Tuturigana 49:9 - Ghari

⁹ A Juda e vaga moa kesa na laeone, E matesia gana lamuta me visutugua tana babana, Mi tana e ba tsaro me mango. ?Masei sauba ke malagai na ba peleana?

Tuturigana 49:9 Referans Kwoze

Tsoko Tinoni 24:9

Igira na Israel ara susuliga vaga moa ti na laeone; mi kalina aia e maturu, me utu goto ke kesa ke malagai na galisiana. Masei moa ti ke soadougira na Israel, me sauba God ke soadougotoa aia, masei ti ke vealaginigira na Israel, me sauba God ke vealaginigotoa aia.”

Na Katemai 5:5

Mi tana e kesa vidaqira na tuqa tabu e gokomai me tsarivaniau, “Ko laka na ngangai. !Ko reia baa! Aia nogo na Laeone tana duli konina a Juda, aia na kukuana loki a David, aia e mana nogo gana. Maia segeni moa e ulagana ke pokatiligitugira vitu na bubulutina, me ke sangavia na viviruna na papi iani.”

Tsoko Tinoni 23:24

Na puku na tinoni ni Israel e susuliga sosongo vaga moa ti na laeone; me tau saikesa dona ke mango poi tsau kalina aia ke ngotsia me ke konomia, me ke inuvia na gabuqira igira aia e gati matesigira.”

Mika 5:8

Migira na tinoni ni Israel ara kauvisu i laoqira na puku tavosi, sauba kara vaga moa kesa na laeone e rurugu bamai na lave gana mutsa i laona na legai atsi, se tana poiatsa i tana ara mutsamutsa na sipi. Me ke tsipusage i laoqira na sipi, me ke gati ngotsingotsigira, me tagara goto kesa tangomana ke laumaurisigira.

Hosea 5:14

Eo, minau segeniqu nogo sauba kau baginigira na tinoni ni Israel mi Juda vaga moa kesa na laeone. Sauba kau ngotsigira, ma kau mololegira i tana. Mi kalina inau kau raqaligigira, me sauba ke tagara goto ke kesa tangomana ke laumaurisigira.

Esekiel 19:5

Ma na tinana e pipitu oka sosongo nogo ma na dalena ia e tau goto visumaitugua. Mi muri maia e vilia kesa segeni goto na dalena mane, maia e lia goto kesa na laeone veveigâ.

1 Korint 15:24

Mi muri moa ti ke labamai na susuina na dani: i tana a Iesu Kristo sauba ke tsogori pukaligira na tidao sui, na tangirongo ma na susuliga sui, me ke sauvisua nina tamani vania God Tamana.

Hosea 5:4

Na omea tabaruga ara naua igira na tinoni e utusiginigira na visutugua i konina niqira God. Na aqona na samasama vaniaqira na god peropero e tangolikakaigira, mara gini tau nogo reigadovia na Taovia.

Na Vaolusi Ketsa 33:20

Mi tana rongoqira igira tana puku konina a Gad aia e tsaria, “Tsonikaea na Taovia aia e naua me gini loki niqira butona kao. A Gad e totu pipitu vaga saikesa na laeone e varea kesa na omea tuavati atsi gana ke ngotsia na limana se na lovana.

2 Turupatu Dato 9:18

Mara ono na mani tsotsodato bâ i konina na sasana na totukae, me totu goto kesa na bela tetelo gana na molokae tuana mara tsavu poponoginia na qolumila, mi tabana mi tabana na sasana na totukae ara ka totu na mani molo vataragini limana, mi liligina na limana ruka tabana ara moloa na nununa na laeone.