Bib sou entènèt

Paj dakèy
Bib sou entènèt
Kòlò̆ssia 3:8

Kòlò̆ssia 3:8 - Geba Roman New Testament

⁸ Barasă khŏnujo, bāphlòḿĭkè̆bò̄ dèthadothakhò̆, dèthèhtèd́òd́è̆, dè dè wè̄ dè sè̆ ńò tòcò nu. Dèd́òkè̆d́òô kî dèjî̄b́è acîpôcîthŏ tòcò nu, ibò̄ ḿè ahèhta d́ŏ thĭ lòmò bu dôhmô̆ ḿè.

Gade chapit la Kopi

tounen moute ⬆

Kòlò̆ssia 3:8
35 Referans Kwoze

Ephè̆sus 4:29

Dèjî̄b́è akî̆kkèmèhlò̆ nu i ḿè ahèhta d́ŏ thĭ hòbŭ ḿè, ḿî jî̄b́èbò̄ dèjî̄b́è amò aè htè amèlehtalehtô̆ dè, cab́ô̆htè bija asòkhĕńe b́è tòcò gī nikhoniăbò̄ nu.

Ephè̆sus 4:22

Mègōnu d́ō, thŭphluladēbò̄ thĭ dèòthôḿô̆ aliahwè̆, htè ahlòniplèni thĭ d́ŏ dèkè̆dèô abu tòcò nu.

Ephè̆sus 5:4

Dèjî̄b́è htè adò mò d́ò ńò, acab́ô̆ dècîpôcîthŏ, dèd́òkè̆d́òô, dèlô̄ô̆lô̄a tòcò nu, d́òibò̄ ḿè. Ḿî kòihtăibò̄ Kib́ĭcè dòkhò̆.

Kòlò̆ssia 3:5

Gōnu akhoacè̆, dèthaèni Lākho adè htè amèdè d́ŏ thĭ bu acab́ô̆ dèmèlakèḿè amihmu amikhŏ, dèlô phehî adèmòdèma htè ladēnī d́ŏ dècîṕôcîthŏ abu, dèzòlò̄ôè̆, dèthaè mè dèkî̆kkèmèhlò̆ kî dèthaènido (htè ajāthôkî dèthèb́è̆ dèjòdèja nu) mèthĭkè̆bò̄ lŏcăcè.

Ephè̆sus 4:26

Thĭ gè̄ thèhtè d́ō, ibò̄ ḿè thĭ dèthèhtè hna thĭ kă agè̄ mè dèkhòwè ḿè. Thèhtèbò̄ ḿè htô̆ Lumuladēni dî̄ thĭ ḿè.

Hebrè̆u 12:1

D́ŏ akhathè̆thî òèòcara aò khwè̆b́a wa tòcò aklè̆ wa ḿî ḿî wò mò bāphlòmĭ dè gŏ amo amèd́îd́ă wa, d́okhlŏ ḿî dèkhòwè htè ajăwè̄ hjŏkakî wò lò tòcò nu kî wè gè̄ cwèlebò̄ ahlò̆mò̄.

Kòlò̆ssia 3:9

D́òplèd́òhlŭ hlèbò̄ ḿè lōwa ḿè. Manè̄, thĭ thŭphluladēkè̆ htŏ thĭ dèòthôḿô̆ aliahwè̆ tòcò nu,

1 Petru 2:1

Ò hmebò̄ kî ḿîbò̄ ḿè bija amò htèkè̆htèô, bwètòṕòkho, athakladè kî amò b́èd́òb́èsa tòcò nu ḿè.

2 Kòrĭn 12:20

Je b́èhjŏb́èma ḿî b́ĕ jo dolehtî thĭ nu, ja ka pahtî thĭ acab́ô̆ tè b́è ja thaè pahtî ńò, kî thĭ ka pahtî jè acab́ô̆ tèb́è thĭ thaè pahtî ńò nu. Jè b́èhjŏ d́ŏ ja gā tcahtîb́è dèhtadohtara, dèthaklathasè̆, dèthèhtèd́òd́è̆, dèb́èlò̄lage ane, dèkhlòdèjo, dèd́òmēseṕwè, dèbè̄htahtô̆ ane kî dègòthò̆gòrò kò òhta thĭ klè̆ nu.

1 Kòrĭn 3:3

Thĭ òwe tèpwè acab́ô̆ bija ab́èkja lākho tòcò adèò adò lò. Atè b́èbò̄ d́ŏ dèthakla kî dèmèhtîmèbo acè̆ ńò ā? Htè thĭ ḿîgè acab́ô̆ bija ab́èkja lākho tòcò akhò̆ nu ńò ā?

Mattĕo 5:22

Ḿî Jè jo, Jò dò̆sa thĭ, bija dèbwèbwè gè thèhtèsô ma cè thè̆buwe dō, cè kè b́èkò̆ dècirra. Kîd́ò̆ bija dèbwèbwè gō jo ma cè thè̆buwe, ‘Răka!’ dō, cè kèb́è jolekò̆ d́ŏ anedothabwe ajŭkho nu. Kîd́ò̆ bija dèbwèbwè gō jo cè thè̆buwe ‘Agudunapă!’ d́ō za gā lab́èkò̆ Larrāhmîŭ abòbu.

Galatiăno 5:15

Thĭ gō gokî gèjè lōwa dèbwè kî dèbwè, kî gē thephethawā hlè lōwa d́ō, tcabò̄, thĭ gè̄ mè hèwî̄hèkè̆ hlè tèpwè lōwa lò.

Rŏma 13:13

Wò ò thăbrā d́ò̆è cab́ô̆ bija mè lumusèkhè̆ nu. Dèò̆hmuapò, dèzòlò̄ôè̆, dèhtadohtara kî dèthakla kò tò òb́è ńò.

Jŭda 1:8

Gōnu akhò̆, bija ajo tòcò mègōnu lò lò; d́ŏ zè dègomo kèḿè abu nu, zè mè cîb́î̆còb́ò zî neb́î̆cè kî htèkè̆htèô akhoane akhlŏ, co to d́ŏ ta jagè Mò̄khobwèzo adòdothedo tòcò nu ńò dòkhò̆.

2 Petru 2:18

Zè dèjî̄b́è ahtajîthwi ahtabohtab́ă tò ò ńò, bija asèphlòḿĭ ni dèmèkèḿè alle tòcò kî zè dèjî̄b́è adēkha.

Zăkomo 2:7

Cè tòcò ḿî ad́òkè̆d́òô thĭ htè ami è khè̆ è tòcò nu tè b́è ńò ā?

1 Timò̆theo 1:20

D́ŏ bija anu tòcò aklè̆ Himenĕus kî Alèssăndro htè ji cirragè kî ilagè d́ŏ Sătana acukhòbu, cab́ô̆htè dè ajo gè̄ kèhtabò̄ dèmèhlô̆ zi nikhĭ kî zò gò̄ sò̆tab́abò̄ dèd́òkè̆d́òô Kib́ĭcè nu.

1 Timò̆theo 1:13

Hlĕ aŭsu nu, jò gòsè̆lèwè̄ Cè, mèjūlakăkè Cè, Sòlŭsò̆jè̄ Cè, nòthò̆ hnò̆nu, ḿî ju tu b́u Cè hnî̆ńò kî jè mègè danè̄ danè̄ nu jî dî thîhè̆gè jè è̆ ńò akhoacè̆, ji nib́è Kib́ĭcè adèthakhòwè lò.

Galatiăno 5:26

Wè tèb́è bè̄htahtô̆ we ne, mè dohtahlèlōwa atha ńò kî thaklathasè̆ hlè lōwa dèbwè kî dèbwè ńò.

Galatiăno 5:20

Dèthèb́è̆ dèjòdèja, dèthŭdèkja, dèhtad́ĕd́ò, dèmèhtîmèbo, dèthaklathasè̆, dèthèhtèd́òd́è̆, dèthanido. dèlamulapha, dèda lajī ńò,

Mărko 7:22

dèthaèni bija adî̄adè, dècîṕôcîthŏ, dèkî̆kkèmèhlò̆, dèhlòhlî̆hlòṕlè dèzòlò̄ôè̆, dèthaklathasè̆, dèhôbēsed́ă, dèbè̄htahtô̆ ane, dèthokho tòcò nu lò.

Dèd́è̆lî̄ 16:9

ḿî bija tòcò b́èphogè̄hò nòthò̆ hmî hnò̆nu, cè tòcò hôkî̆kkè we tèpwè Kib́ĭcè ami d́ŏ ci ilani lōwa dèssègnè̆bòdò akhoacè̆ nu, ḿî za da bajalage ze ne ńò kî da htăigè lōwa ńò dòkhò̆.

Jŭda 1:13

Zî ḿî acab́ô̆ pèllè papipapò̆, kî adèmè amò thăwā tòcò d́è̆lî̄hta acab́ô̆ htĭthob́o nu. Zi ḿî acab́ô̆ sèhwi tòcò htè Kib́ĭcè pradòlò alleaklè d́ŏ dèkhi alahtŭlablo aklè̆ tòcò nu.

2 Petru 2:7

Dòkhò̆b́è ḿî Ze mèhlô̆htagè bwè adî̄ahma Lòt, d́ŏ zè dèothootha akî̆kkè kî amè darază ane tòcò acè̆ dèbwè nu.

Ephè̆sus 4:25

Mègōnu d́ō, d́òplèbebò̄ ḿè. Thĭ ab́udè dèbwè kî dèbwè kè̄ b́è jî̄b́èhtî hlè lōwa d́ŏ dèdî̄dèhma abu, manè̄ d́ō, wa lŏcăcè ḿîgè Krĭstu anebî̆cè jāthôthô akhoacè̆ nu.

Swiv nou:

Lyen patwone

Piblisite

Piblisite