Tuturigana 8:10 - Ghari

¹⁰ Ma Noa e pipitu goto vitu na dani ti e molo rutsumitugua na kulukulu.

Tuturigana 8:10 Referans Kwoze

Tuturigana 7:4

Me kau moa ke vitu na dani minau sauba kau moloa na usa ke tumu ke vati sangavulu na dani me ke vati sangavulu na bongi, gana kau gini matesiligigira pipi sui na omea mamauri inau au aqosigira.”

Roma 8:25

Me ti vaga igita a amesia na reiana na omea a tau vati morosia moa, me sauba ka berengiti ma ka pipitua moa poi ke tsau kalina ka reilakana.

Isaia 26:8

Igami ami muria nimu kili, mami vataraginia nimami amesi i konimu; eo, igoe segeni moa igami ami kili sailaginigo.

Isaia 8:17

Na Taovia e poi segenina nogo tanigira nina tinoni, minau moa au norua mau vataragini kakaia niqu amesi i konina.

Linge 40:1

Au pipitu sosongolia na Taovia ke sangaau; maia e gogoro tsuna me rongomia niqu nonginongi.

Tuturigana 8:12

Mi muri, maia e pipitu vitu goto na dani te e molo rutsumitugua na kulukulu kesa goto kalina; ma na kulukulu ia e tau goto visumai.

Tuturigana 7:10

Me vitu na dani i muri me tave na obo loki tana barangengo.

Tuturigana 8:9

ma na rongona na kô e tau vati tsuna saikesa moa me tsavu poponoa moa na kao, ma na kulukulu ia e tau tangomana ke tao. Maia e lovo visutugua tana vaka, ma Noa e molo rutsumia na limana me adisagetugua i laona na vaka.

Tuturigana 8:11

Mi tana ngulavi ma na kulukulu e visumaitugua kolua kesa na arana vaolu na gai na olive tana mangana. Mi tana ma Noa e donaginia laka e tsuna nogo na kô.