Tuturigana 38:29 - Ghari

²⁹ Maia na baka e raqa visutugua na limana, ma na kulana e ida botsa. Mi tana ma na daki e adivasusuna e tsaria, “!Laka aia nogoria e vaga nimu botsa igoe!” Maia na rongona ti ara soaginia a Peres.

Tuturigana 38:29 Referans Kwoze

Mateo 1:3

a Juda ka tamaqira a Peres ma Sera, ma ko Tamar ka tinaqira; a Peres na tamana a Hesron; a Hesron na tamana a Ram;

1 Turupatu Dato 2:4

Mara ka ruka ara ka botsa konina ko Tamar na savana na dalena, kaira nogo a Peres ma Sera.

Tuturigana 46:12

Ma Juda mi tugira na dalena: aia Sela, ma Peres ma Sera. Mara ka ruka goto na dalena a Juda ara ka mate nogo i Kanaan, kaira nogo a Er ma Onan. Mi kaira na dalena a Peres, kaira a Hesron ma Hamul.

Nehemia 11:6

Mi laoqira na kukuana a Perez ara 468 na tinoni tangirongo ara totu i Jerusalem.

Nina Papi Ko Rut 4:12

Migira sui na dalemu aia na Taovia sauba ke tusuvanigo tana daki vaolu ia, ke gini pabo me ke dato na vungu konimu igoe, me ke lia vaga saikesa nogo na vungu konina a Peres ka daleqira a Juda ma ko Tamar.”

Luka 3:33

ma Nason na dalena a Aminadab; ma Aminadab na dalena a Admin; ma Admin na dalena a Arni; ma Arni na dalena a Hesron; ma Hesron na dalena a Peres; ma Peres na dalena a Juda;

Nehemia 11:4

Tana puku konina a Juda ara ka ruka na tinoni lokiloki, kaira nogo a Ataia ma Maaseia. Ma Ataia aia na dalena a Usia ma na kukuana a Sekaria. Migira visana goto na mumuana tugira nogo a Amaria, ma Sepatia, ma Mahalalel, i tugirani na kukuana sui moa a Perez na dalena a Juda.

1 Turupatu Dato 9:4

Migira ara 690 na vungu tana puku konina a Juda ara totu i Jerusalem. Migira na kukuana a Peres na dalena a Juda ara moloa a Utai na dalena a Amihud ma na kukuana a Omri ke lia gaqira ida. Kaira a Imri ma Bani, kaira goto na mumuana a Peres. Migira na kukuana a Sela na dalena a Juda ara moloa a Asaia aia e tinoni loki nogo tana nina vungu, ke lia gaqira ida. Migira na kukuana a Sera na dalena a Juda ara moloa a Jeuel ke lia gaqira ida.

Tuturigana 38:28

Mi kalina aia e vavatsangia na dalena, me kesa ka vidaqira na baka e ida e sau rutsumia kesa tabana limana; maia na daki e adivasusuna e tangolia na limana ia, me sori bâ kesa na koteni tsitsi konina me tsaria, “Iani nogo e botsa ida.”