Tuturigana 41:14 - Ghari

¹⁴ Mi tana e tû na taovia tsapakae, me mologira visana kara ba adimaia a Josep, migira ara adimaitsakua talu tana vale sosori. Mi murina, kalina e tsatsara me oli polona sui, maia e mai i matana na taovia tsapakae.

Tuturigana 41:14 Referans Kwoze

Daniel 2:25

Maia Ariok e adivanotsakua a Daniel i matana a Nebukadnesar na taovia tsapakae me tsarivania, “Inau au ba tsodovulagia kesa vidaqira na Tsiu igira na tsinogo, aia tangomana ke nusirongona vanigo nimu bolebole igoe taovia.”

2 Taovia Tsapakae 25:29

Me vaga ia, mara tamivania a Jehoiatsin ke olia na polona gana na totu tana vale sosori, me ke sagelia na polo dou, me ke sanga mutsa tana nina bela na mutsa na taovia tsapakae tana maurina popono.

Isaia 61:3

ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Esta 5:1

Tana tolunina dani na vitoa ko Esta e sagelitugua nina polo na daki taovia, me ba sage tana pakokana na valena na taovia tsapakae, me tû arokalea na vokina. Ma na taovia tsapakae e tototu tana nina sasana na totukae, me totu aro bâ i matana valena.

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Binaboli 10:16

Mi tana, ma na taovia tsapakae e soatsakukaira a Moses ma Aaron me tsarivanikaira, “Inau au sasi manana i matana na Taovia ka nimui God, mi ka matamui goto kagamu.

2 Samuel 19:24

Mi muri, ma Mepiboset na kukuana a Saul e mai goto na valaleana na taovia tsapakae. Maia e tau goto vulimalea na tuana, se ke aragodoua na ngolana, se ke tsagimalegira na polona, tuturiga tana tagu aia na taovia tsapakae e mololea i Jerusalem tsau kalina aia e visumai doutugua.

Sasani Sasaga 4:14

atsa moa aia ke tû tana vale sosori me ke bâ lia na taovia tsapakae, se ke botsa sekona lê i laona na vera i tana aia e lia na taovia tsapakae.