Tuturigana 3:20 - Ghari

²⁰ Ma Adam e soaginia na tauna ko Eva rongona aia na tinaqira na tinoni sui.

Tuturigana 3:20 Referans Kwoze

Mateo 1:23

“E kesa na siama sauba aia ke tiana, me ke vasua kesa na dalena mane, me ke soaginia a Emanuel.” Ma na rongona na soa ia, ‘God e totu i konida’.

Tuturigana 2:23

Ma na mane e tsaria, “Eo, ia kalinâ e totu kesa e atsa koluau inau, na sulina na suliqu, ma na lakana na lakaqu. Ma kau soaginia ‘daki’ rongona e talu tana mane.”

Tuturigana 5:29

me tsaria, “Na baka iani sauba ke tabegita me ke gini malamala vanigita pipi nida aqo kakai tana kao aia na Taovia e ketsonogoa”; me vaga ia, maia e soaginia a Noa.

Tuturigana 2:20

Mi tana, ma na mane ia e molo soaqira babâ pipi sui na manu ma na omea tuavati; me tagara moa sa vidaqira igira ke ulagana ke lia gana totukolu me ke sangâ.

Aqoaqo 17:26

E vusaa kesa moa na tinoni, mi konina moa aia ara talumai igira sui na mamatana tinoni, maia nogo e livugira pipi nauna tana barangengo popono. Idavia e aqosigira na tinoni, maia e pede idanogoa ke ngisa miava igira kara mauri.

Mateo 1:21

Me sauba ke vasua kesa na dalena mane, migoe ko soaginia a Iesu, (ma na rongona na soa ia ‘Vagamauri’), rongona aia nogoria sauba ke maurisigira nina tinoni tania niqira sasi.”

1 Samuel 1:20

Me tiana ko Hana me vasua kesa na dalena mane. Maia e soaginia a Samuel, me tsaria, “Aia nogo na baka inau au nongia i konina na Taovia.”

Binaboli 2:10

Mi muri, kalina e pasa nogo na baka ia, ma na tinana e adi bâ vania na dalena na taovia tsapakae, maia e tabevaganana moa laka na dalena segeni. Maia e tsarisegenina, “Inau au tsebadatoa tania na kô, me vaga ia minau au soaginia a Moses.”

Tuturigana 35:18

Maia e varangi nogo ke mate, me datovia na magomago loki, maia e soaginia na dalena a Benoni, maia na tamana e soaginia a Benjamin.

Tuturigana 16:11

Igoe sauba ko vasua kesa na dalemu mane, me sauba ko soaginia a Ismael, rongona na Taovia e rongominogoa nimu ngangai i laona nimu rota.

2 Korint 11:3

Mau matagu moa ke tau laba vanigamu na omea vaga e laba vania ko Eva i sau. Na muata e laba vania me valoginia nina goko puipui, maia ko Eva e gini puka tana sasi. Migamu goto, e tau utu ti ke piloseko nimui papada ma kamu tau goto padangaoa na muriana a Iesu Kristo tana tobamui popono.

1 Timoti 2:13

Rongona God e ida na aqosiana a Adam, mi muri moa ti ko Eva.

Tuturigana 3:21

Ma na Taovia God e aqosipolo ginia na kokorana na omea tuavati vanikaira a Adam ma ko Eva, me pipisiginikaira.