Bib sou entènèt

Paj dakèy
Bib sou entènèt
Kòlò̆ssia 3:4

Kòlò̆ssia 3:4 - Geba Roman New Testament

⁴ Thĭ dèthôḿô̆ hnèhnè ḿî Krĭstu, kî b́ĕ Cè d́è̆lî̄hta Ze ne akhî nu, thĭ kè̄ b́è d́è̆lî̄hta d́ŏ dèdòdèthe abu ploplo kî Cè lò.

Gade chapit la Kopi

tounen moute ⬆

Kòlò̆ssia 3:4
36 Referans Kwoze

Zowănnī 11:25

Jezŭ d́ò cè, “Jî ḿî dèhtaboge kî dèòthôḿô̆. Bija ab́u Jè dèbwè nu ci thĭ nòthò̆, cò thôḿô̆ tèpwè,

1 Zowănnī 3:2

B́èlò̄ pholi tòcò, khŏnujo wî ḿî Kib́ĭcè aphoali, barasă wî gî̄ ḿî bija cadè̄ nu khŏnujo dè tè d́è̆lî̄ tèpwè wa hnî̆ńò. Dè htè wî thîhè̆ ḿî ajo; b́ĕ Krĭstu b́è d́è̆lî̄hta nu, wa gā lakò̆ Cè, manè̄ d́ō wa gā tcahtîkò̆ Cè acab́ô̆ Cò ò khŏnujo nu.

Galatiăno 2:20

Kî khŏnujo jò òkî ja tha athôḿô̆ jo, tè b́è jè dèò ńò, ḿî Krĭstu aò d́ŏ ju bu dèbwè adèò dòkhò̆. Jè dèòthôḿô̆ khŏnujo ḿî dèb́u Kib́ĭcè Apho htè ab́èlò̄ jè kî aila athathôḿô̆ ji nikhĭ dèbwè abu nu.

1 Petru 1:13

Bāphlòḿĭbò̄ dègomo akhorokhara tòcò, nobèbò̄ cè tòcò kî sascĭbò̄ ahluată ado htè Jezŭ Krĭstu b́è d́è̆lî̄hta htŏ nu.

Philippiăno 3:21

Ca kā b́ăkhlèkè̆ wè dèkhozeăze htè athĭ za jo tòcò kî hna kèhta acab́ô̆ Ze neb́î̆cè òkî dèhĭdèhtè̆ akhò̆ nu, Zò gò̄ sòthŏi dècô̆thèlè̆ htè aŭidè lŏcăcè d́ŏ Ca kălè̄ nu lò.

Zowănnī 17:24

“Ŏ Apa, ja thaèni tèpwè bija Ni ila Jè tòcò kò òkôb́è Ja kă d́ŏ jò ò ale arră nu, cab́ô̆htè ca gā tcahtîb́èbò̄ Jò dò Je the htè Ni ilanigè Jè nu, manè̄, Nè b́èlò̄gè Jè hlĕ Lākho tè b́è b́òla hnî̆ńò nu.

1 Petru 5:4

B́ĕ atcai thŏ tòcò Asaphra kò pòhta tapla nu, thĭ gī nib́èkò̆ dèdòdèthe akhocò̆ ada hwa za ńò dèdè̆ nu.

1 Zowănnī 2:28

Kîd́ò̆ khŏnujo, pholi tòcò, òbò̄ Zu bu cab́ô̆htè b́ĕ Cè d́è̆lî̄hta Ze ne akhî nu, wa tha gū khŭhta kî we gè̄ dè sèò̆hubò̄ d́ŏ Zò hlò̆mò̄ d́ŏ dèthăwā aklè̆ ńò nu.

Hebrè̆u 9:28

Gōnu akhò̆ Krĭstu hluhtai ane tapla lò, agī phîhtagloi bija òèòò adèkèḿè d́ŏ Zò lò, kî b́ĕ Ze lela tapla be nu, tè b́è dèkhòwè acè̆ ńò, ḿî aki isôihlè̆ bija asòmò̆dôi Cè klè tòcò dèhlô̆htage nu.

Dèd́è̆lî̄ 22:14

Ab́èhôwî ḿî bija htè ascî̆bô̄ b́ă ascid́ŏdò̄dô cab́ô̆htè ca ka ab́èbò̄ dèòthôḿô̆ athothè kî agē lenīkôb́è khaglè̄ alenī d́ŏ u abu tòcò nu.

1 Kòrĭn 15:43

B́ĕ ab́èsola b́ŭlă akhî nu azizòmòthŏ kî akhozeăze, b́ĕ ab́èb́awè̄htoge nu, apĕhta kî ahĭahtè̆ kî dèkhodèă lò.

Dèd́è̆lî̄ 22:1

Mèhwă Mò̄khobwèzo d́è̆lî̄ jè dèòthôḿô̆ alò̄do păsiri gèhlè̆hlu acab́ô̆ lod́î̆scwi, htè aò d́ŏ Kib́ĭcè kî Thŏpho ana bu,

Jŭda 1:24

Cè htè apôglo thĭ cab́ô̆htè thĭ gā da lakhubò̄ ńò kî aleigè thĭ d́ŏ adèdòdèthe ahlò̆mò̄ d́ŏ dèplî̆dètcă kî dèthalōthala abu dèbwè nu.

1 Zowănnī 5:12

Bija dèbwè htè aòi Kib́ĭcè Apho jo, ḿî aòi dèthôḿô̆ d́ŏ zu bu lò.

Tĭto 2:13

b́ĕ wò òsô̆wô̄i Muni ab́èhôwî d́ŏ wa sascĭigè, b́ĕ wî B́ĭcè Dèado kî Amèhlô̆htage wa Jezŭ Krĭstu adòathe kè d́è̆lî̄hta nu.

Mattĕo 13:43

B́ĕnu akhî bija adî̄ahma tòcò gî̄ hlî̆gòbròkò̆ acab́ô̆ lumu nu, d́ŏ Ja Pa ahtĭage abu nu. Bija anigu athîhè̆i ò dèbwè, gi thîhè̆ d́ò̆è.

2 Timò̆theo 4:8

Cahta b́ĕ khŏnu jo, dènodèbè adèlīdèbwî htè dèmèdî̄mèhmage jè òhnè htŏ ji nikhĭ. Ḿî Kib́ĭcè Acirradè adî̄ahma adèila ji nikhĭ nu. Ci ki ilakò̆ jè b́ĕ muni dini nu. Kî tèb́è htĕ jè dèbwè anikhĭ lò ńò, gajă bija htè ab́èlò̄ Cè kî adôlai Zè dè òlî̄hta kòd́ò̆ athè̆ lŏcăcè tòcò anikhĭ lò.

2 Kòrĭn 4:17

Hmahŏ, dèba gò̄ phlòtôlô tèpwè, kî zî ḿî aphĭthajă lò, athèihŭ wa agī b́i gā zāhtagloi dèdòdèthe alahtŭlablo, alīdobwîthè̆ d́olĭ kî dè gŏmihtĭda nu.

Zowănnī 14:6

Jezŭ d́òge cè, “Jî ḿî klè, dèdî̄dèhma, kî dèthôḿô̆ lò. Ḿî̆dîḿî Jè ńò nu bija do dohtî Apa dèbwè̆ ńò.”

Zowănnī 14:3

Je gē le pradòlò hwă thĭ le thĭ klè d́ō, Je gē geb́akò̆ tapla be kî Je gē geikò̆ thĭ d́ŏ Jò ò nu; cab́ô̆htè Jò ò ale atherĕ thĭ kò òkôb́èbò̄ nu.

2 Timò̆theo 1:1

Jè, Păulu, Jezŭ Krĭstu abwè bōhmubicè, acab́ô̆ B́ĭcè adèthaèni ò adĕ nu, thodŏle cè akò d́òhlî̆hta dèò ab́èkja dèd́òdòlò d́ŏ Jezŭ Krĭstu abu,

1 Thèssalò̆nika 4:17

B́ĕnu akhî, wa htè aòthôḿô̆we bija tòcò kè̄ b́è zāhta ploplokò̆ cè d́ŏ dèthob́o aklè̆ cab́ô̆htè wa gā tcahtîb́è B́ĭcè d́ŏ Mò̄kholè̄ nu. Gōnu aè̆, wò kò̄ òplob́è thèjô̆kò̆ B́ĭcè.

1 Kòrĭn 1:7

Gōnu acè̆, b́ĕ thĭ sòmò̆dôi wî B́ĭcè Jezŭ Krĭstu adèd́è̆lî̄hta ane ajo asŏakhè̆ nu, dèhôwî dò hlò̆thîrî̆ b́è thĭ nikhĭ dimĭ ńò.

Zowănnī 20:31

Dè aò hwela jo tòcò ḿî cab́ô̆htè thĭ gū b́ubò̄ htè Jezŭ ḿî Krĭstu, Kib́ĭcè Apho d́ō thĭ gī nib́è dèòthôḿô̆ d́ŏ Zi mi abu nu.

Dèd́è̆lî̄ 2:7

“Anigu ò tòcò gî̄ thîhè̆ d́ò̆è dè htè Spirito Tcahtĭ d́ò dèòplo tòcò nu! “Bija anoabè dèd́o tòcò nu ji ki ikò̆ ca ab́è dèòthôḿô̆ athothè aò d́ŏ Kib́ĭcè Aparadĭzo abu nu.

1 Timò̆theo 6:14

lôkô mèkôibò̄ dèhtulahmèla nè tòcò jo d́ŏ thodî̄thahma abu htô̆ dola muni d́ŏ B́ĭcè Jezŭ Krĭstu kè d́è̆lî̄htage kòd́ò̆ ane nu.

Thodŏpho 3:15

mèhwă thĭ mèthĭgè Dèò Ab́ĭcè, ḿî Kib́ĭcè b́awè̄htogegè Cè dèthĭ aklè̆ kî wa thè̆ne khagè thè̆thî.

Lŭka 17:30

D́ŏ Bija Apho gā la tapla nu dè gè̄ mèkò̆ ane gōnu lò lò.

Rŏma 8:18

Jo gomo ḿî dèba wa khab́è khŏnujo tòcò nu, wô tô d́ôthò̆drò za kî dèdòdèthe aòsô̆wô̄i wa htè wè tè b́è d́è̆lî̄ hnî̆ńò dèdè̆ nu.

Rŏma 8:19

Dèòb́òla lŏcăcè sòmò̆dôi Kib́ĭcè akè d́è̆lî̄ Zo pho tòcò nu.

Swiv nou:

Lyen patwone

Piblisite

Piblisite