Tuturigana 41:25 - Ghari

²⁵ Ma Josep e tsarivania na taovia tsapakae, “I kaira sui na bolebole kaira, e kesa moa atsa ka rongoqira; maia God e gini tsarivulagi vanigo igoe na omea aia sauba ke naua.

Tuturigana 41:25 Referans Kwoze

Daniel 2:45

Migoe o morosigotoa e koegua kesa na vatu e tavongani tapiu lê tania na maragova me tau goto pelea ke kesa, me ba gadovia na titinoni ara aqosiginia na tapalalaka ma na tapalamila, ma na kao tsitsi, ma na siliva, ma na qolumila. Tana omea vaga iani God e gini saulabati vanigo igoe taovia na omea sauba ke laba tana tagu ke mai. Iani nogoria e vaga na lakana manana na omea igoe o reia tana bolebole mau nusivanigo nogo na rongona laka.”

Na Katemai 4:1

Mi murina ia, minau au momoro moa, mau reia e tavongani ova kesa na matsapa i baragata. Maia e gokomai vaniau tana idana ma nina goko e tatangi vaga nogo na tavuli, aia e gokomaitugua vaniau me tsaria, “Ko datomai ieni, minau sauba kau saulabativanigo na omea nina aqo ke laba goto i muri.”

Epesus 1:17

Mau nongia nina God a Iesu Kristo nida Taovia, aia na Taovia na Marara, ke tusuvanigamu na Tarunga Tabu, maia sauba ke naua ma kamu sasaga sosongo, me ke saumakalia God vanigamu ma kamu gini donadouginia.

Marko 13:23

!Kamu parovata dou! Inau au katevulagi idanogoa vanigamu na omea sui girani, kalina e tau vati labamai na taguna.

Mateo 24:40

Mi tana dani nogo ia, ti vaga kara ka ruka na mane kara ka aqosai tana uta, me kesa sauba kara adiligia, me ke kesa ke totuvisu.

Amos 3:7

Ma na Taovia God aia e tau tavongani nausegenia sa omea ti vaga ke tau tsaritalua vanigira na propete igira nina maneaqo.

Daniel 2:47

Ma na taovia tsapakae e tsaria, “Nimu God igoe aia segeni moa e loki tsapakae liusigira sui lakalaka na god tavosi, me taovia kaputigira na taovia tsapakae sui, maia moa e dona ke sauvulagia na omea ara totu popoi. Minau au donaginia laka e mana na omea iani rongona igoe segeni moa o tangomana na vuresi makaliana vaniau na omea ara totu popoi tana niqu bolebole.”

Isaia 43:9

Kamu soagira na puku tavosi sui goto ma kara mai laba tana tinete. ?Laka asei vidaqira niqira god igira tangomana ke katevulagia na omea sauba ke laba ke sau? ?Masei vidaqira igira e katevulagi idanogoa na omea ara laba i dani eni? Molovanigira na god peropero girani kara adimaigira gaqira rongovata, gana kara manaliginia laka igira nogo ara kategira idanogoa laka kara laba na omea vaga ara laba i dani eni.

Linge 98:2

Na Taovia nogo e katevulagia laka e managana; me sauvulagia na susuligana loki vanigira na puku sui.

Josua 11:6

Ma na Taovia e goko vania a Josua me tsaria, “Ko laka na mataguniaqira igira. Tana tagu vaga nogo iani ke dani, minau sauba kau matesigira sui lakalaka gamui gala i matamui igamu na Israel. Ma nimu aqo igoe ko logusia na tuaqira niqira ose mo ko tungigira sui niqira terê.”

Tuturigana 41:16

Ma Josep e tsarivania, “Taovia, inau segeniqu goto au tau tangomana, maia God sauba ti ke sauvanigo na rongona laka.”

Binaboli 9:14

Mi kalina ia inau sauba kau tau kedegira moa nimu mane sasanga ma nimu toga, me sauba kau kedego goto igoe, rongona ko gini donaginia laka e tagara goto sa god ke atsa koluau inau tana barangengo popono.

Tuturigana 41:26

Tugira vitu na buluka papaquru tugira na papadana vitu na ngalitupa, mi tugira goto vitu na vunguna sila patudou tugira na papadana goto vitu na ngalitupa, mi kaira sui na bolebole kaira e kesa moa atsa ka rongoqira.

Tuturigana 41:28

Aia saikesa nogo na omea au tsarivanigo nogo inau, God e sauvulagi vanigo igoe na omea aia sauba ke naua.

Tuturigana 41:32

Ma ka rongoqira na bolebole igoe o bolekaira e vaga ieni: aia God e titinogoa na taguna, me utu ke oka me ke laba.

Tuturigana 40:8

Mi kaira ara ka tuguvisua mara ka tsaria, “I kagami ami ka tango kesa na bolebole ami ka bolea, me tagara ke kesa ieni tangomana ke nusirongona vanikagami.” Ma Josep e tsaria, “Aia God segeni moa e saua na sasaga gana na nusirongona na bolebole. Bâ, kamu ka turupatuna vaniau inau na omea amu ka bolea.”