Mărko 16:1 - Geba Roman New Testament1 B́ĕ Munisòd́è̆ aŭsu dini gohta hwă nu, Marĭa Madalè̆nā, Marĭa Zăkomo zo mo, kî Salŏmè leigè dèhnŭẃihnŭthòrò̆ cab́ô̆htè cè tòcò gô̄ thôphrôbò̄ Jezŭ aco nu. Gade chapit la |
Anu dini ḿî dèpradòlò ani d́ō, cab́ô̆htè cè tòcò aco tò òdab́èbò̄ Krusu alò b́ĕ Munisòd́è̆ ani ńò nu, Jŭdapho tòcò dagè Pilăto akhwè agē dehtè̆dū bija anu tòcò akhakhò kî zè gè̄ hèiphlòḿĭbò̄ lōwa tòcò aco nu, manè̄ Munisòd́è̆ anu dò sòd́è̆ ḿî Pwè̆do d́okhlŏ dò sòd́è̆ acè̆ nu.
B́ĕ Jezŭ ò d́ŏ Bèthăniad́ŏ bu nu, Za sańă gò̄wè̄ cud́èkho tèb́è alò, aò d́ŏ Simŏnè akaĺaki dèbwè ahibu nu, amihmu leb́anīgè dèbwè. Ze lei dèhnŭẃi alīdobwîthè̆ sô htè bija mèi thohto nard́u aònī lob́ô̆ ahmwe tod́ŏ abu nu. Zè mèhtè̆pha hwă dèhnŭẃi akŏ d́ō, zò hlòlagè dèhnŭẃihnŭthòrò̆ d́ŏ Jezŭ akokho nu.