Tuturigana 29:2 - Ghari

² Me tavongani morosia kesa na tuvu i laona na poiatsa, mara tolu na alaala na sipi ara tsaro polipolia. Mi tana tuvu ia i tana nogo ara tore gaqira kô igira na sipi, me totu kesa na vatu loki tana mangana.

Tuturigana 29:2 Referans Kwoze

Ioane 4:6

Mi tana goto e totu nina tuvu a Jakob. Ma Iesu e kolae tana vanovano, me ba totupuka liligina na tuvu. Ma na tagu ia, na niaso vota.

Isaia 49:10

e utu goto kara dona na vitoa ma na marou. Na paparana na aso ma na kaomate e utu goto ke sekoligira, rongona aia e galuvegira sauba ke idagana sautu vanigira, me ke tudumigira bâ tana ko vuravura.

Na Katemai 7:17

rongona na Dalena Sipi, aia e totu i levugana patupatu na sasana na totukae, aia nogo sauba ke lia niqira reitutugu, vaga kesa na reitutugu sipi aia e reitugudougira nina sipi. Me sauba ke tudumigira baa tana vuravura na ko tusumauri. Mi tana tagu ia, ma God sauba ke saluvaligi vanigira pipi na koo na mataqira.”

Ioane 4:14

Masei ti ke inuvia na koo inau kau tusuvania, tagara ke tau marou tugua. Na koo vaga inau kau sauvania ia, sauba ke lia vaga na vuravura na ko tusumauri i laona tobana me ke bugudato vania na mauri saliu.”

Linge 23:2

Aia e tamivaniau kau tsaro ma kau mango i laona na uta i tana e marao dou rago na buruburu, me tudumiau bâ tana maomao na ko maroga.

Tuturigana 24:13

Inau au totu ieni tana tuvu i tana igira na daki vaolu tana verabau iani sauba kara mai na tore kô.

Tuturigana 24:11

Mi kalina aia e ba laba i tana, me mologira nina kamelo kara tsaro i ligisana na tuvu i tabana i tano na verabau ia. Mi tana tagu ia e niaso ngulavi nogo, ma na tagu goto i tana igira na daki ara lavu na mai na tore kô tana tuvu ia.

Tuturigana 24:10

Ma na maneaqo, aia e reitutugugira nina omea levolevo a Abraham, e adigira e sangavulu nina kamelo gana taovia, me vano i Mesopotamia tabana i vava tana nina verabau a Nahor.

Tuturigana 29:3

Mi kalina kara maisai igira sui na alaala na sipi, mi tana ti igira na mane pitusipi kara keliligia na vatu ia ma kara sao gaqira kô. Mi muri, ma kara molovisutugua na vatu ia tana mangana na tuvu.

Tinoni Pede 5:11

!Kamu rorongo! !Na toga ara galaleleo polia na tuvu mara gini gogoko sosongo tana rongona gana tangomana na Taovia, ma gaqira tangomana igira na tinoni ni Israel! Mi muri ma nina tinoni na Taovia ara ala tsunamai tana matsapana niqira verabau.