Bib sou entènèt

1 Petru 1:7 - Geba Roman New Testament

⁷ b́ĕ Jezŭ Krĭstu b́è d́è̆lî̄hta akhî nu, thĭ dèb́u ḿî akè b́è mèplî̆mètcă hwă htŏ acab́ô̆ hlĕnu htè̆ ab́èwula d́ŏ hmî aklè̆ nu ḿî thĭ nu, thĭ gī nib́èkò̆ dèhtăhtai kî dèdòdèthe kî dèd́ŏdèj́a.

Gade chapit la Kopi

tounen moute ⬆

1 Petru 1:7
53 Referans Kwoze

Zăkomo 1:12

Ab́èhôwî ḿî bija htè akhòthad́ò̆wî̄thazô i dèdî̄tca, manè̄ b́ĕ zò sò̆hto hme d́ŏ dèdî̄tca aklè̆ nu, zi gī nib́èkò̆ dèthôḿô̆ akhocò̆ htè Kib́ĭcè aḿăkhaigè bija ab́èlò̄ Cè tòcò nu.

1 Petru 4:12

B́èlò̄ thè̆buwe tòcò, htèniwĭniwabò̄ ḿè d́ŏ thĭ dèdūb́èkhab́è azôasè̆ sô acè̆, gomobò̄ ḿè dècòklîcòhjè̆ phî̆htani thĭ nu ḿè.

Rŏma 2:7

Gajă bija amè dèphîdèmè awîaè thèjô̆, kî wāhlè dèdòdèthe, dèd́ŏdèj́a kî dè adi thĭ za ńò dèbwè nu, gī nib́èkò̆ dèòthôḿô̆ lahtŭlablo.

1 Kòrĭn 3:13

barasă zî gî̄ ḿî da ahiphă nè nu agî̄ hlî̆htaphlò̆htakò̆ d́ŏ muni dini nu. D́ŏnu dini gō gohtaikò̆ kî hmî, kî hmî gî̄ dî̄tcakò̆ bija dèbwè dèbwè ladū adèmè.

Jŭda 1:24

Cè htè apôglo thĭ cab́ô̆htè thĭ gā da lakhubò̄ ńò kî aleigè thĭ d́ŏ adèdòdèthe ahlò̆mò̄ d́ŏ dèplî̆dètcă kî dèthalōthala abu dèbwè nu.

2 Petru 1:4

D́ŏ Zè dèaḿăkhai ado kî alīdobwîthè̆ abu nu cab́ô̆htè thĭ gī nikôb́èbò̄ Zè dèb́ĭcè d́ŏ thĭ hlô̆htagè phehî adèkhorokhara acè̆ nu.

1 Petru 2:4

Zî ḿî Lo Aòthôḿô̆ htè bija htîphlòḿĭ, ḿî Kib́ĭcè rôhtagè kî aḿî alīdobwîthè̆ Zi nikhĭ dèmè̆ nu.

Mattĕo 25:21

Cî B́ĭcè d́ò cè, ‘B́èzî̄b́èzô̄, zôpho aè kî adî̄ahma, nî dî̄ na hmagè dè tîkîpho tòcò akho d́ō, jè lè̄lakò̆ nè dè òèòò akho. Lenībò̄ ni B́ĭcè adèthaganāi abu.’

Dèd́è̆lî̄ 3:10

Thĭ òi jè dèhmèla kî kŏikhòigè dèbadèsè̆ akhoacè̆, ja gā b́ahlô̆htakò̆ thĭ d́ŏ dèbadèsè̆ agā lab́è Lākho thèd́è̆b́è akho akhî nu.

Dèd́è̆lî̄ 2:10

Scisăbò̄ ḿè d́ŏ thĭ gā khab́èjab́è dè tòcò nu ḿè. Sòkhĕńebò̄! Jò d́ò̆sa thĭ d́ŏ thĭ klè̆ nu, Mod́èlî gî̄ htîladēnīkò̆ dèkî̆dî̄ abu tòcò cò cab́ô̆htè co kō b́othabò̄ thĭ nu kî gākhab́èbò̄ dèmèjomèlè̄ athè̆sci adābu nu. B́èkhè̆ thĭ gè̄ b́è thĭ gè̄ b́è hlè̆mè̄ nu ḿî òhmeòglobò̄ kî ji ki ikò̆ thĭ sô thĭ hlè̆ htè aḿî dèòthôḿô̆ akhocò̆ nu.

Dèd́è̆lî̄ 1:7

Tcabò̄, Zî ḿî agē lelakò̆ d́ŏ dè̄tob́o akho dèbwè nu; bija gŏ abwè gā tcahtîkò̆ Cè; d́ŏ aphlŏphlò̆ Ca tha tòcò nu papa, kîd́ò̆ bijakhwĭpho gŏ akhwĭ athara gō jo gā haikò̆ Cè. Ajo ḿî dè adî̄ahma lò, Amèn.

1 Kòrĭn 4:5

Cirraphame darază ḿè dè ḿè. Òsô̆wô̄bò̄ htô̆ B́ĭcè dole nu. Zî gî̄ hlî̆lakò̆ dè d́ŏ aòhuòzò dèkhiklè̆ tòcò nu kî d́è̆lî̄htakò̆ bija adègomo ahuazò tòcò nu. Akhî kè b́èkò̆ htè bija dèbwè dèbwè ladū gī nib́èkò̆ Kib́ĭcè adèhtăhtai pwĕ ca ta nib́è nu.

Thodŏpho 8:20

Barasă Petru d́òscĭge cè, “Nò hô̆ gè̄ kè̆ kô ôkôkò̆ na kă, manè̄, no gomo d́ŏ Kib́ĭcè adèila nu nî bwî i kèhta hô̆ akhoacè̆ nu.

Zowănnī 12:26

Bija dèbwèbwè gā khazô Jè nu, zô gô̄ lôkô d́ò̆è Je le, kî Jò ò ale arră nu Jô zôpho kò òkôkò̆ Ja kă. Bija dèbwèbwè gā khazô Jè nu, Ja Pa gè̄ bè̄dòbè̄thekò̆ cè.

Zowănnī 5:44

Thĭ thaèni tèpwè bija adèkòihtăi, barasă thĭ da wāhlè dèkòihtăi d́ŏ Kib́ĭcè dèbwè lò ò ńò acè̆ nu, thĭ ku b́u d́ò̆ Jè cadè̄?

Lŭka 12:33

Sè̆lăkè̆ lŏ thĭ dî̄ thĭ dè kî ila bija assègnè̆pho tòcò nu. Mèbò̄ thĭ nikhĭ hô̆gôdô htè adilidèhwè̆ za ńò, dèlīdobwîthè̆ adolōza ńò d́ŏ Mò̄kho nu, d́ŏnu htè a ahudè de leb́ôhtî za ńò kî phè̆pu ta aza ńò nu.

Mattĕo 25:23

Cî B́ĭcè d́ò cè, ‘B́èzî̄b́èzô̄, zôpho aè kî adî̄ahma, nî dî̄ na hmagè dè tîkîpho tòcò akho d́ō, jè lè̄lakò̆ nè dè òèòò akho. Lenībò̄ ni B́ĭcè adèthaganāi abu.’

Mattĕo 19:28

Kîd́ò̆ Jezŭ d́ò cè tòcò, “Jò d́ò̆sa thĭ adî̄ahma, d́ŏ dèòla athè̆ abu, b́ĕ Bija Apho gā sańăò adòathe ana bu nu, thĭ htè alôkô je le tòcò nu, thĭ gā sańăòb́èkò̆ kătò scigīd́ŏ akho kî thĭ gī cirra b́èkò̆ Israè̆lpho scigīkhwĭ.

Dèd́è̆lî̄ 3:18

Jò d́ò̆sa thĭ, bwîbò̄ htè̆ d́ŏ jò ò jo, htè̆ atcă, htè agè̄ mè jèdā thĕbwekò̆ thĭ nu. Kî bwîkôbò̄ scid́ŏdò̄dô ab́ôthă akò b́ò̆b́i b́ò̆gāi thĭ dèòhlôthô̆ amò thăwāthablè̄, mèhwă bwîbò̄ dihwithôphrô kî thôphrô thĭ gādŭ cab́ô̆htè thĭ gā tcahtî zabò̄ dè nu.

2 Petru 1:1

Simeŏnè Petru, Jezŭ Krĭstu azôpho kî abōhmubicè, hwe d́ò̆sa thĭ anib́èplo wa akhwèaj́a dèzè̄ lò d́ŏ wi Kib́ĭcè adèdî̄dèhma kî Amèhlô̆htagedè Jezŭ Krĭstu ailagè wa dèb́u alīdobwîthè̆ dèbwè aò nu.

1 Petru 2:7

Anu ḿî thĭ htè ab́u tòcò anikhĭ lo ḿî alīdobwîthè̆, ḿî atu b́u ńò tòcò anikhĭ ḿî; “Aprahi tòcò htîphlòḿĭ dèmè̆ nu, agî̄ phî̆htakò̆ hinebu alokăd́ò̆.”

1 Petru 1:5

D́ŏ thĭ dèb́u acè̆, Kib́ĭcè adèkhodèă gō woikhwèikò̆ thĭ htô̆do dèhlô̆htage, htè aò pradòlò htŏ thĭ nikhĭ kî akè d́è̆lî̄kò̆ thĭ d́ŏ munilēdū nu.

Rŏma 2:29

Ḿî Jŭdapho hnèhnè nu ḿî tèpwè Jŭdapho htè ab́è dèhô̆rîkî̆ d́ŏ tho kî tha kî ajo ḿî Kib́ĭcè Atha Tcahtĭ adèmè, tè b́è dèhmèla htè ab́èhwela lò ńò. Bija gōjo dèbwè nib́è Kib́ĭcè adèkòihtăi, tèb́è d́ŏ bija aè̆ nu ńò.

Lŭka 17:30

D́ŏ Bija Apho gā la tapla nu dè gè̄ mèkò̆ ane gōnu lò lò.

Rŏma 2:10

Barasă Kib́ĭcè ki ilakò̆ dèdòdèthe, dèd́ŏdèj́a kî dècodèkhli d́ŏ bija gŏ abwè htè amèdè awîaè tòcò nu, Jŭdapho aŭsu, alekă Grĭspho tòcò nu.

Rŏma 8:19

Dèòb́òla lŏcăcè sòmò̆dôi Kib́ĭcè akè d́è̆lî̄ Zo pho tòcò nu.

1 Petru 1:13

Bāphlòḿĭbò̄ dègomo akhorokhara tòcò, nobèbò̄ cè tòcò kî sascĭbò̄ ahluată ado htè Jezŭ Krĭstu b́è d́è̆lî̄hta htŏ nu.

1 Petru 4:13

Ḿî thaganāibò̄ d́ŏ thĭ dènib́èkô Krĭstu adèssègnè̆bòdò akă thĭ kè̄ b́è bè̄htajîbò̄ b́ĕ Cè kè d́è̆lî̄hta Zò dò Ze the amuni abu nu.

1 Petru 5:1

Jè, htè aḿî athobwethabwe dèbwè damò dèòplo athobwethabwe aò thĭ klè̆ tòcò nu. Jè ḿî akhathè̆thî d́ŏ Krĭstu adèssègnè̆bòdò tòcò, kî agī nib́èplo dèdòdèthe d́ŏ alekă dèbwè gōjo;

2 Petru 3:14

Mègōnu d́ō, b́èlò̄ athò tòcò, b́ĕ thĭ wāhlè dè ajo tòcò asŏakhè̆ nu, htukhohtuăbò̄ cab́ô̆htè Kib́ĭcè gā pahtîbò̄ thĭ d́ŏ dèplî̆dètcă aklè̆, dèjīdèd́wă abu nu.

Swiv nou:

Lyen patwone

Piblisite

Piblisite