Tuturigana 32:29 - Ghari

²⁹ Ma Jakob e tsaria, “Mi kalina ia ko tsarivaniau inau na asamu.” Ma na mane ia e veisuâ, “?Rongona gua ti o ngaoa igoe ko donaginia na asaqu inau?” Mi muri maia e tabua a Jakob.

Tuturigana 32:29 Referans Kwoze

Isaia 9:6

!Rongona e kesa na baka e botsamai vanigita! !E kesa na baka mane God e tusua vanigita! Aia nogo sauba ke lia nida taovia, me ke tagaovi kaputigita. Me sauba kara soaginia “Aia e Naua na Totosasaga Laka,” “God Susuliga,” “Tamana Saliu,” “Na Taovia na Rago.”

Nina Papi A Job 11:7

“?Me laka e tugugo igoe na tsodovulagiana i tana e vosâ gana loki ma gana susuliga God?

Luka 1:19

Ma na angelo e tsarivania, “Eo, minau a Gabriel. Au totu sailagi i matana God, maia nogo e raiau kau adimaivanigo na turupatu dou iani.

Hosea 6:1

Migira na tinoni ara tsaria, “!Ida gita ma ka visutugua i konina na Taovia! Aia nogo e gati ngotsingotsigita; me sauba nomoa ke taligita; aia e bokaligita, me sauba nomoa ke veqoa na bokada.

Goko Tabana 30:4

?Laka asei e dato nogo i baragata me visu tsunamaitugua? ?Laka asei nogo e tangoliginia limana na guguri? ?Se e veqoginia na polo na kô? ?Se e molo kalavatavia na vovotana na barangengo? ?Masei na asana ia, masei na asana na dalena? Ko tsarivaniau inau ti vaga igoe o dona.

Na Vaolusi Ketsa 29:29

“Ara visana rago na omea aia na Taovia nida God e molopoigira vanigita. Ma nina Ketsa moa aia e mololabatia, migita migira goto na kukuada nida aqo ka muri sailaginia na dani ma na dani.”

Tuturigana 35:9

Mi kalina a Jakob e visumai talu i Mesopotamia, ma God e labavanitugua me tabua.

Tuturigana 17:5

Mi kalina ia e utu nogo kara soaginigo a Abram, sauba kara soaginigo a Abraham, rongona inau au mologo igoe ko lia na mumuaqira na puku danga.

Tuturigana 35:10

Mi muri ma God e tsarivania, “Na soamu igoe aia nogo a Jakob, me tû kalina ia me bâ sauba kara soaginigo a Israel.” Me vaga ia ma God e soaginia a Israel.

Tsoko Tinoni 20:14

Kalina igira na tinoni ni Israel ara totu moa i Kades, maia Moses e molobagira visana na mane i konina na taovia tsapakae ni Edom ma kara tsarivania, “Igami ami adimaia kesa na goko e talu i koniqira na puku ni Israel igira nogo na kamamui igamu. Igoe o donagininogoa na rota loki ami tsodoa

1 Taovia Tsapakae 18:31

Maia e adigira sangavulu ruka na vatu papadana tugira sangavulu ruka na puku tana Israel ara tamavuginitugira na dalena a Jakob, aia nogo na mane na Taovia e molovania na soa Israel ke lia na soana.

2 Taovia Tsapakae 17:34

Migira ara adidatogira moa niqira lavu ni sau me tsaumai i dani eni. Mara tau nogo samasama vania na Taovia, mara tau goto murigira nina ketsa ma nina vali vaga aia e sauvanigira na kukuana a Jakob, aia e soaginigotoa a Israel.

1 Turupatu Dato 1:34

A Isaak na dalena a Abraham aia e tamanikaira ruka na dalena mane, kaira nogo a Esau ma Jakob.