Tuturigana 49:26 - Ghari

²⁶ Na vangalaka na sila ma na latsena gai, Na vangalaka ara tsau bâ tana vungavunga saliu. Migira na omea dou sui ara totu tana tetena saliu. Migira sui na vangalaka girani kara totu vanigo igoe a Josep, Igoe o paladato i laoqira sui na kulamu.

Tuturigana 49:26 Referans Kwoze

Habakuk 3:6

Mi kalina aia e ba tu dodo, me oloolo takuti na barangengo; mi kalina e moro bâ i koniqira na tinoni, migira na puku sui ara gagariri tana matagu. Migira na vungavunga saliu ara viri tatsora tsuna i lao, migira na tetena i tana nogo aia e liu bâ tana tagu putsi, ara viri luvutsuna lê.

Jona 2:6

Au tsuna bâ tsau tana pukuna na vungavunga, i tana e totu na barakapu e vongo saviliu. Migoe nogo Taovia niqu God o maurisiau tania na qou loki ia.

Isaia 66:5

Igamu sui amu kukuni tania na Taovia mamu rongomangana, kamu rongomia na omea aia e tsaria: “Tana rongona nogo igamu amu totukakai i koniqu inau, ti igira visana nimui tinoni ara reisavigamu mara sove tanigamu. Igira ara tsirigamu mara tsaria, ‘Molovania na Taovia ke sauvulagia na susuligana me ke laumaurisigamu, mi tana ti igami kami reiginia nimui magemage.’ !Bâ, minau au tsarivanigamu laka igira nogo sauba kara paluvangamaqira!

Isaia 54:10

Me atsa moa ti igira na vungavunga ma na tetena kara tatsora, ma niqu galuve vanigo inau sauba e utu saikesa ke sui, me sauba kau manali sailaginia niqu tabana na vaitasogi na rago au naunogoa kolugo. Inau nogo na Taovia au galuve sosongoligo au tsaria na omea iani.”

Linge 132:18

Inau sauba kau paluvangamaqira popono igira gana gala, ma kau naua ma gana susuliga ke pabo babâ me ke totu kakai saviliu.”

Linge 89:36

Migira na kukuana aia sauba kara vaitugugi datodato, minau sauba kau reitutugu sailaginia na verana vaga nogo na sinana na aso e sina kalavata me vo sui.

Tsoko Tinoni 6:2

ke sauvanigira na tinoni ni Israel na vovorona vaga girani. “Ti vaga ke kesa na mane se na daki ke naua kesa nina veke gana na lia na Nasirite, me ke balo segenina vaniau na Taovia,

Tuturigana 37:28

Mi kalina visana na mane tsabiri ni Midian ara liu mai i tana, migira na kulana ara raqadatoa a Josep tania na tuvu mara tsabiriginia e rukapatu na tavina siliva vanigira na Ismael, migira ara adivanoa i Ejipt.

Epesus 1:3

Igita ka soadoua God na Tamana nida Taovia Iesu Kristo. Rongona aia e vangalaka sosongo vanigita i laona nida mauripata koluana a Iesu Kristo, me tusuvanigita pipi sui na vangalaka ni gotu.

Aqoaqo 7:9

“Mi tugira na dalena a Jakob ara tu masugu vania a Josep aia nogo e kesa tu tasiqira. Mara tu tsabiria, migira na tinoni ara volia a Josep ara tsekavanoa i Ejipt. Maia God e totu sailagi kolua a Josep me sangadoua,

Tuturigana 37:8

Migira na kulana ara veisuâ, “?Laka o padâ igoe sauba ko lia na taovia tsapakae mo ko tagaovi kaputigami igami?” Mi tana, migira ara reisavi loki gotoa bâ rongona nina bolebole ma na rongona goto na omea aia e tsaria tana rongoqira igira.

Tuturigana 49:27

“A Benjamin e vaga kesa na pai atsi veveigâ. Tana matsaraka mi tana ngulavi aia e labumate me gania.”