Bib sou entènèt

1 Petru 1:3 - Geba Roman New Testament

³ Htăhtaibò̄ wî Kib́ĭcè kî B́ĭcè Jezŭ Krĭstu Apa, B́ĭcè Pa! Dŏ Zè dèkhòwèhmòb́è adogudŭ acè̆, ilagè wa dèò athè̆ d́ŏ Ca b́awè̄htoge Krĭstu dèthĭ aklè̆ acè̆ nu. Dè ajo mèṕĕhtai wa dèsascĭi athôḿô̆,

Gade chapit la Kopi

tounen moute ⬆

1 Petru 1:3
56 Referans Kwoze

1 Petru 1:23

Thĭ dèb́èlò̄ lōwa nu, akò òhtakô d́ò̆è d́ŏ thĭ tha abu nu. Thĭ kò tò òlakô d́ò̆è bija athwiahtĭ ńò, ḿî Kib́ĭcè aò lahtŭlablo Adèjî̄b́è aòthôḿô̆ dòkhò̆.

1 Zowănnī 5:4

manè̄ kòd́òdo d́ō, Kib́ĭcè apho gŏ abwè mèbè kèhta tèpwè Lākho. Kî wo no wè b́è Lākho d́ŏ we dèb́u abu nu.

Rŏma 15:13

Dèsascĭi Ab́ĭcè gē lei d́ò̆è thĭ dèthaganāi kî dècodèmò d́ŏ thĭ dèb́u abu cab́ô̆htè Spirito Tcahtĭ gî̄ phîkè̆ b́è dè acŏglo thĭ dèsascĭi tòcò nu.

Ephè̆sus 1:7

D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆,

2 Kòrĭn 1:3

Wî B́ĭcè Jezŭ Krĭstu Apa Kib́ĭcè b́è dèhôwî, Zî ḿî Apa akhòwèdè kî dèmèmòhtage lŏcăcè Ab́ĭcè,

1 Zowănnī 3:3

Gaj́ă bija adèsascĭi ajo dèdè̆ d́ŏ Krĭstu abu gŏ abwè nu, zè mètcahtĭ ze ne acab́ô̆ Krĭstu ḿî atcahtĭ akhò̆ nu.

Rŏma 12:12

Thĭ dèsascĭ ò akhoacè̆ thaganāibò̄. Thablè̄bò̄ mè dèbadèsè̆ aklè̆ ḿè, ḿî thèb́è̆htabò̄ thèjô̆.

1 Zowănnī 2:29

Thĭ gî̄ thîhè̆ b́eḿĕ htè Krĭstu ḿî adî̄ahma nu d́ō, thĭ gî̄ thîhè̆ tèpwè bija htè adî̄ahma dèbwè nu Cò òla htŏ d́ŏ lōwa abu nu.

Ephè̆sus 1:3

Thîhè̆htagebò̄ Kib́ĭcè htè aḿî wî B́ĭcè Jezŭ Krĭstu Apa nu! Manè̄ d́ō, d́ŏ wè dèò ploplo kî Krĭstu abu nu, Zô hôwîgè wa kî ilagè wa gajă ab́èkja tho kî tha adèhôwî lŏcăcè htè aò d́ŏ Mò̄kho nu.

Ephè̆sus 3:20

Kib́ĭcè htè adècô̆dèthèlè̆ mèdè d́ŏ wu bu dèbwè nu mèkèhta dè d́olĭ kî wa da kî wo gomo nu.

Ephè̆sus 1:17

ja dadè d́ŏ B́ĭcè Jezŭ Krĭstu Apa, Kib́ĭcè adòdothedo dèbwè ò, cab́ô̆htè Ci ki ilanibò̄ thĭ Spirito Tcahtĭ, htè agè̄ mè htî̆nigô̄ni thĭ kî d́è̆lî̄ thĭ Kib́ĭcè, cab́ô̆htè thĭ gî̄ thîhè̆bò̄ Cè anikhĭ nu.

1 Petru 3:21

htè anib́ègè Dèŭsab́ăhtĭ tòcò ahô̆agèlè nu. Khŏnujo Dèŭsab́ăhtĭ mèhlô̆hta htŏ thĭ, tè b́è d́ŏ phehî ahwiahwa aklè̆ ńò, ḿî wa tha athîhè̆ d́è̆ aè htè dè awîab́è ŏlă Kib́ĭcè d́ŏ dèthomòthamò abu nu. Ajo ḿî dèmèhlô̆htage thĭ d́ŏ Jezŭ Krĭstu adèhtaboge dèthĭ aklè̆ nu.

1 Timò̆theo 1:14

Kib́ĭcè hlòlahtè̆lă Cu hlu Ca tă lablîlablô d́ŏ jò lò, kî Ci ila jè dèb́udènè kî dèb́èlò̄ htè aò d́ŏ Jezŭ Krĭstu abu nu.

Ephè̆sus 2:4

Barasă d́ō, Kib́ĭcè adèkhòwèhmòb́è òè kî adèb́èlò̄sôgè wa akhoacè̆,

Zăkomo 1:18

D́ŏ Zè dèthaèni abu, Cò b́òlagè wa kî dèdî̄dèhma alēahwè, cab́ô̆htè wî gî̄ nib́èbò̄ dè alleaklè aŭsugudŭ d́ŏ dèòb́òla lŏcăcè aklè̆ nu.

Tĭto 2:13

b́ĕ wò òsô̆wô̄i Muni ab́èhôwî d́ŏ wa sascĭigè, b́ĕ wî B́ĭcè Dèado kî Amèhlô̆htage wa Jezŭ Krĭstu adòathe kè d́è̆lî̄hta nu.

1 Kòrĭn 15:20

Barasă adî̄ahma ḿî Krĭstu htabogegè d́ŏ dèthĭklè̆, anu ḿî thè̆thî htè bija asòḿĭ dèthĭ abu tòcò kè̄ b́è b́awè̄htogekò̆ nu.

1 Kòrĭn 13:13

Khŏnojo, dè aò thèj́ô̆ ḿî thŏ mo; dèb́u, dèsascĭi, kî dèb́èlò̄; kî d́ŏ aklè̆ adokhlŏ ḿî dèb́èlò̄ lò.

1 Zowănnī 3:9

Gajă bija aḿî Kib́ĭcè Apho tòcò nu, dè mè be dèkhòwè ńò, manè̄ d́ō, Kib́ĭcè akhwĭ ò d́ŏ zu bu nu kî zè dè mè za dèkhòwè ńò, manè̄ kò d́òd́o dō, cò òlaikô kî Kib́ĭcè akhoacè̆ nu.

1 Petru 2:2

Thĭ ḿî bwè aòlathè̆, thĭ mò lakî abĭsèpho aò̆nu htè nuhtĭ akhlŏ ada thaò̆ dimĭ ńò akhò̆ nu thaẃithaò̆ b́è thotha adèdî̄dèhma htè agè̄ mèdohta thĭ d́ŏ dèhlô̆htage abu nu.

Hebrè̆u 3:6

Ḿî Krĭstu nu, Zî ḿîgè acab́ô̆ Pho adî̄ahma dèbwè nu kî Kib́ĭcè Ahib́îcè dèbwè nu dòkhò̆. Kîd́ò̆ wî ḿî Zi hi Za phă b́ĕ wî phîdophîmu wè dèòhme d́ŏ wô pôglo hmetekle dèsascĭi athŭtherĕ nu.

1 Thèssalò̆nika 1:3

B́ĕ wa thèb́è̆dahta gŏ apla nu, wo gomohtani thĭ dèb́udènè kî thĭ dèb́èlò̄ htè ahnanosòkă thĭ agè̄ mèdè thĕbwethîlî̆, kî thĭ dèsascĭd́ògodòi wî B́ĭcè jezŭ Krĭstu òhmeòglo tèpwè nu.

Kòlò̆ssia 1:27

Kib́ĭcè adèprahnèdòlò ḿî Cè gè̄ d́è̆lî̄phlò̆hta Za bijakhwĭpho tòcò Zè dè ahuab́i alīdobwîthè̆ kî Zi dèhĭdohtè̆do tòcò d́ŏ bija lŏcăcè anikhĭ nu. Kî dè ahuab́i ḿîgè Krĭstu ò thĭ bu acè̆ d́ō, thĭ gī nib́èplogè Kib́ĭcè adòathe nu.

Rŏma 8:24

Manè̄, wò mò b́èthai htŏ d́ŏ dèsascĭi akè b́è mèhlô̆mèlai nu lò. Wa da tcahtîb́è wè dèhlô̆htage hnî̆ńò, wò dò mò sascĭi do hnî̆ńò hŏ.

Rŏma 8:11

Kib́ĭcè aSpirito, htè amè htaboge Jezŭ Krĭstu d́ŏ dèthĭ nu ḿî ò ma thĭ bu d́ō, thĭ tha ḿî aòthôḿô̆ d́ŏ thĭ b́è mètcahtĭge akhoacè̆ nu.

Zowănnī 1:13

Cè tòcò phî̆hta Kib́ĭcè aphoali ḿî tè b́è dèthwidèhtĭ dèphedèhî acè̆ ńò, ḿî cò òla acab́ô̆ Kib́ĭcè thè̆ne aphoali tòcò nu.

1 Zowănnī 5:18

Wî thîhè̆ tèpwè htè Kib́ĭcè apho nu dè mè thèklô̆ dèkhòwè ńò, manè̄ kòd́òdo dō, Kib́ĭcè mèhlô̆hta cè d́ŏ akî̆kkè dèbwè acukhòbu d́ō, Cò tò tòb́è tèpwè lōwa ńò.

1 Zowănnī 5:1

Bija dèbwèbwè htè ab́u Jezŭ ḿî Krĭstu nu, zî ḿî Kib́ĭcè apho lò. Kî bija dèbwèbwè kè b́èlò̄ ma Pa ajo dèbwè d́ō, cè kè̄ b́èlò̄ tèpwè Pa ajo dèbwè apho pho.

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

Rŏma 5:10

Wî ḿî tèpwè Kib́ĭcè athè̆d́ĕd́ò, nòthò̆ hnò̆nu Zè mèthòge hwăgè wa d́ŏ Zo pho adèthĭ lò. Khŏnujo wî ḿîgè Kîb́ĭcè athò tòcò nu d́ō, Krĭstu adèò akhoacè̆ wô hlô̆hta htŏ wò tò d́ò za d́okhlŏ ńò ā?

Rŏma 4:25

D́ŏ wè dèkhòwè tòcò akhoacè̆, Cè b́è ilakè̆ d́ŏ dèthĭ, kî Cè b́è b́awè̄hto thôḿô̆htage cab́ô̆htè Zè gè̄ mèwîmètcahtĭge wa anikhĭ nu.

1 Zowănnī 4:7

B́èlò̄ athò tòcò, b́èlò̄hlè d́ò̆è lōwa; manè̄ d́ō dèb́èlò̄ ḿî aò d́ŏ Kib́ĭcè ò nu. Gajă bija aò kî dèb́èlò̄ tòcò nu ḿî Kib́ĭcè apho kî zî thîhè̆ Kib́ĭcè.

1 Thèssalò̆nika 4:13

Thè̆buthè̆we tòcò, wa thaèni tèpwè htè thĭ gî̄ thîhè̆ ladîlase dèdî̄dèhma ab́èkja athĭ tòcò adèhtaboge nu, cab́ô̆htè thĭ kò tò òbò̄ dèothootha acab́ô̆ bija adèsascĭi tò ò ńò tòcò akhò̆ ńò nu.

Galatiăno 6:16

Bija htè alôkômèkô Dèhmèla ajo d́ŏ zè dèòthôḿô̆ abu tòcò nu, dèjīdèd́wă kî dèkhòwèhmòb́è kè̄ b́è d́ò̆è cè kî Kib́ĭcè abijakhwĭpho lŏcăcè nu.

2 Thèssalò̆nika 2:16

B́ĭcè Jezŭ Krĭstu kî Pa B́ĭcè htè ab́èlò̄ kè adèhludètă acè̆, thĭ gī nib́è d́ò̆è tha adèkhŭdèhè̆ pĕhtazòhta kî dèmulè̄sascĭ ahmeaglo,

1 Petru 1:13

Bāphlòḿĭbò̄ dègomo akhorokhara tòcò, nobèbò̄ cè tòcò kî sascĭbò̄ ahluată ado htè Jezŭ Krĭstu b́è d́è̆lî̄hta htŏ nu.

1 Petru 1:21

Zo kho cè cè̆ lò, thĭ b́ugè Kib́ĭcè htè ab́awè̄htoge Krĭstu d́ŏ dèthĭ aklè̆, kî igè Cè dèdòdèthe ajo akhoacè̆. Cab́ô̆htè thĭ ku b́u kî gā sascĭibò̄ Kib́ĭcè nu.

1 Petru 3:5

Hlĕ hlemo amihmu tcahtĭ asascĭi Kib́ĭcè tòcò rawîramògè ze ne gōnu, dòkhò̆b́è ḿî za khahô̆khajò za wa lò.

1 Petru 3:15

Ḿî òi dèd́ŏdèj́a Krĭstu d́ŏ thĭ thaobu nu. Ò prahnèsèhnèbò̄ thĭ ne cab́ô̆htè thĭ kò d́òscĭge bija dèbwè dèbwè adèhtôdèd́è̆ thĭ htè thĭ nib́è dèsascĭi awîakè̆ nu.

Swiv nou:

Lyen patwone

Piblisite

Piblisite