Tuturigana 19:37 - Ghari

³⁷ Maia na dalena daki botsa ida e tamani kesa na dalena mane, me soaginia a Moab. Maia nogo na mumuaqira igira na Moab i dani eni.

Tuturigana 19:37 Referans Kwoze

Na Vaolusi Ketsa 2:9

Ma na Taovia e tsarivaniau inau, ‘Kamu laka na nauvaniaqira sa omea seko igira na tinoni ni Moab igira na kukuana a Lot, se na ratsiana na vailabu koluaqira. Inau nogo au sauvanigira na verabau ni Ar, me utu goto kau sauvanigamu igamu sa turina niqira kao.’ ”

Nina Papi Ko Rut 4:10

Maia goto ko Rut na daki ni Moab aia na tinamatena a Malon, sauba ke lia nogo na savaqu inau. Aia nogo ke vaga ti ke gini totu nina omea tatamani i limaqira igira na vungu konina na mane e mate, ma kara vaitugugi datodato i laoqira nina tinoni mi verana segeni nogo. Igamu saikesa nogo amu sanga na reiana na omea girani i dani eni.”

Na Vaolusi Ketsa 23:3

“Ke tabu vanigotoa sa tinoni ni Amon se i Moab, se sa kukuaqira goto, atsa moa ke tsau bâ tana sangavulunina vatavata, kara sage bâ i laoqira igira nina tinoni na Taovia.

Na Vaolusi Ketsa 2:19

Mi kalina kamu ba laba i tana me sauba kamu totu varangisia niqira kao igira na Amon, migira nogo na kukuana a Lot. Kamu laka goto na nauvaniaqira sa omea seko, se na ratsiana na vailabu koluaqira, rongona inau e utu kau sauvanigamu sa turina niqira kao igira inau au saunogoa vanigira.’ ”

Tsoko Tinoni 21:29

!Sauba ke seko sosongo vanigamu igamu na tinoni ni Moab! !Igamu amu samasama vania Kemos na god peropero sauba kamu nangaligi lê sui! Ma nimui god peropero ia e tamia moa nimui mane kara totu tsinogo bamai tana veratavosi, ma niqira taovia tsapakae na Amor ara laugira sui nimui daki.

Tuturigana 19:36

Mi tana nauvaganana ia, ti kaira sui na dalena a Lot ara ka tianaginia ka tamaqira segeni.

1 Samuel 14:47

Mi kalina a Saul e tukakai nogo tana nina aqotagao tana Israel, maia e vailabu kolugira sui ganagala pipi tana nauna: e vailabu kolugira na tinoni ni Moab, mi Amon, mi Edom, migira na taovia tsapakae ni Soba, migira goto na Pilistia. Maia e tangomana iava moa i tana e ba vailabu.

Linge 83:9

Taovia ko tû, mo ko nauvanigira na omea vaga o nauvanigira na Midian, me vaga o nauvanikaira a Sisera ma Jabin tana Kô Kison.

Sepania 2:8

Ma na Taovia Susuliga Sosongo e tsaria, “Inau au rongomigira na tinoni ni Moab mi Amon ara tsaigira mara gokoseko vanigira niqu tinoni, mara koesegeniqira laka sauba kara ba tangolia niqira kao.