Bib sou entènèt

Paj dakèy
Bib sou entènèt
Ephè̆sus 4:10

Ephè̆sus 4:10 - Geba Roman New Testament

¹⁰ Mègōnu d́ō, bija htè ala dèbwè nu ḿî dèbwè lò, htè alehta d́ŏ dèlle ahtajî d́olĭ Mò̄kho dèbwè nu, cab́ô̆htè agè̄ mè pĕhta dèlŏcăcè anikhĭ lò.

Gade chapit la Kopi

tounen moute ⬆

Ephè̆sus 4:10
24 Referans Kwoze

Hebrè̆u 7:26

Phŭgima gî̄ ḿîb́è awîatcahtĭ, adèkèḿè tò ò ńò kî aplî̆atcă. Cò kò òb́è d́ŏ dèkhòwèpho tòcò akho kî Cè kè̄ b́è zāhtajî dŏ Mò̄kho akho nu.

Hebrè̆u 4:14

Acab́ô̆ wò òigè Phŭgima ahtakhlŏ d́ŏ Mò̄kho ahtajîgudŭ Jezŭ Krĭstu, htè Kib́ĭcè Apho nu, wè dè lè̄dakè̆ za dèb́u htè wi nib́è htŏ ajo nu ńò.

Kòlò̆ssia 2:9

Kib́ĭcè agujū apĕazò b́è d́è̆lî̄htagè d́ŏ Krĭstu anebî̆cè alò, b́ĕ Cò ò thôḿô̆we acab́ô̆ bija akhè̆ nu.

Kòlò̆ssia 1:19

Manè̄ kòd́òdo d́ō, Kib́ĭcè b́èthagè d́ŏ Zô hô̆ Zè gèlè apĕazò kò ò d́ŏ Krĭstu abu,

Mattĕo 24:34

Jò d́ò̆sa thĭ adî̄ahma, bija ajo dôzô dò phlòtôlô hnî̆ńò, dè ajo lŏcăcè gī phî̆htakò̆.

1 Timò̆theo 3:16

Dèthub́uthèb́è̆ adèòhuòb́i nu adoajò̄ pwedè̄ nu bija da jab́i za dèbwè̆ ńò. Kib́ĭcè d́è̆lî̄hta Ane acab́ô̆ bija, Cè b́è dèbè̄dî̄bè̄hma Cè d́ŏ Kib́ĭcè atha, Cè b́è dètcahtî Cè d́ŏ Mò̄khobwèzo tòcò, Cè b́è dèd́ò̆htôlai d́ŏ bija lŏcăcè, Cè b́è dèb́u Cè d́ŏ Lākho thèdè̆b́è, Cè b́è zāhtage Mò̄kho d́ŏ dèdòdèthe abu nu.

Ephè̆sus 3:19

Thĭ gî̄ thîhè̆b́èkò̆ Kib́ĭcè adèb́èlò̄, htè bija dî thîhè̆htô za ńò nu, cab́ô̆htè thĭ kè̄ b́è mè pĕhtazòhta kî Zè dèpĕdèzò lŏcăcè anikhĭ nu.

Thodŏpho 1:9

B́ĕ Cò d́ò hwă gōnu Cè b́è zāhtagè d́ŏ lōwa tòcò amūkă ahlò̆mò̄ kî dè̄tob́o lagāb́igè Cè.

Hebrè̆u 8:1

Wò d́ò̆sa htŏ dèwîdèkè̆ lŏcăcè aklè̆, adogudŭ ḿî phŭgima awîakè̆. Ze lenī kî sańălăògè d́ŏ Mò̄kho d́ŏ Kib́ĭcè Ahĭahtè̆ ana acudèhtwè dòkhò̆ nu,

Thodŏpho 3:18

Barasă ajo ḿî Kib́ĭcè thè̆ne mèpĕhtagè Zè dè thaèni acab́ô̆ Cò d́òdòlògè Prò̆fèt tòcò alòmò bu, htè Krĭstu gā khab́è dèssègnè̆bòdò nu.

Thodŏpho 2:33

Cè b́è bè̄htajîgè d́ŏ Ca Pa Kib́ĭcè acudèhtwè dòkhò̆ kîd́ò̆ Zi nib́è Kib́ĭcè adèaḿăkhai agī nib́è Spirito Tcahtĭ akhoacè̆, Zò hlòlagè Spirito Tcahtĭ htè thĭ tcahtî kî thîhè̆ htŏ nu.

Thodŏpho 1:11

“Ŏ bija Galilĕapho tòcò, thĭ tcahta ma d́ŏ Mò̄kholè̄ nu nè? Jezŭ htè ab́èzāhta thĭwī thĭ d́ŏ Mò̄kho dèbwè jo gā lakò̆ tapla be mè acab́ô̆ Ze gehtagè jo nu,” Cò d́ò lōwa tòcò do.

Zowănnī 19:36

Manè̄ dè ajo lŏcăcè phî̆htagè, cab́ô̆ Cè Tcahtĭ adèjî̄b́è ajo tòcò gē pĕhtabò̄ nu, htè ad́ò, “Zi khwi dè htè̆dūb́è tòb́ò̆ ńò,” nu.

Zowănnī 19:28

Mèhwă d́ō Jezŭ thîhè̆gè dèlŏcăcè pĕhtazòhtagè akhoacè̆, cab́ô̆htè Cè Tcahtĭ gē pĕhtabò̄ nu, Cò d́òhtagè, “Athaò̆ Jè!”

Zowănnī 19:24

Klĭpho tòcò la d́òhlè lōwa, gō do htohtèlè ńo, ḿî hwĕ mè̆ kî bò̄bwè gī nib́è bwè gî̄ thîhè̆bò̄ anikhĭ nu. Mègōnu akhoacè̆, Cè Tcahtĭ adèjî̄b́è pĕhtagè htè; “Cè belani lōwa Jè dèkô̆dèthò, Ze hwĕgè mè̆ Ji scid́ŏ anikhĭ.” Klĭpho tòcò mè hnèhnègè gōnu.

Zowănnī 1:16

D́ŏ Zè dèhludètă pĕhtazòhta abu nu, wa lŏcăcè nib́èkôgè Ca kă dèhôwî domo hwă domo lò.

Lŭka 24:44

Mèhwă Cò d́ògè lōwa tòcò, “Ajo ḿî dèjî̄b́è htè Jò d́ò̆sa thĭ b́ĕ Jò òkôwe thĭ kă asŏakhè̆ nu, cab́ô̆htè dèhwela Jî wî Jè kè̆ d́ŏ Mŏzè adèhmèla, Prò̆fèt tòcò adèd́òdòlò kî Psălmo abu tòcò ke pĕhtazòhtabò̄ nu,” Cò d́ò lōwa do.

2 Kòrĭn 12:2

D́ŏ Krĭstu abu nu jî thîhè̆ bija ò dèbwè, htè aphlòtôlô hwă scilwīd́e nu b́è zāhtagè d́ŏ Mò̄kho ahtajî gudŭ nu. (Ḿî amè thĕbwe ane ā? Ḿî dè dètcahtî ā? nu jî dî thîhè̆ ńò. Athîhè̆ ḿî Kib́ĭcè dèbwè lò.)

Swiv nou:

Lyen patwone

Piblisite

Piblisite