Tuturigana 49:22 - Ghari

²² “A Josep e vaga kesa na asi atsi liligina na vuravura, Me vaga na dalena asi atsi tana tetena.

Tuturigana 49:22 Referans Kwoze

Tuturigana 41:52

Maia e tsarigotoa, “God e sauvaniau na dalequ tana kaona niqu rota”; te aia e soaginia na rukanina dalena mane a Epraim.

Linge 128:3

Ma na taumu sauba ke vaga na itai na uaeni vuaga i laona na valemu, migira na dalemu sauba kara tutû polia nimu bela na mutsa vaga moa na vasuna na olive.

Tuturigana 46:27

Me kolukaira ruka na baka mane e vasukaira ko Asenat vania a Josep i Ejipt mara gini tsaulia e vitu sangavulu na tinoni tana nina tamadale a Jakob ara vano i Ejipt.

Esekiel 19:11

Maia na arana susuliga bâ e lia gana itoro na taovia tsapakae. Ma na itai na uaeni ia e dato me ba tsau tana parako; migira na tinoni sui ara gini beke na morosiana na katsina, kolugira goto na arana ma na rauna dangadanga.

Linge 128:1

Ara mage igira ara kukuni tania na Taovia, mara mauri murigira nina ketsa.

Tuturigana 48:16

!Ma na angelo aia e laumaurisiau inau tania na omea seko sui ke tabukaira! !Ma na soaqu inau ma ka soaqira kaira na tamaqu a Abraham ma Isaak ke totu mamauri ka koniqira na baka karani! !Ma kara ka tamani danga ka daleqira ma ka kukuaqira!”

Tuturigana 48:5

Me goko babâ moa a Jakob me tsaria, “Igoe a Josep, kaira ruka na dalemu mane e vasuvanigo ko Asenat ieni tana Ejipt kalina inau au tau vati mai moa, i kaira ara ka niqu tamani nogo inau; kaira sui a Epraim ma Manase ara ka niqu nogo inau vaga saikesa nogo kaira a Ruben ma Simeon au vasukaira.

Tuturigana 48:1

Kesa tana tagu i muri, mara tsarivania a Josep laka e lobogu na tamana. Maia e adikaira a Manase ma Epraim na dalena mara tu vano na reiana a Jakob.

Tuturigana 49:23

Igira gana gala ara baginikakaia Mara takuviginia niqira parige ma na pipili.

Linge 80:10

Na auauna e ausigira na vungavunga sui; e tamumurau me ausigira goto na gaina sida loki.

Hosea 13:15

E atsa moa ti igira na Israel ara dangadato vaga moa na buruburu, minau sauba kau molo bâ na guguri papara talu tana kaomate i longa, me ke mamatsaligira niqira vuravura na kô ma niqira tuvu. Me ke salaligigira pipi sui niqira omea loki matena.

Tuturigana 48:15

Maia e tabua a Josep me tsaria: “!Aia na God i kaira na tamaqu a Abraham ma Isaak ara ka aqo vania, ke tabukaira na baka karani! !God aia e tagaovia na mauriqu popono tsaumai i dani eni ke tabukaira!