Tuturigana 21:15 - Ghari

¹⁵ Mi kalina e kora saikesa ka gaqira kô, maia e moloa na baka i vavana kesa na gai tetelo

Tuturigana 21:15 Referans Kwoze

Jeremia 14:3

Igira na tinoni ara tamani omea danga ara molovanogira niqira tinoni aqo kara ba sao kô; migira ara vano tana tuvu mara tau goto ba reia sa kô; mara adivisu lea moa niqira popovatu. Ara vangamâ, me ponopala na tobaqira, mara tsavupoia na mataqira.

Linge 63:1

God igoe nogoria niqu God, minau e silovi sosongoliau na reiamu igoe. Na koniqu popono e amesigo moa igoe; ma na tidaoqu e gini marou tana rongomu, vaga saikesa moa ti na kao mamatsa lê, me tagara sa kô ke malobusia, na tidaoqu e gini marou tana rongomu igoe.

2 Taovia Tsapakae 3:9

Me vaga ia, mi tugira na taovia tsapakae ni Israel mi Juda mi Edom ara tu aligiri na vano na vailabu. Mi kalina ara vano nogo i laona e vitu na dani, me kora saikesa gaqira kô, me tagara goto sa duduvina ke totuvisu vanigira na mane vaumate, migira goto niqira omea tuavati ara kalagaia gaqira boli.

Isaia 44:12

Aia na mane e dona na gini aqo na tapala e adia kesa turina na tapala me kodoa i laona na lake. Mi muri ma na limana susuliga e langâ nina gama gana ke gini tai taonia na nununa na god peropero. Mi kalina aia e aqoaqo e vitoa, me marou, me kolae lê.

Tuturigana 21:14

Mi tana matsaraka bongibongi na dani ngana, ma Abraham e sauvania ko Hagar visana na mutsa me kesa na todo na kô. Maia Abraham e sulukaea na baka tana kokovena tinana me molovanoa. Maia ko Hagar e vano me liu bamai moa i laona na kaomate ni Beerseba.

Tuturigana 21:16

maia e vano me ba totu puka gana ngongo tsege sangavulu na sangava tania na nauna i tana e moloa na dalena. Maia e tsarisegenina, “E utu kau berengiti na reiana kalina ke mate na dalequ.” Mi kalina aia e tototu moa i tana, ma na baka e tuturiga na ngangai.

1 Taovia Tsapakae 17:12

Ma na daki ia e tsarivania, “Tana asana nogo na Taovia mamauri aia nimu God, inau au gini vatsa laka au tau tamanina sa bredi. E kesa lelê moa na kakarona tetelo na pulaoa e totuvisu tana popo, me kesa lelê moa na kukuduna tetelo na oela tana tosu. Minau au mai ieni na lave lake, ma kau visu i vera ma kau bitia kesa moa na bredi tetelo vanikagami dalequ minau. Aia na susuina saikesa ka gamami mutsa kami ka gania, mi muri ma kami ka pitua moa na mate.”