Tuturigana 32:5 - Ghari

⁵ Inau au tamanigira na buluka, na asi, na sipi, na naniqoti, ma na tseka. Minau au mologoko ba vanigo taovia gana ke gini visu papadamu mo ko soalakaau tugua.”

Tuturigana 32:5 Referans Kwoze

Tuturigana 33:8

Ma Esau e veisuâ, “?Megua igira na alaala inau au tsodogira idaida? ?Nagua na rongona gira?” Ma Jakob e tuguvisua me tsaria, “Igira nogo niqu vangalaka vanigo igoe rongona igoe ko tabedouau.”

Tuturigana 33:15

Ma Esau e tsaria, “Me ti e vaga ia, mo ko tamivaniau moa ma kau molovisugira visana niqu mane kara totu kolugo.” Ma Jakob e tsarivania, “E tau goto tamani rongona ke vaga ia, ti vaga ke dou vanigo moa igoe.”

Nina Papi A Job 6:22

?Me laka inau au nongigamu nogo kamu sauvaniau sa vangalaka, se kamu volidodoa ke kesa rongona ke mai me ke sangaau

2 Samuel 16:4

Ma na taovia tsapakae e tsarivania a Siba, “Pipi sui lakalaka na omea e tamanina a Mepiboset nimu tamani nogo igoe.” Ma Siba e tsaria, “Inau nimu maneaqo. !Au amesia laka kau dou sailagi i matamu igoe taovia!”

1 Samuel 1:18

Ma na daki ia e tsarivania a Eli, “Au soadougo taovia, mau nongigo ko padaau tana nimu nonginongi.” Maia e tû me vano, me ba mutsa gana, me tau nogo melu tobana.

Nina Papi Ko Rut 2:2

Me kesa dani, ma ko Rut e tsarivania ko Naomi, “Au nongigo ko tamivaniau ma kau vano kesa tana uta ma kau tsakogira na piuna na barli igira na maneaqo ara tsidavaginilea. Inau au dona nogo laka sauba kau tsodovulagia ke kesa, maia ke tamivaniau ma kau aqo kolua tana nina uta.” Ma ko Naomi e tsarivania, “Bâ igoe dalequ.”

Tuturigana 47:25

Migira ara tsaria, “Taovia, igoe o maurisigami mo dou sosongo vanigami, migami sauba kami lia moa nina tseka na taovia tsapakae.”

Tuturigana 33:11

Kiki, ko tamia moa na adiana na vangalaka girani inau au adimaigira vanigo. God e dou sosongo vaniau inau me sauvaniau na omea sui au kilia vania na mauriqu.” Ma Jakob e rai sosongolia a Esau poi tsau kalina aia e tami na adiana nina vangalaka.

Tuturigana 31:16

Migira sui lakalaka na omea dou aia God e adiligia tania ka tamamami kagami igira sui ka tamanimami kagami nogo kolugira ka dalemami. Migoe ko naua moa na omea God e tsarivanigo ko naua.”

Tuturigana 30:43

Mi tana nauvaganana ia, ma Jakob e gini tamani omea danga sosongo. Ara danga nina naniqoti, ma nina sipi, nina tseka, nina kamelo ma nina asi.

Luka 12:45

“Me ti vaga na mane ia, na maneaqo seko, me sauba aia ke pada segenia i tobana laka gana taovia sauba ke oka sosongo ti ke visumai. Maia ke tuturiga na labuaqira na tinoni aqo tavosi, na mane ma na daki, me ke mutsa loki me ke inu loki, me ke gini bule.

Tuturigana 31:3

Mi muri ma na Taovia e tsarivania a Jakob, “Ko visutugua tana niqira kao na tamamu ma na kamamu. Minau sauba kau totu kolugo.”