Bib sou entènèt

Paj dakèy
Bib sou entènèt
Kòlò̆ssia 1:6

Kòlò̆ssia 1:6 - Geba Roman New Testament

⁶ Dèthalōthalai awîakè̆ lei kè dèhôwîhômò, ahèbrègè Lākho thèd́è̆b́è, acab́ô̆ thĭ thîhè̆b́è hwă Kib́ĭcè adèhôwî akăhtî gudŭ tapla nu, thĭ nib́è ahluată kî thîhè̆gè htè aḿî adî̄ahma akhò̆ nu.

Gade chapit la Kopi

tounen moute ⬆

Kòlò̆ssia 1:6
36 Referans Kwoze

Zowănnī 15:16

Thĭ dô rôgè Jè ńò, ḿî Jô rôgè thĭ dòkhò̆ kî hnagè thĭ le kî thèhtaphò̆hta kî thĭ phò̆ thĭ thè kò òhmeòglo; cab́ô̆htè dè arră thĭ da Ja Pa d́ŏ Ji mi abu tòcò kè̄ b́è ilanibò̄ thĭ nu.

Philippiăno 1:11

Thĭ dèòthôḿô̆ gē pĕhtakîkò̆ dèdî̄dèhma, dèwîdèè htè amèni za thĭ ḿî htĕ Jezŭ Krĭstu d́ŏ Kib́ĭcè adòathe anikhĭ kî dèkòihtăi anikhĭ nu.

1 Petru 5:12

Je hweni thĭ cè kî thè̆lekôgè Cĭlas, jè thè̆buwe Krĭstupho adî̄ahma d́ŏ dèhtônāi kî dèkhathè̆thî aglobu htè ajo ḿî Kib́ĭcè adèhludètă athĕbwe nu. Sò̆htohmebò̄ d́ŏ abu nu.

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

Rŏma 16:26

ḿî khŏnujo, ahlî̆htaphlò̆hta htŏ d́ŏ Prò̆fèt adèd́òthîhè̆ acè kî acab́ô̆ Kib́ĭcè aò lahtŭlablo adèhmèla ò nu, akè b́è d́òŭd́ò̆sa b́èkò̆ bwèthŭkupho tòcò ku b́u kî gò̄ sòkhĕńebò̄ nu.

Rŏma 1:13

Ŏ thè̆buwe tòcò, ja thaèni thĭ thîhè̆ htè jè bè̄hta ja tha agē lehtî thĭ tod́ophopho agè̄ mènibò̄ thĭ dè domomo hnò̆nu, dè amèd́îd́ă òhta thèj́ô̆gè domo domo. Ḿî d́ŏ ja sascĭi jè dèphîdèmè aphò̆athè kò ò thĭ klè̆ acab́ô̆ aògè d́ŏ bwèthŭkupho tòcò aklè̆ nu.

Zowănnī 4:23

Barasă akhîagla b́è htŏ b́ĕjo lò htè adèthèb́è̆ adî̄ahma tòcò nu kè thèb́è̆kò̆ Pa d́ŏ thotha kî dèdî̄dèhma abu nu. Manè̄ d́o, Pa thaèni bija htè athèb́è̆hta Cè acab́ô̆ gōnu lò.

Mărko 16:15

Cò d́ògè lōwa tòcò, “Hèbò̄ lākho thèd́è̆b́è akho, dòŭsaŭbò̄ bija lŏcăcè, Vanzĕlō.

Mărko 4:8

Dèkhwĭ tòcò cò ladē tèpwè hahî awî akho d́ō, athèhtaphò̆hta apla sŏscĭ ò ò, apla ascĭthăthô ò ò, tòcò cò ḿîgè apla dègèjè dòkhò̆.”

Mattĕo 24:14

Kîd́ò̆ Htĭge aVanzĕlo ajo kè̄ b́è d́òŭd́ò̆sakò̆ Lākho thèd́è̆b́è akho, acab́ô̆ bija akhwĭ lŏcăcè anikhĭ thè̆thî nu, kîd́ò̆ b́ĕnu dè akŭdu gō dokò̆.

2 Thèssalò̆nika 2:13

Thè̆buthè̆we B́ĭcè Jezŭ b́èlò̄ tòcò, wò mò htăi Kib́ĭcè adèhludètă d́ŏ thĭ kho thĭ cè̆ lò. Manè̄, Kib́ĭcè rôhta ŭsu thĭ agī nib́è dèhlô̆htage d́ŏ Kib́ĭcè aSpirito Tcahtĭ acô̆thèlè̆ abu, d́ŏ thĭ b́ugè dèdî̄dèhma akhoacè̆, thĭ gè̄ kèhtab́è bija tcahtĭ nu.

1 Thèssalò̆nika 2:13

Dè alewe domo ḿîwî thîhè̆htage ma Kib́ĭcè thèjô̆ nè nu. B́ĕ we lei thĭ B́ĭcè Adèthalōthalai Awîakè̆ nu, thĭ thîhè̆ kî thĭ phînigè, cab́ô̆htè aò d́ŏ Kib́ĭcè ò alagè nu, kî tè b́è acab́ô̆ aò bija ò ala ńò nu. Manè̄ d́ō, Kib́ĭcè mèdè d́ŏ thĭ ab́udè tòcò abu acè̆ nu.

1 Thèssalò̆nika 1:5

Manè̄, we le d́ò̆sagè thĭ Vanzĕlō, tè b́è htĕ dèjî̄b́è lò ńò, ḿî dècô̆thèlè̆, Spirito Tcahtĭ, kî dèdî̄dèhma aphî̆hta hnèhnègè nu. B́ĕ wò òkôwe thĭ kă akhè̆ nu, wò ò wò sò̆ cadè̄ nu thĭ kèhtî thîhè̆ tèpwè. Ajo ḿî lŏ thĭ nikhĭ lò.

Kòlò̆ssia 1:10

Kî thĭ kò òthôḿô̆kò̆ acab́ô̆ Kib́ĭcè adèthaèni ò adĕ kî mèmòtha thèjô̆kò̆ Cè. Thĭ dèòthôḿô̆ ki ihtakò̆ dèmè awîaè gŏ amo, kî thĭ gō dohtakò̆ d́ŏ dèthîhè̆ Kib́ĭcè abu nu.

Philippiăno 4:17

Tè b́è ja thaèni htĕ ji gī nib́è dè anikhĭ lò ńò, ḿî ja thaè kèhtî òèhta thĭ dèmè awîaè tòcò akhoacè̆ lò.

Ephè̆sus 5:9

Manè̄, dèhlî̆ nu aihta gajă ḿî dè awîaè, dèdî̄dèhma, kî dè ab́èabò gŏmihtĭda lò.

Ephè̆sus 4:23

Thĭ tha kî thĭ dègomogamā kè̄ b́è mèthè̆htage pĕhtazòhta,

Ephè̆sus 4:21

Thĭ thîhè̆b́è htŏ Zî wî Cè kè̆, kî acab́ô̆ thĭ ḿîgè Zè bwè Thodŏpho tòcò nu, thĭ b́è thèihŭ htŏ dè ab́èabò htè aò d́ŏ Krĭstu abu nu.

2 Kòrĭn 10:14

Wô tô cô̆ we ne pwĕ thĭ gô̄ dô htôhtab́a wa nu ńò, ḿîwe ledohtî thĭ kî d́òŭd́ò̆sa Krĭstu aVanzĕlo acab́ô̆ hlĕ akăhtî nu lò.

2 Kòrĭn 6:1

Acab́ô̆ Kib́ĭcè adèmèpho tòcò akhò̆, wa damò thĭ akā ta tcatôĺôbò̄ Zu hlu za tă thĭ nib́è tòcò ńò nu.

Rŏma 15:19

d́ŏ Spirito Tcahtĭ acô̆thèlè̆ abu, dèbòdèba kî dècòklîcòhjè̆ tòcò akhoacè̆ nu. Tcahta d́ŏ Jerŭsalèm u htô̆do Illĭrikum nu, jò d́ò̆htôd́ò̆dèlè htŏ Vanzĕlō ab́èkja Krĭstu awîakè̆ pwĕ jè kèhta atherĕ nu.

Thodŏpho 26:18

Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

Thodŏpho 16:14

D́ŏ amihmu tòcò nu aklè̆ ami ḿî Lî̆dia ògè dèbwè, zî ḿî amihmu aòi dèthub́uthèb́è̆ kî abwîasè̆i dihwihtĭ alîhlo d́ŏ Thiatĭra u bu dèbwè nu. Zò sòkhĕńe wè dèd́ò̆htô kî Kib́ĭcè b́ahlî̆hta ca tha agî̄ phîni Păulu adèd́ò tòcò nu.

Thodŏpho 12:24

Kib́ĭcè Alēahwè dohtakhò̆hta kî d́èlò̄d́èkhò̆gè.

Thodŏpho 11:18

Bija tòcò thîhè̆b́è dèjî̄b́è ajo d́ō, ca thalazegegè kî bè̄dòbè̄the Kib́ĭcè, cò d́ò, “Kib́ĭcè ilani tèpwè bwèthŭkupho tòcò agā salatha kî agī nib́è dèò nu,” cè tòcò d́ògè do.

Mattĕo 28:19

Mègōnu, le kî mèphî̆hta bijakhwĭpho lŏcăcè Jo bōhmubicè, ŭsab́ăbò̄ cè htĭ d́ŏ Pa kî Pho kî Spirito Tcahtĭ ami abu nu.

Ephè̆sus 3:2

Ju b́u tèpwè d́ŏ Kib́ĭcè ahluată abu, Ci ila jè agè̄ mè dè aè d́ŏ thĭ nikhĭ nu.

Rŏma 15:28

Mègōnu d́ō, b́ĕ je le ila hwă dèhtuplob́è̆plo tòcò nu d́ō, je gē lepôd́ŏhtîkò̆ thĭ d́ŏ je le Spain je ge akhî nu.

Zowănnī 17:19

Jè mèwîmètcă Je ne cè tòcò anikhĭ, cab́ô̆htè cè tòcò kèb́è mèwîmètcă d́ŏ dèdî̄dèhma abu nu.

Swiv nou:

Lyen patwone

Piblisite

Piblisite