Bib sou entènèt

Paj dakèy
Bib sou entènèt
Kòlò̆ssia 4:3

Kòlò̆ssia 4:3 - Geba Roman New Testament

³ Cab́ô̆ gōnu akhò̆ thèb́è̆htabò̄ wi nikhĭ, cab́ô̆htè Kib́ĭcè ki ilanibò̄ wa dèkhwèdèja akò d́ò̆htôla Krĭstu adèhudèb́i awîakè̆ nu. D́ŏ dèjo akhoacè̆ khŏnujo jò òb́ègè dèkî̆dî̄ abu.

Gade chapit la Kopi

tounen moute ⬆

Kòlò̆ssia 4:3
27 Referans Kwoze

Thodŏpho 14:27

B́ĕ zo doge nu, zo jo ladēplogè Dèòplo kî d́ò̆salagè htè Kib́ĭcè mènigè cè tòcò danè̄ kî b́ăhtanigè bwèthŭkupho tòcò dèb́u akhaglè̄ cadè̄ nu.

Kòlò̆ssia 1:26

Ajo ḿî Kib́ĭcè d́è̆lî̄phlò̆htagè dè ahuab́i htè Zè lè̄hugè d́ŏ bija Lākhopho ahlò̆mò̄ aphlòtôlô hlĕ hlekadè̄, hlekadè̄ nu.

2 Kòrĭn 2:12

B́ĕ je ledo Trŏas cab́ô̆htè jò kò d́ò̆htôla Krĭstu Adèthalōthalai Awîakè̆ nu, jè kèhtîb́ègè B́ĭcè b́ăhtagè klè d́ŏ Zè dèmè b́ĕnu anikhĭ.

2 Timò̆theo 2:9

D́ŏ Vanzĕlō akhoacè̆, ja khab́è dècŏwè̄glo i jè htaĺabi acab́ô̆ bija akî̆kkè dèbwè lò. Barasă Kib́ĭcè Alēahwè tè b́è dècŏwè̄glo tèpwè ńò.

Philippiăno 1:7

Thĭ ò thèjô̆ tèpwè d́ŏ ja thabu nu. Mègōnu d́ō, jè dèbè̄thobè̄tha thĭ kho acab́ô̆ gōjo nu ḿî ab́èabò tèpwè. Manè̄, b́ĕ jò òwe dèkî̆dî̄ abu khŏnujo ḿîwî, kî b́ĕ jò òhlô̆òlawe kî khad́îd́ăi Vanzĕlō kî mèhmemèglo za akhè̆ ḿîwî, thĭ nib́èkô tèpwè ja kă dèhludètă htè Kib́ĭcè ila jè nu.

Ephè̆sus 4:1

Jè, htè aladēnī dèkî̆dî̄ bu d́ŏ amè B́ĭcè adèmè akhoacè̆ dèbwè jo, ikhoiă thĭ cab́ô̆htè thĭ gè̄ mèhtajî thĭ dèòthôḿô̆ adò, cab́ô̆ Kib́ĭcè bè̄la akhò̆ b́ĕ Zo jo thĭ akhî nu.

1 Kòrĭn 16:9

Bija ahtad́ĕd́òdè b́ĕjo ò nòthò̆ òè̆bwè hnò̆nu, klè b́ăhtakhò̆ hnè tèpwè ane d́ŏ dèmè adoamu anikhĭ.

1 Kòrĭn 4:1

Bija gō gomo wa acab́ô̆ Krĭstu azôabwè, bwèzô anib́è Kib́ĭcè adèòhu tòcò nu.

1 Thèssalò̆nika 5:25

Thè̆buthè̆we tòcò, thèb́è̆htabò̄ ji nikhĭ.

Mattĕo 13:11

Cò d́òge lōwa alī gōjo, “Dèila tepwè thĭ agī thîhè̆b́è Mò̄kho ahtĭage adèòhu, barasă dè ti ilani cè tòcò ńò.

Philemòn 1:22

Taplakhă lò nu, prahnèdòlòbò̄ hid́o ji nikhĭ, manè̄ d́ō ja sascĭ d́ŏ Kib́ĭcè kò̄ d́òscĭ thĭ lŏcăcè adèthèb́è̆dahta kî Cè gè̄ thè̆ge jè d́ŏ thĭ ò nu.

Philippiăno 1:19

Manè̄, d́ŏ thĭ dèthèb́è̆ ji nikhĭ kî d́ŏ Jezŭ Krĭstu aSpirito Tcahtĭ adèmèzo acè̆ jô gô̄ hlô̆htab́è tèpwè dècŏglo nu.

2 Timò̆theo 1:16

B́ĭcè adèthakhòwè kè b́èbò̄ Onecĭphrus ahiphophăpho tîkî. Manè̄ d́ō, zè mèmòhtage jè òè̆pla lò. Ca da thăwā nikhĭ jè d́ŏ jò òb́è dèkî̆dî̄ abu akhoacè̆ ńò.

Ephè̆sus 3:1

Gōnu akhoacè̆, d́ŏ Krĭstu Jezŭ kî thĭ bwènīd́ò tòcò anikhĭ, dèkî̆dî̄pho, jè, Păulu, thèb́è̆dahta dè Kib́ĭcè ò lò.

Rŏma 16:25

Dèdòdèthe kè̄ b́è d́ò̆è Kib́ĭcè! Zî ḿî ai kèhta thĭ agò̄ sò̆hto ò d́ŏ dèb́udènè ahmeaglo abu, acab́ô̆ jò d́ò̆htôd́ò̆dèlè nigè thĭ Jezŭ Krĭstu a Vanzĕlō kî acab́ô̆ dèd́è̆lî̄hta dèòhu aòhugè hlĕ azôakhè̆ pwĕdimi dèdè̆ nu.

Ephè̆sus 3:3

Kib́ĭcè d́è̆lî̄hta adèhudèzò kî mèthîhè̆gè jè. (Je hwe d́ò̆sa thĭ aglobu htŏ,

Ephè̆sus 3:4

kî thĭ gā phab́è kòd́ò̆ jè dèhwe ajo d́ō, thĭ gî̄ thîhè̆ tèpwè ab́èkja jè dèthîhè̆ Krĭstu adèhudèzò nu.)

Ephè̆sus 3:9

kî aki i bija lŏcăcè tcahtî Kib́ĭcè, htè Ab́òladè gŏmihtĭda nu, b́è̆lè̄hugè d́ŏ d́e phlòtôlô hlĕ Lākho òhta akhahtî be be nu.

Kòlò̆ssia 4:18

Jè, Păulu, hwegè Cè ajo, d́ŏ acukhò thè̆ne lò. Sòthô̆bô̄hnèbò̄ ḿè jè b́è dècŏwè̄glo nu ḿè. Kib́ĭcè adèhôwîhômò kè̄ b́è d́ò̆è thĭ.

2 Timò̆theo 4:2

(dè asŏakhè̆ è ḿîwî, tè è ńò ḿîwî), d́ò̆htôlabò̄ Vanzĕlō awîakè̆. D́òisaibò̄ bija, ikhoiăbò̄ bija, thèhlô̆bò̄ bija d́ŏ dèthozôthazô abu nu.

Swiv nou:

Lyen patwone

Piblisite

Piblisite