Tuturigana 49:19 - Ghari

¹⁹ “A Gad sauba kesa na alaala na tinoni vanga komi kara maiginia, Maia sauba ke pilovisu me ke takuvigira.

Tuturigana 49:19 Referans Kwoze

Tuturigana 30:11

Me tsaria ko Lea, “Au tangomana manana”; maia e soaginia na baka ia a Gad.

1 Turupatu Dato 5:26

Mi tana, maia God e naua ma Pul na taovia tsapakae ni Asiria, aia ara soaginigotoa a Tiglat Pileser, ke bâ me ke bokia na veraqira. Maia e tuliusigira me aditsekavanogira na puku tu koniqira a Ruben, ma Gad, ma na Manase Tabana i Longa, me ba mologira kara totu pukuga i Hala, mi Habor, mi Hara, mi liligina goto na Kô Gosan.

Josua 13:8

Na puku tu koniqira a Ruben ma Gad ma na turina na puku i konina a Manase ara tu aditamaniqira nogo na kao aia a Moses nina maneaqo na Taovia e saunogoa vanigira; ma na kao ia e totu tabana i longa na Kô Jordan.

Tuturigana 46:16

A Gad mi tugira na dalena: aia Sepon, ma Hagi, ma Suni, ma Esbon, ma Eri, ma Arod ma Areli.

Tuturigana 49:20

“Ma nina kao a Aser sauba ke lakaga dou na mutsa i laona. Maia sauba ke aqosia na mutsa ke tugua na sauvaniana na taovia tsapakae.

1 Turupatu Dato 12:9

A Eser aia nogo gaqira taovia, me tsarimai a Obadia, me tsari a Eliab, me tsari a Mismana, me tsaria a Jeremia, me tsari a Atai, me tsari a Eliel, me tsari a Johanan, me tsari a Elsabad, me tsari a Jeremia, me tsari a Makbanai.