Tuturigana 42:28 - Ghari

²⁸ Maia e soagira na kulana me tsaria, “!Tugamuna, niqu qolo inau e visumaitugua i koniqu! !Reia, e totu ieni i laona niqu todo!” Migira sui ara matagu mara vaiveisuagi, “?Nagua vaga God e nauvanigita igita?”

Tuturigana 42:28 Referans Kwoze

Luka 21:26

Ke kaso na tobaqira na tinoni ma kara gini mateluvu kalina kara pitua nagua ke laba vania na barangengo, rongona tana dani vaga ia, sauba kara viri aligiri na omea susuliga sui ni gotu.

Amos 3:6

?Mi kalina e tangi na tavuli na vailabu i laona na vera laka e tau posuligira na tinoni ara totu tana? ?Me laka e dona ke tavongani gadovia na rota loki kesa na verabau ti vaga na Taovia e tau molo bâ na rota ia vania? E utu.

Tangitangi 3:37

E utu saikesa ke laba sa omea ti vaga God ke tau tami talua ke laba.

Tangitangi 2:17

Na Taovia e naunogoa na omea aia e vorogokona nogo, me manalia na omea aia e pede okanogoa. Aia e tau goto gaego, me pukuli saikesalia gamu susuliga, me tami vanigira gamu gala kara tseqo poligo, ma kara tuliusigo.

Isaia 45:7

Inau nogo au goko me gini laba na marara ma na rodo. Minau goto nogo au molomaikaira sui na tagu dou ma na tagu seko. Inau nogo na Taovia au naugira pipi sui na omea girani.

Linge Na Galuve 5:6

Mau sangavia na matsapa vania niqu udu, maia e vano kiki nogo. Mau padavisua moa nina goko, me gini seko na tobaqu. Mau lave bamaia, mau tau goto ba tsodoa; mau soâ, maia e tau goto kiki gokovisu vaniau.

Linge 61:2

!Au totu ao tania na veraqu, me ponopala sosongo na tobaqu, mau soago igoe ko sangaau! Ko adiau bâ kesa tana nauna i tana kau totu raviravi dou,

1 Taovia Tsapakae 10:5

Me morosigira sui na mutsa ara totu tana nina bela na mutsa, ma na sasaqira tana ara totu igira nina mane sasanga, ma niqira aqo ara naua ma na poloqira ara sagelia igira ara aqo tana valena, migira goto ara aqo tana adimutsa mai vaniana tana tagu na mutsa sai, ma na kodoputsa dangadanga aia e savorigira i laona na Vale Tabu. Maia e gini beke me datokesa na mamagona na reiaqira na omea vaga girani.

Na Vaolusi Ketsa 28:65

Me sauba kamu tau goto tsodoa na rago sa nauna, ma kamu tau tamanina sa veramui segeni; ma na Taovia sauba ke naua ma kamu totu tana padasavi, me ke ponopala na tobamui, ma kamu padâ laka amu seko pitsu nogo.

Aqo Manetabu 26:36

“Me sauba inau kau naua, migamu amu totu tsinogo sauba kamu gini matagu loki sosongo kalina kamu rongomia na rerekena na rau e uvia na guguri, ma kamu viri tsogo lê. Ma kamu ulo vaga moa kalina ti kara takuvigamu tana tagu na vailabu, me sauba kamu viri puka lê kalina e tagara goto sa gamui gala ke varangisigamu.

Tuturigana 43:23

Ma na maneaqo e tsaria, “Kamu laka na gini boe. Laka goto na matagu. Ngatsu nimui God, aia nina God na tamamui, aia nogo ke molovisu vanigamu nimui qolo i laona nimui todo. Inau au adinogoa na matena popono na omea igamu amu volia.” Mi muri, maia e bâ me adimaia a Simeon i koniqira.

Tuturigana 42:36

Ma na tamaqira e tsarivanigira, “Igamu amu ngaoa kara nanga sui taniau na dalequ. A Josep e nanga nogo, ma Simeon e nanga goto; mi kalina ia migamu amu ngaogotoa kamu adiligi taniau a Benjamin. !Inau moa e ngoli sosongoliau na rotana na omea sui girani!”

Tuturigana 27:33

Mi tana ma Isaak e tuturiga na gagariri na kokorana popono me veisuâ, “?Laka asei aia e matesinogoa gaqu omea tuavati inau me adimaia vaniau? Au ganinogoa inau ti o sagemai igoe. Minau au tabusuinogoa, me vaga ia ma na tabu ia nina saviliu nogo aia.”

Tuturigana 42:29

Mi kalina ara labavisumai i Kanaan i konina a Jakob na tamaqira, mara turupatuna vania pipi sui na omea e laba vanigira mara tsaria: