Hebrè̆u 11:1 - Geba Roman New Testament

¹ A aḿăkhai kèhta wa dèhôwî htè wa sascĭi ḿî dèbwè lò, kî dèd́è̆lî̄ dè aò thĕbwe tòcò ḿî kè tè kèhtîb́è hnî̆ńò.

Hebrè̆u 11:1 Referans Kwoze

2 Kòrĭn 5:7

Manè̄ d́o, wò òthôḿô̆i dèb́u lò, tè b́è d́ŏ gādŭ adè kèhtî ńò.

2 Kòrĭn 4:18

Mègōnu wa ta tcagè dè ka tcahtî za nu dimĭ ńò, ḿî dè d́ŏ gā ta tcahtî za ńò tòcò lò. Manè̄ d́ō, dè ka tcahtî tòcò nu ḿî tod́odasa lò, kî ka ta tcahtî za ńò tòcò ḿî alahtŭlablo akhoacè̆ nu.

Hebrè̆u 11:7

Aḿî d́ŏ zè dèb́u nu Nŏah b́è d́ò̆sa Kib́ĭcè adèithidĭ dè gè mè ane d́ŏ ca ta tcahtîb́è taplă ńò tòcò nu. D́ŏ dèsòkhĕne Kib́ĭcè alē kî dèscisăthabo abu, ca prahtagè thè̆bò dokho htè amèhlô̆htagè cè kî zè bwè thèd́è̆gumu nu. Mèhwă d́ō, Lākho b́è cirra, kî d́ŏ zè dèb́u acè̆, Nŏah nib́è Kib́ĭcè adèbè̄dî̄bè̄hma nu.

Hebrè̆u 10:22

Mègōnu we gē leb́ôhtî d́ò̆è Kib́ĭcè d́ŏ thotha danā kî aòpĕhta kî dèb́u, kî wè dègomo aŭsabăkè̆ dègomo akî̆kkè, kî neb́î̆cè htè ab́èŭsab́ă i htîbātcă nu.

Hebrè̆u 11:27

D́ŏ dèb́u abu, Mŏzè hèhta Izî̆tge kî di scisănigè saphra adèthèhtè ale ńò, cô pôglo hmeteklegè zè dèthaèni mè acab́ô̆ bija atcahtî dè kè̄ tè kèhtî za ńò dèbwè nu.

Hebrè̆u 6:12

Thò̆jò̄bò̄labò̄ ḿè taplă mè, ḿî dòniphînibò̄ bija adèb́u ò kî akhòthad́ò̆ dè tòcò nu htô̆ thĭ nib́è dèaḿăkhai tòcò nu.

Hebrè̆u 10:39

Thĭ kî jè gî̄ dî ḿî bija ageb́a alekă d́ŏ asuapa tòcò ńò. Wî ḿî athohmethaglo kî nib́è dèhlô̆htage htŏ.

1 Kòrĭn 13:13

Khŏnojo, dè aò thèj́ô̆ ḿî thŏ mo; dèb́u, dèsascĭi, kî dèb́èlò̄; kî d́ŏ aklè̆ adokhlŏ ḿî dèb́èlò̄ lò.

Hebrè̆u 11:13

Bija ajo tòcò thĭ lŏ htŏ d́ŏ dèb́u abu nu kî nib́è htŏ dèaḿăkhai tòcò nu, barasă za tcahtî d́ŏ adòbò lò kî lèkha lōwa acab́ô̆ tî̆tèmè̆ kî bija ahèkôklè tòcò akhò̆ nu.

Hebrè̆u 3:14

Manè̄ d́ō, wi gī nib́èplo zakò̆ Krĭstu akă dèilage d́ŏ dè zabāgloi dèila wa tòcò htô̆ agudulă nu.

Galatiăno 5:6

Manè̄ d́ō, d́ŏ Jezŭ Krĭstu abu nu, nè b́è dèhô̆rîkî̆ aphekhĭ ḿîwî, nè tè b́è ńò ḿîwî, akhlŏhtamame tò ò tèpwè dimĭ ńò, ḿî dèb́u wò òi wa thabu d́ŏ dèb́èlò̄ abu nu.

2 Kòrĭn 5:17

Kî gajă bija aò Krĭstu abu dèbwèbwè nu, zî ḿî dèb́òla athè̆, dèb́òla alila ḿî aphlòtôlô htŏ, ḿî dèb́òla athè̆ ḿî aò b́ĕjo.

2 Petru 1:1

Simeŏnè Petru, Jezŭ Krĭstu azôpho kî abōhmubicè, hwe d́ò̆sa thĭ anib́èplo wa akhwèaj́a dèzè̄ lò d́ŏ wi Kib́ĭcè adèdî̄dèhma kî Amèhlô̆htagedè Jezŭ Krĭstu ailagè wa dèb́u alīdobwîthè̆ dèbwè aò nu.

Thodŏpho 20:21

Ja hnanohnabègè Jŭdapho tòcò kî Grĭspho tòcò agē geb́ahtî Kib́ĭcè kî aku b́u wî B́ĭcè Jezŭ Krĭstu nu.

Tĭto 1:1

Kib́ĭcè akhî̆abwè kî Jezŭ Krĭstu abwe Thodŏpho, jè, Păulu, hweni nè cè. Cab́ô̆htè jè gè̄ mèzo Kib́ĭcè abija ab́èrôhta tòcò adèb́udènè, kî leihŭ cè tòcò d́ŏ dèdî̄dèhma acab́ô̆ wè dèthub́uthèb́è̆ adèhtulahmèla ò adĕ nu, jè b́èrôhta kî thodŏlegè lò.

Hebrè̆u 2:3

B́ĕnu, wa gè̄ htèkè̆htèô ma wè dèhlô̆htage anikhĭ dèaḿăkhai tòcò nu d́ō, wè kè̄ b́è cirra hmahmakò̆. Dèado thè̆ne d́ò̆sa wa dèaḿăkhai kî athîhè̆b́è tòcò thô̆htô tèpwègè Cè.

2 Kòrĭn 11:17

Jò kò d́ò dè khŏnujo tòcò ḿî tè b́è Kib́ĭcè hna d́ò jè ńò, ḿî jò kò d́ò tŏmutosă d́ō, jò mò jî̄b́è htajîthwi tò ò tèpwè dimĭ ńò.

2 Kòrĭn 9:4

Thè̆lèthòlò̆ Macedŏniapho htè agē lekô ja kă tòcò ka pahtî ma thĭ tò ò kasèwāsè thĭ ne ńò d́ō, wè kèb́è thăwā tèpwè d́okhlŏ thĭ nu, htè thĭ sascĭi thwè hwă thĭ ne nu.

Hebrè̆u 3:6

Ḿî Krĭstu nu, Zî ḿîgè acab́ô̆ Pho adî̄ahma dèbwè nu kî Kib́ĭcè Ahib́îcè dèbwè nu dòkhò̆. Kîd́ò̆ wî ḿî Zi hi Za phă b́ĕ wî phîdophîmu wè dèòhme d́ŏ wô pôglo hmetekle dèsascĭi athŭtherĕ nu.