Tuturigana 9:15 - Ghari

¹⁵ minau sauba kau padatugua niqu taso au naukolugamu me kolugira sui goto na omea mamauri, laka e utu saikesa ke tavetugua kesa na obo seko me ke matesigira na omea mamauri sui.

Tuturigana 9:15 Referans Kwoze

Na Vaolusi Ketsa 7:9

Me dou ti kamu padatugutugua laka na Taovia nimui God aia segenina moa na God manana. Maia sauba ke manalia nina tabana na vaitasogi e naukolugamu, me ke sauvulagia nina galuve vo oli vanigira na toga na vatavata, igira ara padalokia mara muria nina ketsa.

Esekiel 16:60

Minau moa e utu kau padalea niqu tabana na vaitasogi au naua kolugo kalina igoe o daki vaolu moa, me sauba kau nautugua kesa na vaitasogi kolugo, ma na vaitasogi iani sauba ke totu saviliu me utu goto ke sui.

Linge 106:45

Tana rongoqira nogo igira, ti aia e gini padavisua na taso e naukolugira, mi tana nina galuve loki ti aia e mololetugua na sekoliaqira.

1 Taovia Tsapakae 8:23

me nonginongi me tsarivaganana, “!Igoe Taovia God ni Israel, e tagara goto sa god ke vaga igoe ke totu i gotu i baragata se i lao ieni i barangengo! Igoe o manalidoua nimu tabana na vaitasogi o naua kolugira nimu tinoni, mo saua nimu galuve vanigira kalina igira ara rongomangamu dou igoe tana tobaqira popono.

Binaboli 28:12

Mo ko molokaira tana itai na kokove ruka tabana tana epod, na papadana tugira sangavulu ruka na puku tana Israel. Mi tana nauvaganana ia, maia Aaron sauba ke kalagaia tana kokovena tu soaqira, rongona inau na Taovia kau gini pada sailaginigira niqu tinoni.

Luka 1:72

Me tsaria ke saugaluve vanigira na mumuada me ke padatugua nina veke tabu.

Jeremia 14:21

Ko padatugua na omea igoe o vekenogoa vanigami, mo ko laka kiki na reipeagami igami, mo ko laka goto na paluvangamana na vera ni Jerusalem, aia na nauna i tana e totu nimu sasana na totukae. Ko padatugua na vaitasogi igoe o naua kolugami, mo ko laka goto na kutsiana.

Nehemia 9:32

“!God, nimami God, igoe o loki tsapakae saikesa! !O mataguniga loki, mo susuliga sosongo! Migoe o manali saikesalia na vaitasogi igoe o naukolugami. Mi kalina ia igami ami totu tana rota loki, mami nongigo ko padagami mo ko sangagami. Tuturiga tana tagu kalina na taovia tsapakae ni Asiria e bingi sekoligami, me poi tsau kalina eni, igami ami rota loki sosongo. Nimami taovia tsapakae, ma nimami ida, migira na manetabu, ma na propete, ma na mumuamami, migira sui goto nimami tinoni ami rota loki sosongo. !Ko padatugua kiki na rota loki ami vatsangia igami!

Tuturigana 8:21

Ma na Taovia e siginingaoa na vuruna na kodoputsa ia, maia e tsarisegenina, “E utu saikesa goto inau kau ketsotugua na barangengo tana rongona na omea ara naua igira na tinoni. Inau au donagininogoa laka tû kalina igira ara tinoni vaolu me sasi niqira papada. Me utu saikesa goto kau matesigira pipi na omea mamauri sui vaga inau au naunogoa tana tagu eni.

Tuturigana 9:11

Migirani nogo na gokona na taso inau au naukolugamu: inau au vekevanigamu laka e utu goto ke tavetugua na obo loki vaga ia ke obotia na barangengo popono me ke matesigira na tinoni sui.

Tuturigana 9:14

Me pipi kalina kau sarosaigira na parako kara tsavua na barangengo ma na vulagaro ke laba tana parako,

Tuturigana 9:10

me kolugira goto pipi na omea mamauri sui: na manu, na buluka, ma na omea tuavati sui, ara rutsumai kolutugamu talu i laona na vaka.