Lŭka 24:47 - Geba Roman New Testament

⁴⁷ kî dèbajalage ane, kî dèkhòwè adèb́ahlô̆ awîakè̆ nu kè̄ b́è d́ò̆htôib́è d́ŏ Zi mi abu d́ŏ htĭge lŏcăcè ò nu, gohta d́ŏ Jerŭsalèm u bu nu.

Lŭka 24:47 Referans Kwoze

Thodŏpho 5:31

Kib́ĭcè lè̄htagè cè Saphrapho kî Amèhlô̆htagedè, aki ila Israè̆lpho tòcò dèjale kî dèkhòwè adèb́ăplè.

Thodŏpho 2:38

Ḿî Petru d́ò cè tòcò, “Bajalage thĭ ne, kî khabò̄ dèŭsab́ăhtĭ gŏ abwè d́ŏ Jezŭ Krĭstu ami abu nu cab́ô̆htè thĭ gī nib́èbò̄ thĭ dèkhòwè adèb́ăplè, kî thĭ gî̄ phînikò̆ Spirito Tcahtĭ.

Thodŏpho 20:21

Ja hnanohnabègè Jŭdapho tòcò kî Grĭspho tòcò agē geb́ahtî Kib́ĭcè kî aku b́u wî B́ĭcè Jezŭ Krĭstu nu.

Thodŏpho 13:46

B́ĕnu Păulu kî Barnăbas jî̄b́èhta khŭthaklagè, “Wò d́ò̆sab́è ŭsugè thĭ Kib́ĭcè Alēahwè, barasă thĭ bāphlòḿĭgè cè. Thĭ gomo ḿî thĭ da tani dèòthôḿô̆ alahtŭlablo ńò acè̆, we gē lehtîb́ègè bwèthŭkupho tòcò nu.

Mattĕo 28:19

Mègōnu, le kî mèphî̆hta bijakhwĭpho lŏcăcè Jo bōhmubicè, ŭsab́ăbò̄ cè htĭ d́ŏ Pa kî Pho kî Spirito Tcahtĭ ami abu nu.

Thodŏpho 11:18

Bija tòcò thîhè̆b́è dèjî̄b́è ajo d́ō, ca thalazegegè kî bè̄dòbè̄the Kib́ĭcè, cò d́ò, “Kib́ĭcè ilani tèpwè bwèthŭkupho tòcò agā salatha kî agī nib́è dèò nu,” cè tòcò d́ògè do.

Thodŏpho 26:18

Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

Mattĕo 3:2

Kîd́ò̆ cò d́ò, “Khahlô̆bò̄ thĭ dèkhòwè, manè̄ kòd́òdo dō, Mò̄kho Ahtĭage b́ôhtî htŏ.”

1 Zowănnī 2:12

Je hweni thĭ jo pho ji li tòcò, htè thĭ dèkhòwè b́ahlô̆ htŏ d́ŏ Krĭstu ami abu nu;

Kòlò̆ssia 1:27

Kib́ĭcè adèprahnèdòlò ḿî Cè gè̄ d́è̆lî̄phlò̆hta Za bijakhwĭpho tòcò Zè dè ahuab́i alīdobwîthè̆ kî Zi dèhĭdohtè̆do tòcò d́ŏ bija lŏcăcè anikhĭ nu. Kî dè ahuab́i ḿîgè Krĭstu ò thĭ bu acè̆ d́ō, thĭ gī nib́èplogè Kib́ĭcè adòathe nu.

Thodŏpho 10:43

Prò̆fèt lŏcăcè kha htŏ Zi nikhĭ thè̆thî cab́ô̆htè bija ab́u Cè tòcò gī nib́èbò̄ dèkhòwè adèb́ăplè d́ŏ Zi mi aphlŭathere abu nu,” cò d́ò̆sagè lōwa tòcò do.

Thodŏpho 4:12

Bija aila za dèhlô̆htage ḿî htĕ Cè dèbwè lò. D́ŏ Lākho akho jo, mi alewe htè B́ĭcè ila d́ŏ dèhlô̆htage anikhĭ tò ò dèmè̆ ńò,” cò d́ò lōwa tòcò do.

Thodŏpho 3:19

Mègōnu d́ō bajalage thĭ ne kî d́ab́agebò̄ d́ŏ B́ĭcè aò, cab́ô̆htè thĭ dèkhòwè kè̄ b́è duhtrukè̆bò̄ nu.

Ephè̆sus 3:8

Jî ḿî nòthò̆ ascipho d́olĭ bija tcăhtĭ asciphogudu hnò̆nu, Kib́ĭcè ila ladŭ jè akò d́ò̆htôlani bwènīd́ò tòcò ab́èkja Krĭstu dèlīdobwîthè̆ htè bija wāhlè do lō za ńò,

Ephè̆sus 1:6

Thîhè̆htagebò̄ Kib́ĭcè adòdothedo adèhludètă, manè̄, Ci ilagè kè Zo Pho htè Cè b́èlò̄ nu.

Rŏma 5:20

Dèthôdèthò̆ b́è mèhta acab́ô̆ dè mè dèkèḿè kò òèhta anikhĭ lò. Nòthò̆ hnò̆nu, b́ĕ dèkhòwè òèhta nu, Kib́ĭcè adèhludètă òèhta khlŏlĭ kî ale lò.

Thodŏpho 28:28

Thîhè̆bò̄ kha, htè Kib́ĭcè adèhlô̆htage b́è thè̆le htŏ d́ŏ bwèthŭkupho tòcò ò kî cè tòcò gō sòkhĕńekò̆.

Thodŏpho 26:20

Ḿî jò d́ò̆htôd́ò̆dèlègè dòkhò̆, aŭsu ḿî bija aò d́ŏ Damăskus u bu tòcò nu, alekă bija aò d́ŏ Jerŭsalèm u bu kî bija aò d́ŏ Judĕage bu tòcò nu kî d́ŏ bwèthŭkupho tòcò papa, ja hna cè tòcò gā salage atha kî geb́ahtî Kib́ĭcè, d́è̆lî̄hta d́ŏ dèb́ăkhlètha kî dèphîdèmè abu nu.

Lŭka 13:34

“Jerŭsalèm, Jerŭsalèm, nè htè amèthĭ prò̆fèt, htè ab́è thodŏle ńò ò tòcò nu, ne hwĕ thĭ kî lo. Acab́ô̆ Scî̆mubwe hulagloi apho d́ŏ ad́elè̄ akhò̆ nu, ja thaè lè̄plo tèpwè no pho ni li tòcò nu bwīplagè, ḿî nè nu nè dè thaèni tò ògè gōnu ńò.

Mattĕo 9:13

Mègōnu d́ō, le mèhlô̆bò̄ dèjî̄b́è jo ahtabohtab́ă. ‘Ja thaèni dèkhòwèhmòb́è, tè b́è dèhluhtai ńò.’ Manè̄ kò̄ d́òdo dō, Ja da la joge bija adî̄ahma tòcò ńò, ḿî dèkhòwèpho tòcò dòkhò̆.”