Tuturigana 19:29 - Ghari

²⁹ Mi kalina God e toroutsanikaira na verabau i tana e totu a Lot, maia e padâ moa a Abraham te e tamivania a Lot ke vanoligi tania na vera ia me ke mauri.

Tuturigana 19:29 Referans Kwoze

Na Vaolusi Ketsa 9:5

Me tau tana rongona igamu amu dou mamu naua na omea e goto, ti na Taovia e gini tamivanigamu kamu adia niqira kao. Tagara. Aia sauba ke tsialigigira rongona igira e seko niqira sasaga, me rongona goto aia e ngaoa ke manalia nina veke e naukolutugira na mumuamui, tugira a Abraham, ma Isaak, ma Jakob.

Tuturigana 8:1

Ma God e tau padalea a Noa migira na omea mamauri sui ara totu kolua tana vaka; maia e tû me molomaia na guguri, ma na kô e gini tuturiga na tsuna.

Linge 25:7

Mo ko laka goto na padatuguaqira niqu sasi au naua kalina au tinoni vaolu moa. !Tana nimu galuve vo oli ma nimu tobalaka ko padaau Taovia, rongona igoe o dou sosongo!

2 Petero 2:7

God e maurisia a Lot, aia goto e kesa na mane dou. E ngoli sosongolia na tobana na reiana niqira mauri seko igira na tinoni ara peaa na mangana God.

Hosea 11:8

“?Me koegua ti kau mololegamu igamu na Israel? ?Me ke koegua ti kau tsonilegamu? ?Laka kau sekoligamu vaga au nauvaninogoa na vera ni Sodom, se kau nauvanigamu na omea vaga au nauvanigira na Gomora? !E utu! Niqu galuve vanigamu e loki sosongo me gini utugana vaniau kau sekoligamu.

Linge 145:20

Na Taovia e reitutugugira igira sui ara galuvea, me sauba ke matesigira na vanga tsutsukibo.

Linge 136:23

Aia e tau padalegita kalina igira ara tuliusigita; rongona nina galuve e totu saviliu.

Linge 106:4

Taovia ko padaau goto inau, kalina igoe ko sangagira nimu tinoni; mo ko maurisiau goto inau kalina ko maurisigira igira.

Linge 105:42

E padavisua nina veke tabu aia e nauvaninogoa a Abraham nina maneaqo.

Nehemia 13:22

Mau ketsaligira na Levite kara suisui segeniqira, ma kara ba mataligira na matsapakapu, rongona na Dani na Sabat ke lia na dani tabu manana. Niqu God, ko padaau goto tana rongona na aqo iani inau au nauvanigo, mo ko galuveau tana nimu galuve vo oli.

Nehemia 13:14

Migoe niqu God, ko padatugugira na omea sui girani inau au nauvania nimu Vale Tabu ma na gotoliana na aqona na samasama i laona.

Tuturigana 30:22

Mi muri ma God e padatugua ko Ratsel; maia e rongomia nina nonginongi me naua me gini tangomana ke tamani dalena.

Tuturigana 12:2

Inau sauba kau tusuvanigo ke danga na kukuamu, migira sauba kara pabo ma kara lia na puku loki. Me sauba inau kau vangalaka bâ vanigo, ma kau naua me ke gini tangiloki sosongo na soamu, mi tana soamu nogo igoe ti sauba kara gini tsotsovata na tinoni sui tana barangengo popono.

Linge 105:8

Aia sauba ke padatugu sailaginia moa na vaitasogi e naua kolugira i sau, ma nina veke sauba kara totu kalavata saviliu vanigira na toga ma na toga na vatavata.

Tuturigana 11:27

Igirani nogo na kukuana a Tera, aia tu tamaqira tugira a Abram, ma Nahor ma Haran. A Haran na tamana a Lot,

Na Vaolusi Ketsa 7:8

Maia na Taovia e galuvegamu manana nomoa me ngaoa ke manalivanigamu nina veke aia e nauvanigira na mumuamui i sau. Maia nogo na rongona ti tana susuligana loki aia e laumaurisigamu tania na totu tseka vaniana na taovia tsapakae ni Ejipt.

Na Vaolusi Ketsa 9:27

Ko padatugira nimu maneaqo, tugira a Abraham, ma Isaak, ma Jakob, mo ko laka na reiana niqira tsatsarae na tinoni girani, ma niqira tsutsukibo, ma niqira sasi loki ara naua.

Esekiel 14:16

Me atsa moa ti tugira a Noa, ma Danel, ma Job kara tu totu i tana, minau au gini vatsa tana asaqu segeni nogo inau na Taovia God mamauri, laka e utu vanitugira goto kara tu tangomana na laumaurisiana ke kesa, atsa moa ti tu daleqira segeni. Mi tugira segeni moa sauba inau kau gaea tu mauriqira, ma na butona kao popono ia, sauba ke lia na kao mangu lê.

Nina Papi A Job 35:8

Migira saikesa moa gamu dulikolu ara rota mateqira nimu sasi, ma na aqo dou igoe o naua e sangagira moa igira.