Tuturigana 46:12 - Ghari

¹² Ma Juda mi tugira na dalena: aia Sela, ma Peres ma Sera. Mara ka ruka goto na dalena a Juda ara ka mate nogo i Kanaan, kaira nogo a Er ma Onan. Mi kaira na dalena a Peres, kaira a Hesron ma Hamul.

Tuturigana 46:12 Referans Kwoze

1 Turupatu Dato 4:21

Ma Sela aia nogo e kesa vidaqira na dalena a Juda. Migirani nogo na dalena a Sela: a Er aia e vaturia na vera ni Leka; ma Laada aia e vaturia na vera ni Maresa; migira goto tana duli ara aqo tana vosipolo mara totu i Bet Asbea;

Tuturigana 38:10

Ma na Taovia e tau reingaoa na omea vaga e naua a Onan, me matesigotoa aia.

Tuturigana 38:7

Ma nina omeomea a Er e seko sosongo, ma na Taovia e tau reingaoa, me vaga ia ma na Taovia e matesiligia.

Tuturigana 29:35

Mi muri, maia e tiana tugua me vasugotoa kesa na dalena mane. Me tsaria, “Mi kalina ia inau sauba kau tsonikaea na Taovia”; maia e soaginia na baka ia a Juda. Mi tana, maia ko Lea e mango na tamani dalena.

Na Katemai 5:5

Mi tana e kesa vidaqira na tuqa tabu e gokomai me tsarivaniau, “Ko laka na ngangai. !Ko reia baa! Aia nogo na Laeone tana duli konina a Juda, aia na kukuana loki a David, aia e mana nogo gana. Maia segeni moa e ulagana ke pokatiligitugira vitu na bubulutina, me ke sangavia na viviruna na papi iani.”

Hibru 7:14

Eo, na tinoni sui ara donagininogoa laka a Iesu e botsa tana puku konina a Juda. Ma Moses aia e tau gini goko tana rongona na puku konina a Juda kalina aia e gini goko tana rongoqira na manetabu. E gini goko moa tana rongona na puku konina a Levi.

Linge 78:68

Maia e tû moa, me ba viligira na puku konina a Juda, ma na Vungavunga Sion aia nogo e reingao sosongolia bâ.

1 Turupatu Dato 5:2

Me atsa moa ti a Josep e adidatoa nina omea sui na tamana, ma na puku konina a Juda e susuliga liusia aia, mi konina nogo ia e talu kesa na taovia tagao e tagaovigira pipi sui na puku tavosi.

1 Turupatu Dato 3:1

Tugirani nogo na dalena mane a David na taovia tsapakae ara tu botsa kalina aia e totu moa i Hebron: Na kesanina a Amon, aia na dalena ko Ahinoam ni Jesreel, na rukanina a Daniel, aia na dalena ko Abigail ni Karmel, na tolunina a Absalom, aia na dalena ko Maaka, na dalena daki a Talamai na taovia tsapakae ni Gesur, ma na vatinina a Adonija, aia na dalena ko Hagit, ma na tsegenina a Sepatia, aia na dalena ko Abital ma na oninina a Itream, aia na dalena ko Egla.

1 Turupatu Dato 2:1

Ma Jakob e tamanitugira sangavulu ruka na dalena mane: tugira nogo a Reuben, ma Simeon, ma Levi, ma Juda, ma Isakar, ma Sebulun,

Tinoni Pede 1:2

Ma na Taovia e tsarivanigira, “Ke ida tsotsodo na puku konina a Juda. Inau sauba kau moloa na kao tana limaqira igira.”

Na Vaolusi Ketsa 33:7

Mi tana rongoqira igira tana puku konina a Juda aia e tsaria: “Taovia, ko rongomia niqira ngangaidato vanigo gana ko sangagira; ko adisaigira tugua kolugira na puku tavosi. Taovia ko vailabu tuguqira, mo ko sangagira tanigira gaqira gala.”

Tuturigana 38:4

Maia e tiana tugua me vasugotoa kesa na baka mane, me soaginia a Onan.

Tuturigana 46:11

Ma Levi mi tugira na dalena: aia Gerson, ma Kohat ma Merari.

Tuturigana 46:13

A Isakar mi tugira na dalena: aia Tola, ma Pua, ma Jasub, ma Simron.

Nina Papi Ko Rut 4:12

Migira sui na dalemu aia na Taovia sauba ke tusuvanigo tana daki vaolu ia, ke gini pabo me ke dato na vungu konimu igoe, me ke lia vaga saikesa nogo na vungu konina a Peres ka daleqira a Juda ma ko Tamar.”

1 Turupatu Dato 9:4

Migira ara 690 na vungu tana puku konina a Juda ara totu i Jerusalem. Migira na kukuana a Peres na dalena a Juda ara moloa a Utai na dalena a Amihud ma na kukuana a Omri ke lia gaqira ida. Kaira a Imri ma Bani, kaira goto na mumuana a Peres. Migira na kukuana a Sela na dalena a Juda ara moloa a Asaia aia e tinoni loki nogo tana nina vungu, ke lia gaqira ida. Migira na kukuana a Sera na dalena a Juda ara moloa a Jeuel ke lia gaqira ida.

Tuturigana 38:5

Mi murimai, maia e tamanina tugua kesa na dalena mane, me soaginia a Sela. Mi kalina e botsa na baka mane ia, ma Juda e totu i Aksib.

1 Turupatu Dato 4:1

Igirani nogo visana na kukuana a Juda: a Peres, ma Hesron, ma Karmi, ma Hur, ma Sobal.

Nehemia 11:24

Ma Petahia na dalena a Mesesabel tana duli konina a Sera ma na puku konina a Juda aia e totu i Persia gana na sauparovata vania na taovia tsapakae tana omea sui e kalegira na tinoni ni Israel.