Bib sou entènèt

Paj dakèy
Bib sou entènèt
1 Kòrĭn 10:13

1 Kòrĭn 10:13 - Geba Roman New Testament

¹³ Dèbadèsè̆ thĭ khab́è htŏ hlĕ akăhtî htô̆ khŏnujo tòcò tò ò be tèpwè ńò. Thĭ sascĭi za tèpwè Kib́ĭcè cab́ô̆htè thĭ da khab́èbò̄ pwĕ thĭ da khakèhta be ńò nu, kîd́ò̆ dèhtodèba thĭ khab́è tòcò ka b́aphlò̆nikò̆ thĭ klè kî aki ikò̆ thĭ dèkhodèă agò̄ khòthad́ò̆wīthazoi kèhtabò̄ nu.

Gade chapit la Kopi

tounen moute ⬆

1 Kòrĭn 10:13
48 Referans Kwoze

2 Petru 2:9

Dèado thîhè̆ agē mèhlô̆hta bija ascisăni B́ĭcè ale tòcò d́ŏ dèhnakă aklè̆ kî agī cirra bwèkî̆kkè tòcò d́ŏ dècirra amuni abu cadè̄ nu,

2 Timò̆theo 4:18

Kib́ĭcè ka b́ahlô̆hta jè d́ŏ dèkî̆kkèmèhlò̆ lŏcăcè, kî Zò gò̄ hmò jè thè̆ jè htô̆do d́ŏ Mò̄kho ahtĭage abu nu. Kib́ĭcè kè̄ b́è dò̆bò̄è dèdòdèthe lahtŭlablo tîkî. Amèn.

2 Thèssalò̆nika 3:3

Nòthò̆ hnò̆nu, Kib́ĭcè ḿî dèdî̄dèhma Ab́ĭcè akhoacè̆, Zè gè̄ mèsô htakò̆ thĭ tha adèkhodèă, gō woikhai nikhĭ thĭ dèkî̆kkèmèhlò̆ dèbwè nu.

Hebrè̆u 12:4

Ab́èkja dèd́odèphja dèkhòwè nu thĭ da khab́è dèthĭ hnî̆ńò dòkhò̆.

1 Thèssalò̆nika 5:24

Bija htè arôhta thĭ dèbwè ḿî aòi dèdî̄dèhma acè̆, Zè gè̄ mè tèpwè gōnu.

Lŭka 22:46

Cò d́ògè lōwa tòcò, “Thĭ sòḿĭthebĕ manè̄? Wè̄hto kî thèb́è̆htabò̄ cab́ô̆htè thĭ da khab́èbò̄ dèhnakă ńò nu,” Cò d́ò lōwa do.

2 Kòrĭn 1:10

Kîd́ò̆ Zè mèhlô̆htage wa d́ŏ dèthĭklè̆, kî alekă Zè gè̄ mèhlô̆htage we wa; hmahŏ, wa sascĭi hmehmecece Cè d́ŏ Zè gè̄ mèhlô̆htagekò̆ wa tapla be,

Dèd́è̆lî̄ 3:10

Thĭ òi jè dèhmèla kî kŏikhòigè dèbadèsè̆ akhoacè̆, ja gā b́ahlô̆htakò̆ thĭ d́ŏ dèbadèsè̆ agā lab́è Lākho thèd́è̆b́è akho akhî nu.

Dèd́è̆lî̄ 2:10

Scisăbò̄ ḿè d́ŏ thĭ gā khab́èjab́è dè tòcò nu ḿè. Sòkhĕńebò̄! Jò d́ò̆sa thĭ d́ŏ thĭ klè̆ nu, Mod́èlî gî̄ htîladēnīkò̆ dèkî̆dî̄ abu tòcò cò cab́ô̆htè co kō b́othabò̄ thĭ nu kî gākhab́èbò̄ dèmèjomèlè̄ athè̆sci adābu nu. B́èkhè̆ thĭ gè̄ b́è thĭ gè̄ b́è hlè̆mè̄ nu ḿî òhmeòglobò̄ kî ji ki ikò̆ thĭ sô thĭ hlè̆ htè aḿî dèòthôḿô̆ akhocò̆ nu.

1 Petru 4:19

Mègōnu d́ō, akhab́èjab́è d́ŏ Kib́ĭcè adèthaèni abu d́ŏ zè dèphîdèmè awîaè acè̆ tòcò nu, ki ilani d́ò̆è ca tha d́ŏ Ab́òladè htè aò kî dèdî̄dèhma dèbwè acukhòbu nu.

1 Zowănnī 1:9

ḿî wò kò d́òphlò̆hta ma wè dèkhòwè d́ō, Kib́ĭcè htè ahmeaglo kî adî̄ahma dèbwè ka b́ăplè wè dèkhòwè kî ku ŭsab́ăkò̆ wa d́ŏ dèkèḿè lŏcăcè aklè̆.

1 Kòrĭn 1:9

Kib́ĭcè htè aḿî adî̄ahma dèbwè gō joplobò̄ thĭ kî Zo Pho Jezŭ Krĭstu nu.

Hebrè̆u 11:11

Gōnu akhò̆, Sărah nu pholi kŭdugè nòthò̆ zu muthèd́ŏhtai tèpwè zo pho d́ŏ cu b́u Kib́ĭcè adèaḿăkhai gē pĕhtazòhtab́è akhoacè̆ nu.

Hebrè̆u 10:23

Wò kò òi hmehmecece d́ò̆è wè dèsascĭi, manè̄ d́ō, bija amè dèaḿăkhai dèbwè ḿî adî̄ahma akhoacè̆ nu.

Lŭka 11:4

B́ăplèbò̄ wè dèkhòwè, manè̄ wa b́ăplè lŏ bija amò tani wè dèmège akholī tòcò acè̆ nu. Kî leihŭbò̄ ḿè wa d́ŏ dèhnakă abu ḿè,’” Cò d́ò̆sagè lōwa tòcò do.

Hebrè̆u 6:18

Gōnu acè̆ Ci ila lōwa dè amò rôhlè gīmo, ad́è̆lî̄ Kib́ĭcè tò d́òplè za ńò kî wa tcahtîb́è dè ahmeaglo akhoacè̆ aikhoiă wa agî̄ phî gô̄ pôglo hmetekle dèsascĭi htè aò d́ŏ wò hlò̆mò̄ nu.

Dèd́è̆lî̄ 19:11

Kîd́ò̆ ja tcahtîgè Mò̄kho ò tab́ă, kî tcabò̄ thîrîb́ô̆ ò tod́ŏ. Ad́ò thîrîkho ḿî ab́èjo Dèhmedèglo kî Dèdî̄dèhma; Zi cirra kî mègè So d́ŏ dèdî̄dèhma abu nu.

Lŭka 16:26

Alewe domo ḿî d́ŏ wa kî nè azo nu, ròdo ògè dòrò pwĕ acab́ô̆ bija aò b́ĕ wò ò dòkhò̆wō thaè lehtî nòthò̆ thĭ hnò̆nu, zè dè kèhta mè ńò,’ cò d́ò̆sagegè lōwa do.

Thodŏpho 27:44

Alewe tòcò kò d́ò d́ò̆è thob́î kî thè̆bò akăkôkăklè, lekôkò̆ cè tòcò alekă nu. Mègōnu bija dowè̄ thuŭthèègè d́ŏ khò̆kho gŏ abwè lò.

Mattĕo 6:13

Kîd́ò̆ leihŭ ḿè wa d́ŏ dèhnakă aklè̆ ḿè. Ḿî mèhlô̆htabò̄ wa d́ŏ dèkî̆kkè aklè̆ nu tîkî.

Swiv nou:

Lyen patwone

Piblisite

Piblisite