Bib sou entènèt

1 Petru 3:21 - Geba Roman New Testament

²¹ htè anib́ègè Dèŭsab́ăhtĭ tòcò ahô̆agèlè nu. Khŏnujo Dèŭsab́ăhtĭ mèhlô̆hta htŏ thĭ, tè b́è d́ŏ phehî ahwiahwa aklè̆ ńò, ḿî wa tha athîhè̆ d́è̆ aè htè dè awîab́è ŏlă Kib́ĭcè d́ŏ dèthomòthamò abu nu. Ajo ḿî dèmèhlô̆htage thĭ d́ŏ Jezŭ Krĭstu adèhtaboge dèthĭ aklè̆ nu.

Gade chapit la Kopi

tounen moute ⬆

1 Petru 3:21
30 Referans Kwoze

Mărko 16:16

Bija ab́u kî anib́è dèŭsab́ăhtĭ tòcò gô̄ hlô̆htakò̆, ḿî atu b́u ńò tòcò keb́èkò̆ dècirra.

Thodŏpho 2:38

Ḿî Petru d́ò cè tòcò, “Bajalage thĭ ne, kî khabò̄ dèŭsab́ăhtĭ gŏ abwè d́ŏ Jezŭ Krĭstu ami abu nu cab́ô̆htè thĭ gī nib́èbò̄ thĭ dèkhòwè adèb́ăplè, kî thĭ gî̄ phînikò̆ Spirito Tcahtĭ.

Galatiăno 3:27

Thĭ b́è ŭsab́ăhtî̆ d́ŏ Krĭstu abu nu, kî khŏnujo thĭ grōhtab́ŭhta htŏ Krĭstu.

Thodŏpho 22:16

Mègōnu d́ō, nò dôigè danè̄? Akhîb́è htŏ d́ŏ nu gū ŭsab́ă ne ne htĭ kî ŭsab́ăkè̆ nè dèkhòwèkhòkha d́ŏ dèjohta Zi mi abu nu.’

Ephè̆sus 5:26

Zè mègè gōjo ḿî acab́ô̆ Zè gè̄ lè̄tcahtĭ dèòplo d́ŏ Kib́ĭcè anikhĭ, d́ŏ Kib́ĭcè alēahwè b́ĕ Zu ŭsab́ăkè̆i hwă htĭ alekă,

1 Petru 1:3

Htăhtaibò̄ wî Kib́ĭcè kî B́ĭcè Jezŭ Krĭstu Apa, B́ĭcè Pa! Dŏ Zè dèkhòwèhmòb́è adogudŭ acè̆, ilagè wa dèò athè̆ d́ŏ Ca b́awè̄htoge Krĭstu dèthĭ aklè̆ acè̆ nu. Dè ajo mèṕĕhtai wa dèsascĭi athôḿô̆,

1 Kòrĭn 12:13

Wi nib́è dèŭsab́ăhtĭ d́ŏ neb́î̆cè dèdè̆ lò kî Spirito Tcahtĭ dèdè̆ lò. Jŭdapho ḿîwî, Grĭspho ḿîwî, zôbwè ḿîwî, htĭgepho ḿîwî, wa lŏcăcè iò̆ b́ègè Spirito Tcahtĭ dèdè̆ lò.

Kòlò̆ssia 2:12

Manè̄ d́ō, b́ĕ thĭ ŭsab́ă htĭ akhè̆ nu, thĭ b́è b́ŭlă ploplogè Krĭstu kî thĭ b́è b́awè̄htoge ploplo kî Krĭstu d́ŏ dèthĭ aklè̆ d́ŏ thĭ dèb́u Kib́ĭcè acô̆thèlè̆ htè ab́awè̄htoge Krĭstu d́ŏ dèthĭ aklè̆ acè̆ nu.

Mattĕo 28:19

Mègōnu, le kî mèphî̆hta bijakhwĭpho lŏcăcè Jo bōhmubicè, ŭsab́ăbò̄ cè htĭ d́ŏ Pa kî Pho kî Spirito Tcahtĭ ami abu nu.

Hebrè̆u 9:24

Ajo ḿî dî mîbò̄ acab́ô̆ Krĭstu lenī dèthèb́è̆ ale htè bija prahta ală kî Mò̄kho cab́ô̆htè Ze gē lenībò d́ŏ Kib́ĭcè ahlò̆mò̄ wi nikhĭ ńò ā?

1 Timò̆theo 6:12

Dèb́udènè adècwè nu, cwè thĕbwethîlî̆bò̄, kî phînibò̄ ni nikhĭ dèthôḿô̆ lahtŭlablo. Manè̄ d́o, Kib́ĭcè jo nè d́ŏ dèthôḿô̆ jo abu htè b́ĕ no ŏlăphlala, mèhmemèglo nè dèb́u d́ŏ bija òè̆bwè ahlò̆mò̄ nu.

2 Kòrĭn 7:1

B́èlò̄ thè̆buthè̆we tòcò, d́ŏ dèaḿăkhai jo tòcò abu, wu ŭsab́ă d́ò̆è gajă dè amèb́ò za we neb́î̆cè kî wa tha tòcò nu, cab́ô̆htè wa gī nib́èbò̄ dèwîdètcahtĭ apĕhtazòhta d́ŏ dèscisă ni Kib́ĭcè ale abu nu.

1 Kòrĭn 4:6

Thè̆buwe tòcò, acab́ô̆ jò d́ò hwă htŏ nu, jî phî Apò̆llòs kî je ne acab́ô̆ amò tcad́ò̆kô, kî thĭ gî̄ mèhlô̆ nibò̄ dèd́ò htè, “Lôkôbò̄ dèhmèla ab́èabò,” nu. Thĭ da ta bè̄dobè̄mu bija dèbwè kî tcadalakă alewe dèbwè ńò.

Thodŏpho 16:33

Anu dènè nu kî b́ĕ anu akhî lô nu, cu ŭsab́ă hwă Păulu kî Cĭlas abulebukle d́ō za khagè dèŭsab́ăhtĭ, cè thèd́è̆gumu d́o.

Thodŏpho 8:36

B́ĕ cè tòcò hèkô klè akhè̆ nu, zo dogè d́ŏ htĭ ò ale dokhlo d́ō, mādo d́ògè cè, “Tcabò̄, htĭ ò ajo d́ō, da gè̄ mèd́îd́ă kèhta jè agā kha dèŭsab́ăhtĭ nè?” cò d́ò lōwa do.

Rŏma 5:14

Nòthò̆ hnò̆nu dèkhòwè ŭicaigè bija gohta Adam htô̆ dola Mŏzè nu, kî zè dèkhòwè dî ḿîgè acab́ô̆ Adam htè akhè̆b́a Dèhmèla nu ńò. Adam ḿî agē lela dèbwè agèlè.

Hebrè̆u 11:19

Za sascĭi Kib́ĭcè ab́awè̄htoge za athĭ tòcò htè Zè gè̄ mèhtaboge Izăko nu.

2 Kòrĭn 1:12

Wî phîdophîmu dè ò domo, htè wa tha d́ò̆sa wa ab́è nu, we lè̄d́ŏlè̄j́a bija gŏ abwè, d́okhlŏ thĭ nu d́ŏ Kib́ĭcè ilani wa dèthodanāthadanā abu nu, ḿî d́ŏ Kib́ĭcè ahluată acè̆ wè dè mè tòpòkhogè dè dimĭ ńò nu.

1 Timò̆theo 1:5

Dèhmèla ajo ḿî cab́ô̆htè agò̄ htowè̄ dèb́èlò̄ òhta d́ŏ dèthowîthamò, dèthotcăthatcă, , kî dèb́u ahnèhnè abu lò.

Hebrè̆u 9:14

Krĭstu htè ahluhta aneb́î̆cè d́ŏ Spirito Tcahtĭ alahtŭlablo dèbwè athwi nu, agè̄ mèwîmètcă d́okhlŏkò̆ wa pwedè̄ lò! D́ŏ Spirito Tcahtĭ htè athôḿô̆ lahtŭlablo nu, Zu hluhtai Ze ne acab́ô̆ dèhluhta apĕazò d́ŏ Kib́ĭcè nu. D́ŏ nud́ò̆ adèphîdèmè tòcò ḿî ada wanè ńò acè̆, Ci thwi gè̄ mèwîmètcăkò̆ wa tha adèthîhè̆, kî wè gè̄ mè zakò̆ Kib́ĭcè aòthôḿô̆ dèbwè adèmè nu.

Hebrè̆u 10:22

Mègōnu we gē leb́ôhtî d́ò̆è Kib́ĭcè d́ŏ thotha danā kî aòpĕhta kî dèb́u, kî wè dègomo aŭsabăkè̆ dègomo akî̆kkè, kî neb́î̆cè htè ab́èŭsab́ă i htîbātcă nu.

Hebrè̆u 13:18

Thèb́è̆hta thèjô̆bò̄ wi nikhĭ. Wa thabu ò tèpwè ahlî̆aklă, manè̄ d́ō, wa thaè mè thèjô̆ dè ab́è lò.

1 Petru 3:16

Mè nòthò̆ do hnò̆nu, mèbò̄ d́ŏ dèthob́îthajū kî dèscisă abu nu, htè d́ŏ dèthohlî̆thahlî̆ abu nu, cab́ô̆htè b́ĕ bija ad́òkè̆d́òô thĭ kî adòbijīla thĭ htè abò̄kô Krĭstu akă tòcò nu, kè̄ b́è thăwākò̆ nu.

Zowănnī 13:9

Simŏnè Petru d́òscĭge Cè, “B́ĭcè, ŭsab́ăbò̄ ḿè htĕ ja khakhò lò ḿè. Ŭsab́ăkôbò̄ ju cukhò, jo ko papa.”

Thodŏpho 8:37

Philĭpo d́òscĭge cè, “Nu gū b́u lŏtholŏtha d́ō, ni gīni za tèpwè,” cò d́ò lōwa do. Kîd́ò̆ cò d́ò̆sa Philĭpo, “Ju b́u tèpwè Jezŭ Krĭstu ḿî Kib́ĭcè Apho nu,” cò d́ò̆sa lōwa do.

Swiv nou:

Lyen patwone

Piblisite

Piblisite