Tuturigana 49:6 - Ghari

⁶ Minau e utu kau sangasage tana ka niqira togigoko segeni, Me utu goto kau sangakaira tana niqira gokosai, Rongona ara ka matesi tinoni tana kore Mara ka logusigira na buluka mane tana sinagi.

Tuturigana 49:6 Referans Kwoze

Tuturigana 34:30

Mi tana ma Jakob e tsarivanikaira a Simeon ma Levi, “I kagamu amu ka alomaia vaniau inau na padasavi loki. Kalina ia igira na Kanaan ma na Peres, migira sui goto ara totu tana kao iani sauba kara reisaviau inau. Mara tau danga niqu mane inau; me ti vaga igira kara sai alaala ma kara maiginiau, me sauba nomoa inau migamu niqu tamadale popono ka viri mate sui.”

Linge 26:9

Ko laka na matesiaqu saisai koluaqira na tinoni sasi; ko gaeau moa tania na kede e totupitugira na tinoni vanga vailabumate,

Linge 16:9

Maia nogoria na rongona ti e gini dou sosongo na tobaqu mau gini magemage, mau totu raviravi dou i konimu igoe.

2 Korint 6:14

Kamu laka na tovoana laka kamu aqopata kolugira na tinoni ponotoba vaga ti igira ara kesaniatsa kolugamu. E utu. ?Sauba kara ka vanosai koegua na sautu goto ma na sautu sasi? ?Kara ka totusai koegua na marara ma na rodo?

Luka 12:19

Mi tana inau kau tsarivaniau segeni, !Dou rago vaniau kalina ia! Au tamanina nogo pipi na omea dou au kilia gana na totudou i laona ke danga na ngalitupa. !Me tuu kalina eni, e utu goto kau gini rota na aqo, sauba kau totu lee rago moa, ma kau mutsamutsa ma kau inuinu, ma kau magemage!’

Jeremia 15:17

Inau au tau ba totu lê kau kiakia ma kau magemage kolugira na tinoni tavosi, tagara. Inau au rongomangamu moa igoe, mau totu segeniqu, rongona igoe o dangaliginiau na koremu loki.

Jeremia 4:19

!Au vatsangi savi sosongo, me utu na taberaeana niqu vatsangisavi! !Na kosuqu e bubutu kesa! Me gini utu vaniau kau totu mui kalina au rongomigira na tavuli ma na gugu na vailabu.

Linge 64:2

Ko reitutuguau dou ma kau mauri tania niqira togigokosai ara naua igira na tinoni vanga tsutsukibo, me tanigira goto na alaala na tinoni seko.

Linge 57:8

!Mamata igoe na tidaoqu! !Mamata goto kagamu niqu itai tatangi ma niqu tuqulu! Minau sauba kau galisigotoa na aso.

Goko Tabana 12:5

Na tinoni e goto nina sasaga e pada sailaginia na nauana na omea e goto vanigira na tinoni tavosi; ma na vanga tsutsukibo e ngaoa moa na perobulesi tinoni.

Goko Tabana 1:11

Me ti vaga igira kara tsarivanigo, “!Ko mai, ma ka lavea sa tinoni ka labumatesia! !Ida ma ka ba taopoi i sautu, mi kalina ke labamai sa tinoni ma ka labumatesia!

Linge 139:19

!Niqu God, au kili sosongolia laka igoe ko labumatesigira na tinoni vanga tsutsukibo! !Au amesi sosongolia laka igira na tinoni vanga tangopeke seko kara mololeau inau!

Linge 103:1

!Na tidaoqu ke tsonikaea na Taovia! !Ma na tobaqu popono ke tsonikaea na asana tabu!

Linge 43:5

?Megua vaga inau te au melu sosongo vaga ia? ?Megua ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua, aia niqu vagamauri ma niqu God.

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 42:5

?Megua vaga inau ti au melu sosongo vaga ia kalina? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 30:12

Vaga ia, me sauba e utu saikesa vaniau kau totu mui lê; sauba nomoa kau linge ma kau tsonikaego igoe. Taovia igoe nogo niqu God, me sauba kau soadougo na dani ma na dani.

Linge 28:3

Ko laka na kede sekoliaqu kolugira na tinoni vanga tsutsukibo, me kolugira goto igira ara nausasi, igira ara dona moa na goko puipui vanigira na kulaqira, mi laona na tobaqira e totu moa na tobaseko.

Linge 5:10

Migoe God, ko tusuvanigira na matena niqira tsutsukibo; me ke gadovisu segeni i koniqira na omea seko ara vangaraua na nauana. Ko tsialigigira tania na matamu rongona na sasi danga ara tsukia, mara petsakoe loki vanigo igoe.

Linge 1:1

Ke mage aia na tinoni e sove tania na muriana niqira totokoe igira na tinoni seko, me tau muria niqira sasaga igira na tinoni sasi, se e tau goto dona ke sangatotu i laona niqira sai igira ara peâ na mangana God.

Tinoni Pede 5:21

Na tatarina na obona na Kô Kison e salaligigira saikesa, na susuligana nogo na tatarina na Kô Kison. !Minau sauba kau butusua ma kau vanovano susuliga!

Na Vaolusi Ketsa 27:24

“ ‘God ke vealaginia aia ke naua na labupoi.’ “Migira na toga sui kara tuguvisua ma kara tsaria, ‘!Eo, e dou ke vaga!’

Josua 11:9

Ma Josua e nauvanigira na omea vaga nogo na Taovia e ketsalia ke naua: e logusia na tuaqira niqira ose me tungigira sui niqira terê.

2 Samuel 8:4

Ma David e tangoligira vitu toga nina mane sage tana ose a Hadadeser, me rukapatu toga nina mane vaumate ara liu lê i lao. Maia e tangoli visugira na ose vaga e tugua moa kara raqagira kesa sangatu na terê, me logusigira sui na ose tavosi.

1 Turupatu Dato 18:4

Ma David e ba laugira kesa na toga nina terê, me tangoligira vitu toga na mane sage tana ose, mara rukapatu toga na mane vaumate ara liu lê i lao. Maia e tangolivisugira na ose vaga e tugua moa kara raqagira kesa sangatu na terê, me logusigira sui na ose tavosi.