Tuturigana 2:24 - Ghari

²⁴ Aia nogo na rongona ti na mane e mololekaira na tamana ma na tinana me totusai kolua na tauna, mi kaira ruka ara ka lia kesa moa.

Tuturigana 2:24 Referans Kwoze

Roma 7:2

Ka tovogini vaganana ni. Ti na daki tauga, ma na ketsa e sorisaikolua na savana kalina na savana e mamauri moa. Me ti vaga na mane ke mate, mi tana aia na daki e tanusi tania na ketsa e soria kolua na mane ia.

Goko Tabana 31:10

!E kakai sosongo nomoa na tsodoana sa daki ke madodo dou ko taugâ! Na daki vaga ia ti vaga na vutiana me ke loki sosongo nomoa na matena!

Goko Tabana 12:4

Na daki dou e saumage vania na savana; ma na daki seko e paluvangamana savana e vaga moa ti na vora tsukâ e liu i laona na sulina.

Linge 45:10

Igoe nina aneane na taovia tsapakae, ko rongomi vatavia na goko kau tsarivanigo, ko padalegira nimu tinoni segeni ma na valena tamamu.

1 Timoti 5:14

Aia na rongona ti au pada laka e dou baa ti igira na daki vaolu tinamate kara taugatugua, ma kara tamani baka, ma kara aragodoua na valeqira, ma kara gini tau tamani rongona igira gada gala na keli vaniada sa omea seko.

Na Vaolusi Ketsa 10:20

Kamu kukuni tania na Taovia nimui God, maia segenina moa kamu samasama vania. Kamu totukakai i konina, mi tana asana segeni moa ia kamu naugira nimui veke.

Na Vaolusi Ketsa 4:4

migamu moa igamu amu totu kakai konina na Taovia nimui God, amu mamauri moa tsaumai i dani eni.

Aqoaqo 11:23

Mi kalina aia e ba laba tana me reivulagia danga na omea dou God e aqosinogoa i laoqira na tinoni ni tana, me gini mage loki tobana me raigira laka kara tukakai manana i konina na Taovia tana tobaqira popono.

Josua 23:8

Migamu nimui aqo kamu totukakai kalavata moa i konina na Taovia, vaga amu naunogoa tsaumai i dani eni.

Tuturigana 4:19

A Lamek e tamanikaira ruka na tauna, kaira ko Adah ma ko Sila.

Goko Tabana 2:17

aia e tau nogo totu kalavata kolua na savana segeni me padalea nina veke tabu na tauga e naua.

1 Samuel 25:43

A David e tauganogoa ko Ahinoam ni Jesreel, mi kalina ia, maia ko Abigail e lia goto na tauna.