Bib sou entènèt

Paj dakèy
Bib sou entènèt
Kòlò̆ssia 2:13

Kòlò̆ssia 2:13 - Geba Roman New Testament

¹³ Hlĕ aŭsu nu, d́ŏ thĭ dèkhòwè acè̆ kî thĭ ḿî bwèthŭkupho htè adèthôdèthò̆ tò ò ńò acè̆, thĭ ḿî bija athĭgè d́ŏ Spirito Tcahtĭ nu. Barasă khŏnujo, Kib́ĭcè b́awè̄htoge thĭ ploplo kî Krĭstu d́ŏ dèthĭklè̆ nu.

Gade chapit la Kopi

tounen moute ⬆

Kòlò̆ssia 2:13
36 Referans Kwoze

Ephè̆sus 2:1

Kî d́ŏ thĭ dè dò sòkhĕńe ńò kî thĭ dèkhòwè tòcò akhoacè̆, d́ŏ tha nu thĭ ḿî htŏ athĭ lò.

Rŏma 8:11

Kib́ĭcè aSpirito, htè amè htaboge Jezŭ Krĭstu d́ŏ dèthĭ nu ḿî ò ma thĭ bu d́ō, thĭ tha ḿî aòthôḿô̆ d́ŏ thĭ b́è mètcahtĭge akhoacè̆ nu.

2 Kòrĭn 3:6

Cè dèbwè lò, Ci igè wa dèkhodèă agā tcaikhwèi Thè̆thî Athè̆ jo nu, htè atè b́è hwelai cèd́ŭ ńò, ḿî ab́è hwelaigè Spirito Tcahtĭ nu, ab́èhwelai cèd́ŭphlo ḿî amèni wa dè thĭ, ḿî Spirito Tcahtĭ i dèòthôḿô̆ lò.

Hebrè̆u 9:14

Krĭstu htè ahluhta aneb́î̆cè d́ŏ Spirito Tcahtĭ alahtŭlablo dèbwè athwi nu, agè̄ mèwîmètcă d́okhlŏkò̆ wa pwedè̄ lò! D́ŏ Spirito Tcahtĭ htè athôḿô̆ lahtŭlablo nu, Zu hluhtai Ze ne acab́ô̆ dèhluhta apĕazò d́ŏ Kib́ĭcè nu. D́ŏ nud́ò̆ adèphîdèmè tòcò ḿî ada wanè ńò acè̆, Ci thwi gè̄ mèwîmètcăkò̆ wa tha adèthîhè̆, kî wè gè̄ mè zakò̆ Kib́ĭcè aòthôḿô̆ dèbwè adèmè nu.

2 Kòrĭn 5:19

Wè dèd́ò̆htôla ḿî, Krĭstu akhoacè̆ Kib́ĭcè mèthògegè bija lŏcăcè awîakè̆ nu. Kib́ĭcè dè mèhmăi tèpwè bija adèkhòwèkhòkha ńò, kî Ci ithîhè̆gè wa htè Zè mèphî̆hta bija Cò thò awîakè̆ nu.

Ephè̆sus 2:11

Thĭ htè aḿî bija aòla acab́ô̆ bwèthŭkupho tòcò, Jŭdapho htè ad́òla ane aphekhĭ b́è hô̆rîkî̆ d́ŏ anebî̆cè tòcò jogè thĭ, “Aphekhĭ tè b́è hô̆rîkî̆ ńò.” Gomohtanibò̄ hlĕ aŭsu nu, thĭ ḿîgè danè̄? nu.

Lŭka 15:32

Barasă ja kha pwè̆ kha la nib́è nî ṕîkò̆. Manè̄ nu zi thĭgè kî za htaboge, zè hlè̆mè̄gè ḿî gā pahtîge cè,’ cò d́ò lōwa do.”

Lŭka 15:24

Manè̄ d́ō jo phokhŏ ajo dèbwè thĭgè, ḿî za htaboge htŏ; zè hlè̆mè̄gè, ḿî gā pahtîge htŏ cè!’ cò d́ò do. Mèhwă cè tòcò khapwè̆khalagè.

Zăkomo 2:26

Gōnu akhò̆pha, neb́î̆cè atò òi dètha ńò ḿî athĭ lò, gōnu lò lò dèb́u atò òi dèmè ńò ḿî athĭ lò.

Ephè̆sus 5:14

Manè̄ dè domomo d́ŏ ab́è d́è̆lî̄ hlî̆hlî̆plăplă nu, kèhta tèpwè dèhlî̆. Gōnu akhoacè̆, dèd́ò ò, “Ŏ bija asòḿĭ, phôthèńèbò̄ kha, Wè̄htobò̄ d́ŏ dèthĭ abu nu. Krĭstu ki i hlĭhta dèhlî̆ d́ŏ ńò lò nu.”

1 Kòrĭn 15:45

Manè̄ d́ō, Cè Tcahtĭ d́ò, “Bija akhahtî dèbwè htè Adam nu b́è b́òla acab́ô̆ dèò anebî̆cè,” ḿî Adam akŭdulă dèbwè nu b́è b́òla acab́ô̆ tha ai dèthôḿô̆ nu lò.

Rŏma 6:13

Thĭ neb́î̆cè gî̄ dî ḿîb́è dèrî̄dècŭ ad́oaphja za dèkhòwè ńò. Ḿî thĭ ki ihtab́è thĭ neb́î̆cè Kib́ĭcè, kî gomobò̄ thĭ ne athĭ hwă anib́ègè dèòthôḿô̆ tòcò nu. Thĭgè mèb́è thĭ ne thèd́è̆klô̆ ad́oaphja dè d́ŏ Kib́ĭcè ò dòkhò̆ nu.

1 Zowănnī 2:12

Je hweni thĭ jo pho ji li tòcò, htè thĭ dèkhòwè b́ahlô̆ htŏ d́ŏ Krĭstu ami abu nu;

1 Kòrĭn 15:36

Bija atitŏorŏ tòcò, dèkhwĭ ab́èsola nu atè kè̆ tô ô ŭsu ma ńò d́ō atè thè̆mè̄hta za tèpwè ńò.

Zowănnī 5:21

Acab́ô̆ Apa b́awè̄hto athĭ tòcò kî i lōwa dèò nu, Apho ḿî ḿî ki ikò̆ bija arră dèò acab́ô̆ Ca tha ò adĕ nu.

Lŭka 9:60

Jezŭ d́òge cè, “Athĭ tòcò ku b́ŭlă d́ò̆è athĭ, barasă nè nu le d́òŭd́ò̆sabò̄ bija Kib́ĭcè Ahtĭage awîakè̆,” Cò d́ò lōwa d́o.

Hebrè̆u 6:1

Khŏnujo gè lè̄dakè̆ Mò̄kô Krĭstu adèthôdèthò̆ akăhtî kî tcadîgrînî̄ mò̄kôbò̄ d́ŏ akŭdu nu. Gè lè̄dakè̆ Mò̄kô dèthôdèthò̆ aglobu kî gomoca Mò̄kô dèb́u Kib́ĭcè nu,

1 Timò̆theo 5:6

Barasă ahmugèmè htè alôi anikhĭ dèmòdèma nu, cô thôḿô̆ nòthò̆ hnò̆nu, zî ḿî bija athĭgè dèbwè lò.

Rŏma 4:17

Dŏ Cè Tcahtĭ abu, “Ja hna kèhtagè nè bija khwĭ òèòò apa,” dèhwela ò do. D́ŏ Kib́ĭcè ahlò̆mò̄ nu Abraham ḿî wa pa, cè htè Kib́ĭcè ilanigè dèb́u dèbwè nu. Zî ḿî ab́u Kib́ĭcè htè ab́awè̄htoge athĭ tòcò d́ŏ dèò athôḿô̆ abu, kî amèphî̆htagè dè atò ò hnî̆ńò dèbwè nu.

Zowănnī 6:63

Ai dèthôḿô̆ ḿî Spirito Tcahtĭ lò, bija adèkhodèă ḿî dè ahnahnă lò. Dèjî̄b́è Jò d́ò̆sa htŏ thĭ tòcò ḿî Spirito Tcahtĭ kî dèòthôḿô̆.

Zăkomo 2:20

Ŏ bwègudu! Na thaè thîhè̆ tèpwè htè dèb́u d́ŏ dèmè tò òkô akă ńò nu ḿî ahnahnă lò tè b́è ńò ā?

Zăkomo 2:17

Dèb́u ḿî ḿî gōnu lò lò. Cè domo lò kî dèmè gā ta pakô ma ńò d́ō, zî ḿî athĭ lò.

1 Timò̆theo 6:13

D́ŏ Kib́ĭcè htè ai dèthôḿô̆ lŏcăcè, kî Jezŭ Krĭstu, htè ad́è̆lî̄ dèb́udènè ahmeaglo d́ŏ Pò̆nsio Pilăto agādŭ bu dèbwè ahlò̆mò̄, jè hmèla nè,

Kòlò̆ssia 2:12

Manè̄ d́ō, b́ĕ thĭ ŭsab́ă htĭ akhè̆ nu, thĭ b́è b́ŭlă ploplogè Krĭstu kî thĭ b́è b́awè̄htoge ploplo kî Krĭstu d́ŏ dèthĭ aklè̆ d́ŏ thĭ dèb́u Kib́ĭcè acô̆thèlè̆ htè ab́awè̄htoge Krĭstu d́ŏ dèthĭ aklè̆ acè̆ nu.

Swiv nou:

Lyen patwone

Piblisite

Piblisite