Tuturigana 49:33 - Ghari

³³ Mi kalina a Jakob e goko sui vanigira na dalena, maia e tsaro visutugua i nigena me mate.

Tuturigana 49:33 Referans Kwoze

Tuturigana 49:29

Mi muri, ma Jakob e ketsaligira na dalena vaga iani, “Kalina ia, e varangi nogo kau vano ma kau totu kolugira niqu tinoni tana mate. Au ngaoa kamu ba qiluau inau kolugira na tamaqu tana vatuluma e totu tana nina kao a Epron na Het

Hibru 12:23

Igamu amu sagemai nogo tana saikolu na dalena God, igira God e mare sui nogoa na soaqira i baragata. Mamu mai konina God, aia e pedegira na tinoni sui, mi konina na tidaoqira na tinoni dou ara totu nogo i matana God.

Hibru 11:22

A Josep goto e tutunina God. Maia nogo na rongona ti kalina e varangi nogo ke mate, maia e kate idanogoa na vanoaqira na tinoni ni Israel tania na vera ni Ejipt, me tsari manogati vanigira laka kara tau padalea na adiana na sulina kolugira, kalina igira kara tuu na boliligi tania na Ejipt.

Aqoaqo 7:15

“Maia Jakob e baa i Ejipt, mi tana, aia migira sui goto na dalena ara mate.

Luka 2:29

“Kalina ia, Taovia, igoe o manalinogoa nimu veke, me dou moa ti ko tamivaniau inau nimu maneaqo ma kau ba mango tana rago.

Sasani Sasaga 12:7

Na konida sauba ke visutugua tana kao, ma na tidaoda sauba ke visutugua i konina God aia e saunogoa vanigita tana idana.

Nina Papi A Job 30:23

Eo, inau au dona nogo laka igoe o vangaraunogoa na matesiaqu, ma na moloaqu bâ i tana sauba kara totu igira na tinoni sui.

Nina Papi A Job 14:10

Mi kalina e mate na tinoni mi tana nogoria e sui vania. ?Maia e mate, me laka iava ia kalina?

Nina Papi A Job 5:26

Migoe sauba ko mate kalina ko tuqatuqa sosongo nogo, vaga nogo kalina e ganoga na uiti mara anguni sagegira tana nauna na mani dudusi uiti.

Tuturigana 49:1

Ma Jakob e soasaigira na dalena mane sui me tsarivanigira, “Kamu mai tupolipoliau, minau kau katevulagi vanigamu na omea sauba ke laba vanigamu tana tagu ke mai i muri.

Tuturigana 35:29

me mate kalina e tuqatuqa sosongo nogo; mi kaira a Esau ma Jakob na dalena ara ka qilua.

Tuturigana 25:17

Ma Ismael e tsaulia kesa sangatu tolu sangavulu vitu ngalitupana kalina e mate.

Tuturigana 15:5

Ma na Taovia e soa rutsumia a Abram i tano me tsarivania, “Ko morodato i gotu tana masaoka mo ko tovoa na tsokoaqira na veitugu sui o reigira i tana; migoe na kukuamu sauba kara danga vaga nogo na veitugu o reigira i gotu.”

Tuturigana 49:32

Na kao ia ma na vatuluma e totu i laona ara volia i koniqira na Het. Kamu qiluau inau i tana.”

Tuturigana 50:1

Ma Josep e puka kovoragi konina na tamana, me ngangai me domidomia na ngorana.

2 Taovia Tsapakae 13:14

Ma Elisa na propete e lobogu loki sosongo, me kesa dani kalina e varangi nogo ke mate, maia Jehoas na taovia tsapakae ni Israel e ba tsigovia. Me ngangai me tsarivania, “!Tamaqu, Tamaqu! !Igoe nogo gamami susuliga igami na Israel!”

2 Taovia Tsapakae 13:20

Me mate a Elisa mara qilua. I laona pipi na ngalitupa igira visana na alaala na Moab ara tau kuti na mai ma na bokiana na kao ni Israel.