Bib sou entènèt

Paj dakèy
Bib sou entènèt
Dèd́è̆lî̄ 2:10

Dèd́è̆lî̄ 2:10 - Geba Roman New Testament

¹⁰ Scisăbò̄ ḿè d́ŏ thĭ gā khab́èjab́è dè tòcò nu ḿè. Sòkhĕńebò̄! Jò d́ò̆sa thĭ d́ŏ thĭ klè̆ nu, Mod́èlî gî̄ htîladēnīkò̆ dèkî̆dî̄ abu tòcò cò cab́ô̆htè co kō b́othabò̄ thĭ nu kî gākhab́èbò̄ dèmèjomèlè̄ athè̆sci adābu nu. B́èkhè̆ thĭ gè̄ b́è thĭ gè̄ b́è hlè̆mè̄ nu ḿî òhmeòglobò̄ kî ji ki ikò̆ thĭ sô thĭ hlè̆ htè aḿî dèòthôḿô̆ akhocò̆ nu.

Gade chapit la Kopi

tounen moute ⬆

Dèd́è̆lî̄ 2:10
36 Referans Kwoze

Zăkomo 1:12

Ab́èhôwî ḿî bija htè akhòthad́ò̆wî̄thazô i dèdî̄tca, manè̄ b́ĕ zò sò̆hto hme d́ŏ dèdî̄tca aklè̆ nu, zi gī nib́èkò̆ dèthôḿô̆ akhocò̆ htè Kib́ĭcè aḿăkhaigè bija ab́èlò̄ Cè tòcò nu.

Mattĕo 10:22

Kîd́ò̆ Ji mi akhoacè̆ bija lŏcăcè gè̄ dè wè̄kò̆ thĭ ńò. Barasă bija htè akhòthad́ò̆ htô̆ agudulă dèbwè gô̄ hlô̆htakò̆.

1 Petru 5:4

B́ĕ atcai thŏ tòcò Asaphra kò pòhta tapla nu, thĭ gī nib́èkò̆ dèdòdèthe akhocò̆ ada hwa za ńò dèdè̆ nu.

Mărko 13:13

Jo kho Jè cè̆ lò, Bija gè̄ dèwè̄dèsè̆kò̆ thĭ ńò. Barasă bija akŏikhòi htô̆ agudugîdî̄ nu, gī nib́è dèhlô̆htage lò.

Ephè̆sus 6:12

Manè̄ kòd́òdo dō, wo to d́o da phja dè kî bija ńò, ḿî wo d́o tha akî̆kkè htè acô̆thèlè̆ ò d́ŏ Mò̄kho, aŭi htĭge tòcò, akhoane tòcò kî Lākho acô̆thèlè̆ htè amèòhta dèkhidènè ajo dôzô tòcò lò.

Dèd́è̆lî̄ 2:9

Jî thîhè̆ tèpwè thĭ dèhtodèba, thĭ niò̆jòa nòthò̆ thĭ ssègnè̆gè pwè̆dè̄ nu, kî thĭ khab́ègè dèsajò htè Jŭdapho tòcò d́ò; thĭ ḿî Sătana adèòplopho tòcò nu.

Mattĕo 24:13

Barasă bija akhòthad́ò̆ htô̆ akŭdu dèbwè nu, zô̄ hlô̆htagekò̆.

1 Petru 5:8

Òphôthèńèbò̄! Manè̄ d́ō, thĭ thè̆d́ĕd́ò Mod́èlî nu hè dîwî̄dewe acab́ô̆ glādo agèjè tod́ŏ awāhlè agū hjŭnīa bija akhò̆ nu.

1 Kòrĭn 9:25

Bija agònò hlè lōwa tòcò thè ane kî khasòẃè̆ azî̄azô̄, ze mègè gōjo ḿî agī nib́è phò̆thagwă ahnò̆ za de thegwĕ anikhĭ, ḿî wè mè dè ajo d́ŏ wi gī nib́è phò̆thagwă akhôana lahtŭlablo anikhĭ nu.

Mattĕo 10:28

Kîd́ò̆ scisănibò̄ ḿè bija amèthĭ gi neb́î̆cè, ḿî adè mèthĭkèhta thotha ńò, tòcò ale ḿè. Barasă scisănibò̄ amèkè̆ kèhta thotha kî ge neb́î̆cè d́ŏ Larrā bu dèbwè ale dòkhò̆.

Dèd́è̆lî̄ 13:7

Dèilani cè ako d́o gā pja Kib́ĭcè abija tcahtĭ tòcò kî nobè cè, kî zi nib́è dècô̆dèthèlè̆ d́ŏ bija akhwĭ, ahtĭage, bija ajî̄b́è dè alēahwè gŏ amo, kî bijakhwĭpho gô̆ akhwĭ akho nu.

Ephè̆sus 2:2

B́ĕnu akhî thĭ lôkôgè Lākho adèkî̆kkèmèhlò̆ aklèthòò̆ abu, thĭ sòkhĕńegè dèscidèhnè htè aò Mò̄kholè̄ tòcò ab́ĭcè htè aŭi bija adò sòkhĕńe Kib́ĭcè alē ńò tòcò nu.

Zowănnī 13:2

B́ĕ Jezŭ kî Zo bōhmubicè tòcò a jī lōwa lumuhè adèa nu, Mod́èlî lenīgè d́ŏ Simŏnè apho Jŭdas Iskariŏta atha bu, cab́ô̆htè zô gô̄ hô̆lă lōwa nu.

Zowănnī 12:25

Bija htè ab́èlò̄ adèòthôḿô̆ dèbwè nu, supab́èkò̆ aè̆, kî bija htè ati kĭwīi adèòthôḿô̆ ńò d́ŏ lākho jo dèbwè nu, òi aè̆ d́ŏ dèò alahtŭlablo nu.

Lŭka 21:12

Barasă d́ō, dè ajo tòcò dè sè̆ phî̆hta ńò nu, bija kô phò gō cŏ thĭ, mèssègnè̆ thĭ, kî dè gè̄ sè̆lă thĭ, gô̄ htô gè̄ d́è̆kò̆ thĭ d́ŏ sinagŏgā Hwă d́ō gî̄ htînī thĭ d́ŏ dèkî̆dî̄ bu nu. D́ŏ Ji mi akhoacè̆, thĭ kè̄ b́è jolekò̆ d́ŏ sophrŏsaphra tòcò kî aŭidè tòcò ahlò̆mò̄ nu

Mărko 8:35

Manè̄, bija athamèhlô̆hta atha dèbwè nu gū sub́èkò̆ aè̆. Bija htè asuapa athathôḿô̆ Jo kho Jè cè̆ kî Vanzĕlō akhoacè̆ dèbwè nu gè̄ mèhlô̆htagekò̆ aè̆.

Dèd́è̆lî̄ 13:2

Dèphodèwe akhŭ jo, ală kî khî̆prĕ, acuhlèkhahlè mè cab́ô̆ htè̆ acuhlèkhahlè kî alòmò mè cab́ô̆ glādo alòmò nu. Wudo ilagè cè acô̆athèlè̆ kî ana aku ŭi Lākho thèd́è̆b́è.

Thodŏpho 21:13

Ḿî Păulu nu, cò d́òscĭgegè wa, “Thĭ thaḿò̆ mègè danè̄? Thĭ mèphilajòlagè jè dèbè̄la tha d́ŏ thĭ mugādŭhtĭ aklè̆ nu ā? Ḿî jè nu, jò ò dòlògè akè b́è cŏglo taka ńò agī thĭ b́è d́ŏ Jerŭsalèm u bu d́ŏ B́ĭcè Jezŭ ami abu nu dòkhò̆,” cò d́ògè do.

Thodŏpho 20:24

Barasă ji nikhĭ dèlômèssègnè̆ jè dèòthôḿô̆ tè b́è ajwīamo ji nikhĭ ńò, ḿî jè gè̄ mèhwăb́è jè dèmè htè B́ĭcè Jezŭ ilani jè, htè aḿî Vanzĕlō ab́èkja Kib́ĭcè adèhludètă nu.

Zowănnī 13:27

B́ĕ Jŭda Iskariŏta a hwă toko dôhmô̆ d́ō, Sătana lenīgè zî hîklè̆. Jezŭ d́ò cè, “Nè mèb́è danè̄ nu mèplăbò̄ dakha,” Cò d́ò lōwa do.

Dèd́è̆lî̄ 2:13

Jî thîhè̆ tèpwè thĭ ò d́òlè̄ nu, d́ŏ Sătana sańăò ana bu alle nu, ḿî thĭ òhmeòglo we d́ŏ Ji Mi abu nu kî thĭ da bāphlòḿĭgè thĭ dèb́u ju bu ńò b́ĕ jè bwè akha ji nikhĭ thè̆thî Antipas b́è mèthĭgè thĭ ò htè Sătana ò alle nu.

Dèd́è̆lî̄ 13:14

Kîd́ò̆ ahlòniplènigè gajă bija lākhopho tòcò d́ŏ dèbòdèba htè ab́èilani agè̄ mè d́ŏ dèphodèwe akhŭ aŭsu tod́ŏ ahlò̆mò̄ nu. Dèphodèwe akhŭ gīd́ŏ tod́ŏ hna prahtagè lōwa tòcò dèjò dèdè̆ d́ŏ dèmèhĭmèhtè̆ dèphodèwe akhŭ htè ab́è bēthĭ d́athĭ i d́asĕ nòthò̆ aòthôḿô̆we tod́ŏ nu ajò nu.

Dèd́è̆lî̄ 17:14

Cè tòcò ko d́o gā phjakò̆ Thŏpho, ḿî Thŏpho kî Zè bwè ab́èjo, ab́èrôhta kî alôkô hmehmecece Ze le tòcò gō no gè̄ bèkò̆ lōwa d́ŏ Zî ḿî b́icè tòcò Ab́ĭcè kî saphra tòcò Asaphra akhoacè̆ nu.”

Swiv nou:

Lyen patwone

Piblisite

Piblisite