13 Gōnu akhoacè̆, ja damòb́è thĭ cab́ô̆htè thĭ tha gè̄ dè hèwî̄hèkè̆bò̄ d́ŏ ja kha dè thĭ nikhĭ akhoacè̆ ḿè. Dè ajo lŏcăcè ḿî thĭ gī nihlunită anikhĭ lò.
Thè̆buthè̆we tòcò, ḿî thĭ nu, lab́oladābò̄ ḿè d́ŏ thĭ dèmè awîaè abu nu ḿè.
Khŏnujo d́ŏ thĭ nikhĭ ju dub́èkhab́è akhoacè̆, athaganāi jè lò. Manè̄, je neb́î̆cè adèdub́èkhab́è jo ḿî jè mè pĕhtazòhta dè alahlî̆laphlègè ab́èkja Krĭstu anebî̆cè adèdub́èkhab́è d́ŏ Zè dèòplo anikhĭ nu.
Wa ab́è dèssègnè̆ ḿî thĭ dèmèmòhtage kî thĭ dèhlô̆htage anikhĭ lò. Ḿî b́ĕ wè b́è dèmèmòhtage nu agî̄ ḿîb́è thĭ dèmèmòhtage, agô̄ thô̆htôgloi thĭ, agò̄ khòthad́ò̆i dèssègnè̆ htè wa khab́è htŏ tòcò nu.
Gōnu akhoacè̆, d́ŏ Krĭstu Jezŭ kî thĭ bwènīd́ò tòcò anikhĭ, dèkî̆dî̄pho, jè, Păulu, thèb́è̆dahta dè Kib́ĭcè ò lò.
Dèphîdèmè awîab́è anikhĭ nu wò dò mò sò̆tab́a ńò. Manè̄ d́o akhî kè̄ b́è tapla wî gî̄ phînipônigekò̆ wè dèhtukhohtuă aphò̆athè akhoacè̆ nu.
Zè mèthè̆htage hwă ab́udè tòcò atha, ci ikhoiă lōwa akò òhmeòglo dèb́udènè abu. “Wa gā pahtîb́è dèbadèsè̆ pwĕdimi dukhlŭkî we gē lenī Mò̄kho ahtĭage hnî̆ńò nu,” cò d́ò̆sa lōwa tòcò do.
D́ŏ Kib́ĭcè adèkhòwèhmòb́è abu wè b́è ilanigè dèŭitcai adèmè ajo nu d́ō, d́ŏ wa dòkhò̆b́è nu dèkhodèă jòla tò ò tèpwè ńò.
Cab́ô̆ gōnu akhò̆, thĭ ḿî ḿî thĭ mò thaganāi kî belanibò̄ jè jè.