏ dèb́èlò̄thòklè̆ abu, kî gī nib́è dèlīdobwîthè̆ adèaḿăkhai apĕazò, htè dèhtî̆nigô̄ni adî̄ahma lei nu. D́ŏ dèjo abu, cè tòcò gî̄ thîhè̆kò̆ Kib́ĭcè adèhudèb́i, htè aḿî Krĭstu thè̆ne nu.

Ephè̆sus 6:19

Dathèb́è̆htabò̄ ji nikhĭ, cab́ô̆htè Kib́ĭcè ki ithîhè̆bò̄ jè b́ĕ jò ò prahnèdòlò je ne agî̄ jî̄b́è nu, d́ō jò kò d́ò̆sathîhè̆ zabò̄ bija dèthalōthalai adèòhuòb́i awîakè̆ d́ŏ dèthakhŭthahè̆ abu nu.

1 Kòrĭn 4:7

Bò̄bwè mèni nè agò̄ còklîlasă d́olĭ bija lewe bwè? Aila nè dèlŏcăcè ḿî Kib́ĭcè tè b́è ńò ā? Thĭ dènib́è tòcò acè̆, thĭgè bè̄htahtô̆ zabò̄ thĭ ne mè acab́ô̆ dè ti ilani thĭ ńò nu ā?

1 Kòrĭn 4:1

Bija gō gomo wa acab́ô̆ Krĭstu azôabwè, bwèzô anib́è Kib́ĭcè adèòhu tòcò nu.

Zowănnī 7:17

Bija dèbwè gā thaè mèkô Zè dè thaèni d́ō, ‘Zî gî̄ thîhè̆ tèpwè aò d́ŏ B́ĭcè ò ā?’ ḿî ‘Jò d́ò dò̆ jo lo ja la ā?’ nu.

1 Timò̆theo 3:16

Dèthub́uthèb́è̆ adèòhuòb́i nu adoajò̄ pwedè̄ nu bija da jab́i za dèbwè̆ ńò. Kib́ĭcè d́è̆lî̄hta Ane acab́ô̆ bija, Cè b́è dèbè̄dî̄bè̄hma Cè d́ŏ Kib́ĭcè atha, Cè b́è dètcahtî Cè d́ŏ Mò̄khobwèzo tòcò, Cè b́è dèd́ò̆htôlai d́ŏ bija lŏcăcè, Cè b́è dèb́u Cè d́ŏ Lākho thèdè̆b́è, Cè b́è zāhtage Mò̄kho d́ŏ dèdòdèthe abu nu.

Ephè̆sus 1:18

Ja dadè cab́ô̆htè thĭ tha adètcahtî gî̄ hlî̆hta kî tcahtîbò̄ Zè dèhlî̆, thĭ gî̄ thîhè̆bò̄ Zè dèjo thĭ ḿî dèsascĭi da anikhĭ nè kî dèhôwî Co ŏlăgè Ci ki i Za bija tòcò nu alīdobwîthè̆gè pwedè̄,

Thodŏpho 16:14

D́ŏ amihmu tòcò nu aklè̆ ami ḿî Lî̆dia ògè dèbwè, zî ḿî amihmu aòi dèthub́uthèb́è̆ kî abwîasè̆i dihwihtĭ alîhlo d́ŏ Thiatĭra u bu dèbwè nu. Zò sòkhĕńe wè dèd́ò̆htô kî Kib́ĭcè b́ahlî̆hta ca tha agî̄ phîni Păulu adèd́ò tòcò nu.

Mattĕo 13:10

Zo bōhmubicè tòcò leb́ôhtî Cè kî cò d́ò, “Nî jî̄b́èhtî ma cè tòcò dègèlè aklè̆ nè̄?”

Mattĕo 20:23

Cò d́ò lōwa tòcò, “Jò còlò nu thĭ kò ò̆b́èkò̆ hŏ; barasă aki i thĭ sańă Ju cukhò adèhtwè dòkhò̆ ḿîwî, atîcî dòkhò̆ ḿîwî nu atè b́èkja Jè ńò, agā sańăòb́è ḿî bija htè Apa prahnè htŏ anikhĭ tòcò nu.”

Mărko 10:40

barasă agā sańăb́è d́ŏ Ju cutîcî kî Ju cudèhtwè nu tè b́è Ji kī i thĭ ńò. Ab́èkja d́ŏ ab́èpradòlò hwă htŏ anikhĭ tòcò nu lò.”

Rŏma 11:25

Thè̆buwe tòcò, dè ajo lŏcăcè anikhĭ, dèòhu ò dèdè̆ htè ja thaèni thĭ gî̄ thîhè̆ nu, dî ḿî ńò d́ō, thĭ gō gomo d́olĭ kî thĭ mè nu. Israè̆lpho ò tòcò adè thosathasa tè b́è ḿî thèjô̆ ńò. Barasă dā bwèthŭkupho tòcò lenī hwă adèd́ô pĕhta akhî lò, alekă Israè̆lpho akăsè tòcò ḿî ḿî gô̄ hlô̆hta tèpwè b́ĕ nu.

Swiv nou:

Lyen patwone

Piblisite

Piblisite