Tuturigana 25:13 - Ghari

¹³ e tamani sangavulu ruka na dalena mane ara tu botsa vaitsarimurigi: igira nogo a Nebaiot, ma Kedar, ma Adbeel, ma Mibsam,

Tuturigana 25:13 Referans Kwoze

Isaia 60:7

Migira na Kedar ma na Nebaiot sauba kara adimai vanigo niqira alaala popono na sipi, me sauba ke gini laona sosongo na Taovia na reiaqira nimu tinoni kalina kara savorigira vania i kelana nina belatabu. Maia na Taovia sauba ke naua, me ke gini tangi loki bâ ganarongo nina Vale Tabu.

Isaia 42:11

Igamu sui amu totu tana kaomate, kamu tsonikaea God; migamu goto na tinoni ni Kedar, kamu lilinge ma kamu tsonikaea. Migamu amu totu tana verabau ni Sela kamu gudato tana magemage i kelaqira na vungavunga.

Linge Na Galuve 1:5

Kamu rorongo mai igamu na daki ni Jerusalem. Inau e bora rago na kokoraqu, mau rereidou sosongo nomoa. Au bora vaga saikesa na valepolo tana kaomate ni Kedar, mau rereidou vaga saikesa nogo na polokatsi ara tsauraginia tana valena a Solomon.

Linge 120:5

Na totu i laomui igamu e seko sosongo atsa vaga moa ti na totu i Mesek, se i laoqira na tinoni ni Kedar.

Tuturigana 36:3

ma ko Basemat na dalena a Ismael ma na tasina daki a Nebaiot.

Tuturigana 25:14

ma Misma, ma Duma, ma Masa,

Tinoni Pede 8:24

Me tsarigotoa vanigira, “Au nongigamu kamu tamivaniau ma kau nongia i konimui kesa na omea. Pipi gamu sui lakalaka kamu saugira vaniau na tsaukuli sui igamu amu adigira.” Igira na Midian ara molo gaqira tsaukuli qolumila tana kuliqira vaga goto ara naua igira sui na tinoni tavosi ara mauri tana kaomate.

Jeremia 49:28

Iani nogo na omea e tsaria na Taovia tana rongoqira na Kedar, ma na butona kao e tagaovi kaputigira a Hasor, igira nogo aia a Nebukadnesar na taovia tsapakae ni Babilonia e tangoligira: “!Kamu baginigira na tinoni ni Kedar, ma kamu matesiligigira sui igira na tinoni ara totu tabana i longa!

Tuturigana 17:20

Inau au rongominogoa nimu nono tana rongona a Ismael, me sauba kau vangalaka vanigotoa aia, ma kau sauvania ke danga na dalena me ke danga na kukuana. Maia sauba ke lia na tamaqira sangavulu ruka na tinoni tataovia, ma kau naua migira na kukuana kara lia na puku loki.

Tuturigana 28:9

Maia e tû me vano i konina a Ismael na dalena a Abraham me ba taugâ ko Mahalat aia na dalena a Ismael ma na tasina a Nebaiot.

Jeremia 2:10

Kamu adi vaka ma kamu votu bâ tana momoru ni Siprus, ma kamu mologira visana tinoni kara liu i longa tana butona kao ni Kedar; me sauba kamu reia laka na omea vaga iani e tau goto vati laba sa dani sa nauna.

Esekiel 27:21

Migira na tinoni ni Arabia migira na taovia tagao tana butona kao ni Kedar ara oliginia nimu omea gana na tsabiri niqira dalena sipi, ma niqira sipi loki, ma niqira naniqoti.