Tuturigana 25:21 - Ghari

²¹ Ma Isaak e nonginongi vania na Taovia rongona e totu mamane ko Rebeka na tauna. Ma na Taovia e rongomia nina nonginongi me gini tiana ko Rebeka.

Tuturigana 25:21 Referans Kwoze

Esra 8:23

Bâ, mami tû, mami tsonivitoamami segeni, mami nongia God ke vangataogami, maia e rongomia nimami nonginongi.

Luka 1:13

Ma na angelo e tsarivania. “!Ko laka na matagu, a Sekaria! God e rongominogoa nimu nonginongi, maia ko Elisabet na taumu sauba ke vasuvanigo kesa na dalemu mane. Migoe sauba ko soaginia a Ioane.

Isaia 58:9

Mi tana ti vaga igamu kamu nongia sa omea i koniqu, minau sauba kau tusuvanigamu na omea amu nongia. Mi kalina kamu ngangaidato vaniau, minau sauba kau rongomigamu ma kau sangagamu. “Me ti vaga igamu kamu molole saikesalia na bingi sekoli tinoni, ma na sau kakaumui tana peapea, me pipi vatana na goko seko,

2 Turupatu Dato 33:13

Ma God e tabea nina nonginongi a Manase me tamivania ke visu i Jerusalem me ke tagaotugua. Mi tana omea vaga nogo iani te e gini dona maka nomoa a Manase laka na Taovia nogo e God manana.

1 Turupatu Dato 5:20

Migira ara vataraginia niqira amesi konina God mara nongia ke sangagira, ma God e rongomia niqira nonginongi me sangagira, me gini managaqira na tuliusiaqira na Hagar migira sui goto ara sai alaala kolugira.

1 Samuel 1:27

Mi tana dani ia, minau au nongia na Taovia ke sauvaniau na baka iani, maia e tusuvaniau nogo na omea inau au nongia i konina.

Luka 1:7

Mara ka tau tamani baka rongona ko Elisabet e mamane. Mi tana tagu ia, aia ko Elisabet e dakidaki nogo, maia Sekaria e tuqatuqa sosongo goto.

Isaia 45:11

Na Taovia aia na God tabu ni Israel, aia e aqosigira na omea sui e tsarivaganana iani: “!E tau nimui aqo igamu kamu veisuaau inau tana rongoqira na dalequ, se kamu pedea na omea gua kau naua!

Goko Tabana 10:24

Na tinoni vanga tsutsukibo sauba ke adia na omea e mataguni sosongolia bâ, maia e goto nina sasaga e adia pipi sui na omea e ngaoa.

Linge 91:15

Mi kalina ti igira kara nongiau kau sangagira, minau sauba kau sangagira; me ti vaga ke gadovigira na rota, minau sauba kau totu i koniqira. Sauba kau laumaurisiqira ma kau molokaegira.

Tuturigana 11:30

Maia ko Sarai e tau tangomana ke tamani sa dalena.

Linge 145:19

Aia e tusule vanigira igira ara kukuni tania na omea sui ara nongia i konina; me rongomia niqira ngangaidato vania me maurisigira.

Linge 127:3

Na tamani baka aia nogo na vangalaka e talumai i konina na Taovia; igira nogo nina sausau manana God vanigita.

Linge 65:2

rongona igoe o rongomigira manana nimami nonginongi. Igira na tinoni sui sauba kara labamai i matamu igoe,

Isaia 65:24

Idavia kara tau vati nongiau sa omea, minau sauba kau tuguvisunogoa niqira nonginongi.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

1 Samuel 1:11

Ma ko Hana e naua kesa nina veke vania na Taovia me tsarivania, “!Taovia Susuliga Sosongo, ko moromai i koniqu inau nimu dakiaqo! !Ko morosia niqu rota mo ko padaau kiki! !Mo ko laka kiki goto na padaleaqu! Me ti vaga igoe ko sauvaniau ke kesa na dalequ mane, minau au vekevanigo laka sauba kau baloa vanigo, migoe ko tamanina tana maurina popono, me utu goto kara putsiligia na ivuna.”

1 Samuel 1:2

Ma Elkana e tamanina ara ka ruka na tauna, aia ko Hana maia ko Penina. Ma ko Penina moa e tamani dalena, maia ko Hana e tau tamanina sa dalena.

Tuturigana 16:2

Me kesa dani ko Sarai e tsarivania a Abram, “Na Taovia e tongovaniau nogo inau kau tamani dalequ. Me ti ke dou vanigo igoe, mo ko maturu kolua niqu tseka. E tau utu aia ke tangomana ke vasuvaniau sa baka.” Ma Abram e tabea na omea ko Sarai e tsarivania.

1 Samuel 1:17

Ma Eli e tsarivania, “E dou, ko vano tana rago. Maia na God ni Israel ke sauvanigo na omea igoe o nongia i konina.”

Tuturigana 30:22

Mi muri ma God e padatugua ko Ratsel; maia e rongomia nina nonginongi me naua me gini tangomana ke tamani dalena.