Tuturigana 46:2 - Ghari

² Ma God e laba vania a Jakob tana bongi me soâ, “!Jakob, Jakob!” Ma Jakob e tsaria, “Eo, ieni inau.”

Tuturigana 46:2 Referans Kwoze

Tuturigana 15:1

Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Aqoaqo 16:9

Mi tana bongi nogo ia, ma Paulo e reia kesa na moro tana maturuna. Aia e reia laka kesa na mane ni Masedonia e mai tutuu i matana me ngasua, “!Ko savumai i Masedonia, mo ko sangagami!”

Aqoaqo 10:3

Mi tana tolu na kiloko kesa tana ngulavi, maia e reia e tavongani laba malemale vania kesa nina angelo God me tsarivania, “!Kornelius!”

Aqoaqo 9:10

Me totu nogo i Damaskus e kesa na tinoni tutuni, aia a Ananias na asana. Na Taovia e laba vania tana moro, me soaa na asana, “!A Ananias!” Ma Ananias e tsarivania, “Inau ieni, Taovia.”

Aqoaqo 9:4

Maia e puka tsuna i lao, me rongomia kesa na goko e tsarivania, “!A Saul, Saul! ?Matena gua o rotasiau?”

Daniel 2:19

Mi tana bongi nogo ia ma God e sauvulagi vania a Daniel tana moro na omea ara totu popoi tana bolebole ia, maia e tsonikaea na God ni baragata me tsarivaganana iani:

Nina Papi A Job 4:13

Maia e laba vaniau tana bongi, me toro butosia niqu maturu.

2 Turupatu Dato 26:5

Mi tana tagu popono e mauri a Sekaria, aia nogo e sauparovata vania a Usia, te a Usia e gini kukuni tania na Taovia me aqodou manana vania, ma God e vangalaka vania.

1 Samuel 3:10

Ma na Taovia e mai me tû i ligisana, me soa asana tugua vaga e naunogoa tana idana, “!A Samuel! !A Samuel!” Ma Samuel e gokovisu me tsaria, “Ko goko Taovia, inau nimu maneaqo au rongovata.”

1 Samuel 3:4

ma na Taovia e soâ a Samuel. Maia e gokovisu me tsaria, “!Eo, taovia!”

Tsoko Tinoni 24:4

ma na kuliqu au rongomidouginia na omea God e tsaria. Maia God Susuliga Sosongo e naua mau gini moro tatavata vaga moa tana bolebole.

Tsoko Tinoni 12:6

ma na Taovia e tsarivanikaira, “!Mi kalina ia, kamu ka rongomia na omea inau kau tsarivanikagamu! Kalina igira na propete ara totu i laomui igamu, minau au laba vanigira tana moro, mau goko vanigira tana bolebole.

Tuturigana 31:11

Nina angelo God e goko vaniau tana bolebole ia me soaau, ‘!A Jakob igoe!’ Minau au tsaria, ‘Eo.’

Tuturigana 22:11

Mi tana tsotsodo kesa nina angelo na Taovia e goko tsunamai vania tû i gotu i baragata me tsaria, “!Abraham, Abraham!” Maia e tsaria, “Inau ieni Taovia.”

Tuturigana 22:1

Me kesa tana tagu i muri, ma God e tovolea a Abraham me soâ, “!Abraham!” Ma Abraham e tsaria, “Inau ieni Taovia!”

Tuturigana 15:13

Ma na Taovia e tsarivania, “Igira na kukuamu sauba kara tinoni labavô kesa tana vera tavosi, me sauba kara lia niqira tseka na tinoni ni tana, me sauba kara rotasi sekoligira i laona ke vati sangatu na ngalitupa.

Aqoaqo 10:13

Me tangi kesa na goko me tsarivania, “!A Petero, ko tuu; mo ko labugira mo ko ganigamu!”

Tuturigana 20:3

Me kesa tana bongi ma God e laba vania a Abimelek tana bolebole me tsarivania: “Igoe sauba ko mate, rongona o adia na daki iani; maia e tauga nogo.”

Tinoni Pede 7:2

Ma na Taovia e tsarivania a Gideon, “Na mane ara totu kolugo igoe ara danga sosongo liusia na dangana vaga au kilia inau gana kau mologira na Midian tana limamui. Me tau utu sauba kara padâ laka ara gini tangomana tana susuligaqira segeni igira, me ke tagara inau.

Tinoni Pede 7:9

Mi tana bongi nogo ia ma na Taovia e ketsalia a Gideon me tsarivania, “Ko tû mo ko ba vailabu kolugira na Midian. Inau sauba kau mologira i limamu igoe.

Sekaria 1:8

Inau au rei bâ kesa nina angelo na Taovia e sagekae i kelana kesa na ose tsitsi. Aia e ba tutû i levugaqira na gai i laona na poiatsa, mara visana goto na ose tsitsi, ma na tuputupugana, ma na serena, ara tutû i murina.